ရှောင်စေရာ
ရှောင်စေကြောင်း
မျက်စိကျမ်းမာရေးကောင်းနေစဉ်(မျက်စိဝေဒနာ တစုံတရာမဖြစ်ဘဲ
သက်တောင့် သက်သာရှိနေစဉ်) အချိန်ကာလမျိုးများ၌ မျက်စိကျမ်းမာရေးကို ဂရုစိုက်ရန်
မေ့လျော့ နေတတ်ကြ သူအများစုသည် မျက်စိတွင်းသို့ ဖုံအမှိုက်ဝင်ခြင်း၊မျက်စိနီခြင်း ၊မျက်စိ
နာခြင်း၊မျက်စိမှုန်ခြင်း (ကြည့်မကောင်းခြင်း)၊ ကိုက်ခဲနာကျင်ခြင်း၊စသည်ဖြင့်
မျက်စိ ဝေဒနာတမျိုးမျိုးကို ရုတ်တရက်
ခံစားရသော အခါတွင်၊ စိုးရိမ်စိတ်ဖြင့်
မပြုသင့်သော အမှားနည်းများကို သက်သာရာသက်သာကြောင်း အတွက် ပြုမိတတ်ကြပါသည်။
ကမ္ဘာ့ကျမ်းမာရေးအဖွဲ့(WHO)၏(GDB)
မှတ်တမ်းအချို့တွင် ကမ္ဘာ့တဝှမ်း၌ လူပေါင်း
သန်း ၂၈၀ ခန့်သည် အမြင်အာရုံချို့တဲ့သော သူများဖြစ်ပြီး၊၄င်းတို့အနက်
သန်း ၄၀ နီးပါးသည်အမြင်
အာရုံ လုံးဝချို့တဲ့သူများဖြစ်၍၊ သန်း၂၄၀ ကျော်မှာ
တစိတ်တပိုင်း ချို့တဲ့သူများဖြစ်ကြောင်းဖော်ပြထား သည်ကို တွေ့ရပါသည်။စိတ်ဝင်စားဖွယ်
ကောင်း သောအချက်မှာ အမြင်အာရုံချို့တဲ့ သူအများစုသည် မှားယွင်းသော ဒေသဆိုင်ရာ နည်း
များဖြင့် ကုသခြင်း၊ကြားဖူးနားဝ အရပ်ပြောနည်းများကိုပြုလုပ်ခြင်းနှင့် မျက်စိကျမ်း
မာ ရေးဗဟုသုတ ခေါင်းပါးခြင်းများကြောင့်ဖြစ်ကြောင်း ဖော်ပြထားသည့် အချက်ပင်ဖြစ် ပါသည်။
အချို့သောသူများသည်
မျက်စိကိုပုံမှန်ဆိုသလို အကြောင်းမဲ့ရေဖြင့် ဆေး ကြောတတ် ကြ ပြီး၊ယင်း အလေ့အထသည်
မျက်စိကျမ်းမာရေးကို အထောက် အကူပြု ကြောင်း သုတေသနပြုတွေ့ရှိ ချက်တစုံတရာ
မရှိကြောင်းလည်း ကျွမ်းကျင်သူများက ဆိုပါသည်။ ရေခွက်ထဲသို့ မျက်နှာကိုနစ်လျှက် မျက်စိကိုဖွင့်လိုက်
ပိတ်လိုက်လုပ်၍ မျက်စိကိုရေဖြင့် ဆေးကြောလေ့ရှိသူများကို ရည်ညွှန်းလိုဟန်ရှိ
ပါသည်။
ထိုသို့ပြုလုပ် ခြင်းသည် သန့်ရှင်းသောရေကိုသုံးမိပါက
ဆိုးကျိုးများမဖြစ်နိုင်သော်လည်း ၊ မသန့်ရှင်း သောရေကိုသုံးမိလျှင် မလိုလားအပ်သည့်
ရောဂါပိုးကူးစက်မှုများနှင့် ကြုံတွေ့ရနိုင်ပါသည်။
စာရေးသူတို့၏ လူမှုအသိုင်းအဝိုင်းတွင်လည်း၊
ဒေသဆိုင်ရာနည်းဖြစ်သည့် အတွင်းတိမ်ကို မိုးကြိုးသွား၊ ဆေးမြစ်
စသည်တို့ဖြင့်တွန်းချ၍ ကုသသောနည်းကဲ့သို့ ကြောက်မက်ဖွယ်နည်းဖြင့် ကုသမှုကို
မြင်တွေ့နေရဆဲ(ယခင်ကကဲ့သို့ မကြာမကြာ တွေ့ရခြင်းများ မရှိတော့သော် လည်း) ဖြစ်သောကြောင့်
မျက်စိဝေဒနာရှင်များ အထူး သတိပြုရှောင်ကြဉ်သင့်ကြပေသည်။
မျက်စိတွင်းသို့
ဖုန်အမှိုက် သံစ စသည်တို့ဝင်လျှင် အများပြော ဘေးပြောနည်းများဖြစ်သည့်
အာခံ တွင်းလေဖြင့် ပြင်းစွာမှုတ်၍ ထုတ်ခြင်း၊ ငွေစက္ကူဒေါင့်ချိုးဖြင့်ထိုး၍
ကလော်၍ထုတ်ခြင်း၊ သွားကြားထိုးတံ ကဲ့သို့ အလွယ်ရ အလွယ်တွေ့ ပစ္စည်းများဖြင့်ထုတ်ခြင်းများသည်
မလိုလားအပ်သော မျက်စိပြဿနာ များကို ပေါ်ပေါက်လာစေနိုင်သောကြောင့်
အထူးပင်ရှောင်သင့်ပါသည်။
တခါက မျက်စိဆေးခန်းသို့ လာရောက်ပြသသူများအနက်
မျက်စိအတွင်း၌ ကွမ်း သီးကွမ်းဖတ်များ ဝင်နေသော(၇)နှစ်အရွယ်ခန့်ရှိ ကလေးငယ်တဦးကို မြင်တွေ့
ခဲ့ရဘူး ပါသည်၊အကြောင်းရင်းကိုမေး ကြည့်ရာ- ဖခင်ဖြစ်သူက ဆိုင်ကယ်ဖြင့် ကလေးကျောင်း
ကြိုသွားရင်း ကလေးမျက်စိတွင်းသို့ ဖုံဝင်သောကြောင့် လုပ်လေ့လုပ်ထရှိ သည့်အတိုင်း
အာခံတွင်းလေဖြင့် ပြင်းပြင်းမှုတ်ပေး လိုက်၏။ဖခင်စိတ် သောကဖြင့် အလျင်စလိုပြုမိ သည်ဖြစ်ရာ
မိမိကွမ်းဝါးထားသည်ကို မေ့
သွားသောကြောင့် ကလေး၏ မျက်စိတွင်းသို့
ကွမ်းသီးကွမ်းဖတ်များကို မှုတ်သွင်းသကဲ့သို့ဖြစ်
သွားကြောင်း သိရပါသည်။
မျက်စိပြင်းစွာကိုက်ခြင်း၊ မျက်စိနီခြင်းများ
ဖြစ်လျှင်လည်း ဆေးမြစ်များသွေး၍ မျက်စိကွင်းခြင်း၊ ဆေးရွက်များအုပ်၍ ကပ်ခြင်းများကိုလည်း
တွေ့ဘူးမြင်ဘူးကြပါလိမ့် မည်။ ထိုက်သင့်သောသက်သာမှုကို ရကောင်းရမည်ဖြစ်သော်လည်း၊ ဖြစ်ပွားရခြင်း၏
အကြောင်းရင်း ဇစ်မြစ်ကို သေချာဂဏမသိဘဲ ပြုရိုးပြုစဉ် အလေ့အထအတိုင်းပြုခြင်း မျှသာဖြစ်၍
ထိရောက်သော အကျိုးရလဒ်ကောင်းကို ရရှိနိုင်မည် မဟုတ်ပေ။ မျက်စိ နီခြင်း၊ မျက်စိကိုက်ခြင်းများသည်
သာမန် ရာသီပြောင်း မျက်စိနာရောဂါပိုး ကူးစက်ခြင်း ကြောင့်ဖြစ်နိုင်သကဲ့သို့၊ မျက်စိအမြင်အာရုံကို
လုံးဝဆုံးရှုံးသည်အထိ အန္တရယ်ပြု နိုင်သော မျက်စိရေတိမ်ကြောင့်လည်း ဖြစ်တတ်ပေရာ
လုပ်ရိုးလုပ်စဉ် အလေ့အထမျှ သာပြု၍ ကျေနပ်နေသင့်သော ကိစ္စတရပ်မဟုတ်ပေ။
အဝေး အနီးရှိအရာဝတ္တု
စသည်တို့ကိုကြည့်မကောင်း(ပြတ်သားမှုမရှိ မထင်ရှား ဝါးတားတား ၊ ပုံသဏ္ဍန်များကို
အပြည့်အစုံမမြင် တစိတ်တပိုင်းသာ တွေ့ရ)လျှင်၊ကြုံရာ တွေ့ရာ
အလွယ်ရမျက်မှန် တပ်ခြင်းမျိုး၊ ပါးစပ်ညွှန်း ကြော်ငြာကောင်း လူသုံးများ နာမည် ကြီး
သောက်ဆေးများသောက် ၍ ပြန်ကောင်းနိုးနိုး ပြန်ကြည်လာနိုးနိုးမျှော်တလင့်လင့်
ဖြင့်လည်းမနေသင့်ကြပေ။ မျက်စိအမြင် မကြည်လင်ခြင်း၏ အခြေခံ အကြောင်းတရား
ဇစ်မြစ်များသည် တခုမဟုတ် အများပင်ရှိရာ၊ မျက်မှန်တပ်ရန်လိုအပ်ခြင်းကဲ့သို့ ချက်
ခြင်း ဆုံးဖြတ်ချက်ချ၍ ဖြေရှင်းနိုင်သော ပြဿနာရှိ သကဲ့သို့၊ မြင် လွှာအားနည်းဖောက်
ပြန်ခြင်း၊မျက်စိအာရုံကြောမကောင်းခြင်း၊ ဆီးချိုရောဂါကြောင့်
မျက်စိမှုန်ခြင်း
တို့ကဲ့သို့ အချိန်ယူကုသရသော မျက်စိရောဂါများလည်း
ရှိသည်ဖြစ်ရာ၊ရပ်သုံးရွာသုံး ဒေသသုံး
နည်းစနစ်များ လုပ်နည်းလုပ်ဟန်များကို
ရှောင်ရှားသင့်ပါသည်။
သို့ဖြစ်ရာ ဖြစ်ပွားရသည့် အကြောင်းရင်းကို
ဂဃနဏသိလျက် ထိရောက်သော ကုသမှုများ ရရှိနိုင်သော ဆေးရုံဆေးခန်းများသို့
သွားရောပြသခြင်းသည်သာ မိမိမျက်စိ ကျမ်းမာရေးအတွက် အကောင်းဆုံး ဆောင်ရွက်ချက်ဖြစ်ပါကြောင်း
ရေးသားအပ်ပါသည်။(၂၀၁၀-၂၀၁၅ GDB-Global Burden of Disease လေ့လာဆန်းစစ်မှု၊ကမ္ဘာတ
ဝန်းမျက်မမြင်ပြန့်နှံ့မှုနှုန်းထားမှ အချက်အလက်အချို့ ရယူပါသည်။)
ပြည့်အောင်,COA
ဖောင်တော်ဦး ဇီဝိတဒါနမျက်စိဆေးခန်း
