ထင်သာမြင်သာ မျက်ခွံဝေဒနာ မပေါ့ဆမိကြစေရာ။ (၁၈/၁၁/၂၀၁၈ ရက်နေ့ထုတ် ရတနာပုံနေ့စဉ် သတင်းစာပါဆောင်းပါး)

          မျက်ခွံ၌ဖြစ်ပွားသော မျက်စိဝေဒနာများသည် အစဦးကာလများ၌ အမြင်အာရုံကို ရုတ်တရက် ထိခိုက်စေနိုင် လောက်သည့် အခြေအနေမျိုး မဖြစ်နိုင်သော်လည်း၊ လူအများ၏အမြင်တွင်သိသာထင် ရှားပြီး ကာယကံရှင်အားလည်း အထူးပင်စိတ်ကသိကအောင့်ဖြစ်စေ၏။ကာလကြာလာသောအခါ နာကျင်မှုဝေဒနာ ပိုမိုထင်ရှားလာပြီး အမြင်အာရုံဆုံးမှုမရှိသော်လည်း တဖြည်းဖြည်းနှင့် အမြင်ကျဆင်း လာမှုကို ဖြစ်စေသော ဝေဒနာများရှိကြောင်း သတိမှုမိကြစေရန် ရည်ရွယ်၍ ဤဆောင်းပါးကိုပြုစုပါ သည်။

အဖြစ်များသော မျက်ခွံဝေဒနာများကို လေ့လာလျှင်…..

(က)မျက်ခွံရောင်ခြင်း(Blepharitis)                                                                          (ခ)မျက်ခွံ၌အဖုဖြစ်ခြင်း(Chalazion)                                                                                (ဂ)မျက်ခမ်းစပ်ရောဂါ(Trachoma) နှင့်                                                                         (ဃ)မျက်ခွံကျခြင်း(Ptosis) တို့ကို တွေ့ကြရပါမည်။

(က)မျက်ခွံရောင်ခြင်း(Blepharitis)

      မျက်ခွံရောင်ခြင်းသည် သိသာမြင်သာသော အဖြစ်များသည့် မျက်စိပြဿနာတခုဖြစ် သည်။ ဗက်တီးရီးယားပိုးကြောင့် မျက်ခွံသည် နီရဲလျှက် ဖောင်းလျှက် မို့အစ်လျှက် ရောင်နေမည်ဖြစ် ၏။ ကာယကံရှင်မှာ ကျိန်းစပ်သော ဝေဒနာကိုခံစားရလျှက် မျက်ရည်ပူများ တခါတရံကျနေတတ်ပါ သည်။ အမြင်အာရုံကို ထိခိုက်စေခြင်းမရှိသော်လည်း ခံစားရသည့်ဝေဒနာမှာ သက်တောင့်သက်သာ ရှိမည်မဟုတ်ပေ။

မျက်ခွံရောင်ခြင်းကိုသုံးမျိုးသုံးစားတွေ့ကြရပါမည်။အပြင်မျက်ခွံရောင်ခြင်း၊အတွင်းမျက်ခွံရောင် ခြင်း နှင့် အပြင်မျက်ခွံရောအတွင်းမျက်ခွံပါရောင်ခြင်းတို့ဖြစ်၏။အပြင်ဖက်မျက်ခွံရောင်လျှင် မျက်ခွံ အပြင်ဖက် အပေါ်ယံ အရေပြား၊ အရေပြားအောက်ခြေအလွှာနှင့် မျက်တောင်မွှေးအောက်ခြေ မွှေး ညှင်းပေါက်နေရာများမှ ဗက်တီးရီးယားပိုးဝင်ခြင်းကြောင့် စတင်ဖြစ်ပွား သည်ကိုတွေ့ရပါသည်။ အပြင် ဖက်မျက်ခွံအရေပြားသည် ရောင်ရမ်းလျှက် နာကျင်သော ဝေဒနာကို ခံစားရပါမည်။တခါတရံပြည် တည်တတ်သော ဗက်တီးရီးယားပိုးတမျိုး (Staphylococcal infections) ကြောင့် အပြင်ဖက်မျက်ခွံ ရောင်ရခြင်း ဖြစ်ပါသည်။

အတွင်းဖက်မျက်ခွံရောင်ခြင်းသည် မျက်ခွံအတွင်းဖက်ကိုဖုံးအုပ် ထားသော မျက်မြှေးလွှာနှင့် မျက်လုံး၏မျက်ဖြူလွှာကိုဖုံးအုပ်ထားသော မျက်မြှေးလွှာတို့ဆုံတွေ့ရာ ဒေါင့်ချိုး(Inner Edge) မှ စတင် ဖြစ်ပွားပြီး မျက်ခွံ၏အတွင်းပိုင်းတွင် ရောင်ရမ်းနေသည်ကို တွေ့ကြရပါမည်။ အပေါ်အောက် မျက်ခွံ များတွင်ရှိသော မျက်ရည်အဆီဂလင်း(meibomian glands) အားနည်း သို့မဟုတ် ချို့ယွင်းခြင်း ကြောင့် သော်လည်းကောင်း၊ကိုယ်တွင်းခုခံအားစနစ် အားနည်းခြင်းကြောင့်သော်လည်းကောင်း မျက် ရည်၏ အရည်အသွေးကျဆင်းသွားခြင်းကြောင့် စတင်ဖြစ်ပွားရပါသည်။ဆက်လက်၍ ဗက်တီးရီးယား ပိုးဝင်ခြင်း ဖြစ်လာနိုင်သဖြင့် ပေါ့ဆ၍မရပေ။

အပြင်ဖက်မျက်ခွံရောင်ခြင်းနှင့် အတွင်းဖက်မျက်ခွံရောင်ခြင်းတို့သည် သီးခြားဆီဖြစ်တတ် သကဲ့သို့ အပြိုင်နက်တည်းဖြစ်ပွားခြင်းလည်းရှိပါသည်။ထိုအခါ အထက်ဖော်ပြပါ သင်္ကေတနှစ်မျိုးစလုံး ကိုတွေ့ကြရ မည်ဖြစ်ပါသည်။မျက်ခွံရောင်ခြင်းသည် အမြင်အာရုံကိုရုတ်တရက်မထိခိုက်နိုင်သော် လည်း ရေရှည်ဖြစ်ပွားပါက မျက်ခွံ၏လုပ်ငန်းစဉ်များကိုထိခိုက်စေနိုင်သဖြင့် ဂရုတစိုက်ကုသမှုခံယူ သင့်ပါသည်။

(ခ)မျက်ခွံ၌ အဖုဖြစ်ခြင်း(Chalazion)

        မျက်ခွံတွင်းရှိ အဆီဂလင်း(sebaceous gland)မှ အဆီစိမ့်ထွက်ရာ လမ်းကြောင်း(duct) ပိတ်ဆို့သွားသောကြောင့် မျက်ခွံတွင်းရှိ ၄င်းအဆီဂလင်းရှိရာနေရာ၌ အဆီများစုဝေးလျှက် တဖြည်း ဖြည်းရောင်လာဖြင်း ဖြစ်ပါသည်။ရောင်ရမ်းခြင်း မရှိဘဲအဆီကြိတ်အဖြစ် ရှိနေခြင်းမျိုးလည်း တွေ့ရ တတ်ပါသည်။အဆီကြိတ်ရှိရာ နေရာ၌သာရောင်နေရာမှ မျက်ခွံတခုလုံးနီး ပါး ရောင်ရမ်းလာခြင်းမျိုး (secondary infection)လည်း ဖြစ်တတ်ပါသည်။ ထို့ပြင် မျက်ခွံပိုးဝင်၍ဖြစ်သောအဖု(Infected Chalazion)သို့မဟုတ် မျက်စိစွံခြင်း(Stye) ၊ ကင်ဆာမဟုတ်သော အဖုအကြိတ်(Benign Tumours) နှင့် ကင်ဆာအဖုအကြိတ်(Malignant Tumours) စသည်ဖြင့်လည်း ရှိပါသေးသည်။

         နာကျင်သောဝေဒနာ ခံစားလာရသည်မှ သူ့အလိုလျှောက် အဆီကြိတ်ပေါက်ထွက်သွားခြင်း လည်း ရှိပါသည်။ကုသမှုအပိုင်းတွင် …ကော်မျက်စဉ်း (Antibiotic eye ointment)ခပ်ရန် ညွှန်ကြား ခြင်းနှင့် မျက်ခွံအဖုကို ခွဲစိတ်ခြစ်ထုတ်ဖယ်ရှားပေးခြင်း စသည်ဖြင့် သက်သာပျောက်ကင်း စေမည် ဖြစ်ပါသည်။ အသေးစား ခွဲစိတ်ကုသမှုဖြစ်၍ လျှင်မြန်စွာသက်သာ ပျောက်ကင်းမည်ဖြစ်၏။ မျက်စိ အထူးကုဆရာ ၀န်နှင့်ပြသ၍ ညွှန်ကြားချက်အတိုင်း လိုက်နာရန် လိုအပ်ပါသည်။ 

(ဂ)မျက်ခမ်းစပ်ရောဂါ(Trachoma)

မျက်ခမ်းစပ်ရောဂါသည် ကလေးဘ၀မှ စတင်ကူးစက်ခြင်းခံရတတ်ပြီး ရောဂါကူးစက်သည်မှ နောက်ပိုင်း နှစ်ပေါင်းနှစ်ဆယ် သို့မဟုတ် နှစ်ဆယ်ကျော်ခန့်တွင် အမြင်အာရုံဆုံးရှုံးသွားရတတ်ပါ သည်။ သက်သာလိုက် ပြန်ဖြစ်လိုက်နှင့် မျက်စိ၌ ရေရှည်ဖြစ်ပွားတတ်သော ရောဂါအမျိုး အစားဖြစ် ပြီး အချို့သောအပူပိုင်းနိုင်ငံများတွင် အဖြစ်များ၏။

           ကူးစက်တတ်သော ရောဂါဖြစ်ပြီး အထူးသဖြင့် ယင်ကောင်ကဲ့သို့သော ပျံသန်းသည့် အင်း ဆက်များက ရောဂါပိုးများကို သယ်ဆောင် ပြန့်ပွားစေသည်။ကမ္ဘာတ၀န်း ၄င်းရောဂါပိုး ကူးစက်ခံရသူ သန်း ၅၀၀ ခန့်ရှိသည်ဟု ပညာရှင်များက ခန့်မှန်းကြပြီး မျက်စိအမြင်အာရုံဆုံးရှုံးသူ ပေါင်း ၆ သန်းခန့် ရှိသည်ဟု ဖော်ပြကြသည်။

         တကိုယ်ရေသန့်ရှင်းမှုနှင့် ပတ်ဝန်းကျင်သန့်ရှင်းမှု လွန်စွာနိမ့်ကျ ခြင်း၊မိလ္လာစနစ်နှင့် ရေဆိုး စနစ်များ အဆင့်နိမ့်ကျလွန်းခြင်းများသည် အထက်ဖော်ပြပါ မျက်ခမ်းစပ်ရောဂါ ပြန့်ပွားနှုန်းကို အထူး မြင့်တက် စေသော အချက်များဖြစ်ပါသည်။ ကလေးဘဝမှစတင်ကာ နေ့စဉ် စနစ်တကျ မျက်နှာသစ် ခြင်းသည် တကိုယ်ရေသန့်ရှင်းမှုကို အခြေခံအားဖြင့် အထောက်အပံ့ပြု၍ မျက်ခမ်းစပ်ရောဂါကို ကာ ကွယ်ပေးသည်ဖြစ်ရာ နေ့စဉ်စနစ်တကျ မျက်နှာသစ်ကြစေရန်လည်း တိုက်တွန်းကြ ရမည်ဖြစ်ပါ သည်။

        မျက်ခမ်းစပ်ရောဂါပိုးကြောင့် အထက်မျက်ခွံရှိ မျက်တောင်မွှေး များသည် အတွင်းသို့ စိုက် ၀င်လျှက်ရှိပြီး မျက်ကြည်လွှာကို အစဉ်တစိုက် ပွတ်တိုက်မိစေသည်။အထက်မျက်ခွံ၏ အနားသတ်များ သည် အတွင်းဖက် သို့ကုတ်လျှက် စိုက်ဝင်နေ သောကြောင့်၊ ထိုသို့စိုက်ဝင်နေသော အခြေအနေကို Entropion ဟုခေါ်ပါသည်။ အတွင်းသို့ မျက်ခွံကုတ်ဝင်သော ရောဂါ ဟုခေါ်ဆိုဟန်ရှိ၏။ အချိန်ကာလ ကြာသောအခါ မျက်ကြည်လွှာအနာ (Corneal Ulcer)မှတဆင့် အနာရွတ် ဖြစ်လာပြီး မျက်ကြည်လွှာ ပိတ်ဖုံးခြင်း(Opaque) ဖြစ်သွားမည် ဖြစ်ပါသည်။ အမြင်အာရုံလည်း ကျဆင်းသွားမည်ဖြစ်ပါသည်။

သို့ဖြစ်ရာ ထိုအခြေအနေများ ဆက်လက်မဖြစ်ပွားစေရန် အတွက် မျက်စိအထူးကုဆရာဝန်နှင့် အမြန်ဆုံးပြသပြီး မှန်ကန်သော ခွဲစိတ်ကုသမှုကို ခံယူရန်လိုအပ်ပါသည်။ ခွဲစိတ်ကုသမှု ခံယူပြီးမှာသာ အတွင်းသို့ ကုတ်ဝင်နေသောမျက်ခွံသည် အပြင်သို့ပြန်လန်ထွက်လာပြီး မျက်လုံးကို မျက်တောင်မွှေး များဖြင့် ပွတ်တိုက်နေမှုမှ လွတ်သွားမည် ဖြစ်ပါသည်။

(ဃ)မျက်ခွံကျခြင်း(Ptosis)

               မျက်ခွံကျခြင်းဆိုသည်မှာ  အပေါ်မျက်ခွံသည် မျက်စိကိုပိတ်ဖုံးလုနီးပါး သို့မဟုတ် တစိတ်တပိုင်း အောက်သို့တွဲကျလျှက်ရှိသော မျက်စိပြဿနာတမျိုးဖြစ် ပါသည်။ မျက်စိတဖက်ချင်းစီ သာ အဖြစ်များ ၏။ဖြစ်ပွားရသောအကြောင်းရင်းများမှာ- မွေးရာပါမျက်ခွံကျခြင်း (congenital)၊ ဦးနှောက်၏ တတိယမြောက်အာရုံကြော အားနည်းခြင်း (Third craneal nerve polsy)၊  ထိခိုက် ဒဏ်ရာရခြင်း (Trauma)၊ မျက်စိ ကြွက်သားများ အင်အား ဆုတ်ယုတ်လာခြင်း(Mysthenia) စသည်တို့ ကြောင့်ဖြစ်လေ သည်။

              ဦးနှောက်နှင့် ဆက်သွယ်လျှက်ရှိသည့် အာရုံကြော(၁၂)စုံအနက် တတိယမြောက်အာရုံ ကြော(third craneal nerve) အလုပ်မလုပ်တော့ လျှင်လည်း မျက်ခွံကျတတ်ပါသည်။၎င်းတတိယ မြောက် ဦးနှောက်အာရုံကြောသည်၊မျက်လုံးနှင့် ၄င်းပတ်လည်ရှိ ကြွက်သားများကို ထောက်ပံ့သော ကြောင့် မျက်စိကိုလှည့်ပတ်လှုပ်ရှားနိုင်ခြင်း၊မျက်လုံးအဖွင့်အပိတ် နှင့် သူငယ်အိမ်၏အကျဉ်းအကျယ် ပြောင်းလဲခြင်း တို့ကို ဆောင်ရွက်နိုင် ခြင်းတို့ကြောင့် ထိုအာရုံကြောကို မျက်စိလှုပ်ရှားမှုဆိုင်ရာ အာရုံ ကြော (oculomotor nerve)ဟုလည်းခေါ်ပါသည်။

တခါတရံတွင် မျက်ခွံကျသည်ဆိုရုံမျှ ဖြစ်သော်လည်း၊ အခြားအရေးကြီးသော ရောဂါများ နှင့်ဆက် စပ်လျက် ဖြစ်ပွားတတ်သည် ဖြစ်ရာ အကြောင်းရင်းဇစ်မြစ်ကို ရှာဖွေကုသရခြင်းမျိုး ရှိသဖြင့် မပေါ့ဆ သင့်ပေ။(ဥပမာအားဖြင့်-ဦးနှောက်၌ ဖြစ်နေသည့် အဖုအကြိတ် တခုခုက တတိယမြောက် အာရုံကြောကို ဖိထားသောကြောင့် (သူငယ်အိမ်ကျယ်၍) မျက်ခွံကျခြင်းနှင့်၊ တတိယမြောက် အာရုံ ကြောအတွင်း စီးဆင်း သည့် သွေးကြောများ ဖောက်ပြန်သော (ဆီးချိုရောဂါ) ကြောင့် (သူငယ်အိမ် ကျဉ်း၍)မျက်ခွံကျခြင်း တို့ဖြစ်ပါသည်။

             ထို့ပြင် မျက်စိကြွက်သားနှင့် ပတ်သက်သော ရောဂါတမျိုးမျိုး ကြောင့် မျက်စိလှုပ်ရှားမှု နှေး ကွေးခြင်းနှင့် လုံးဝမလှုပ်ရှားတော့သည့် မွေးရာပါ မျက်စိပြဿနာမျိုးလည်း ရှိသေးရာ မျက်ခွံကျခြင်း သည် ထိုမျက်စိ ပြဿနာ၏ ထူးခြားသော သွင်ပြင်လက္ခဏာတရပ်အဖြစ်လည်း တွေ့ရတတ်ပါသည်။ မျက်ခွံကျသူသည် တခါတရံ၌ ပြင်းထန်စွာနာကျင်ခြင်း အပြင် အခြားလက္ခဏာတရပ်အဖြစ် ခေါင်း ကိုက်ခြင်းကိုလည်း ခံစားရလေ့ရှိ၏။

           အသေးစားခွဲစိတ်ကုသခြင်းအပါအ၀င် ရောဂါဖြစ်ပွားရခြင်း၏ အကြောင်းရင်း ဇစ်မြစ်များကို ရှာဖွေကုသမှုများ ပြုလုပ်ခြင်းဖြင့် မျက်ခွံတွဲကျခြင်း(ptosis or blepharoptosis)ကို သက်သာပျောက် ကင်းအောင် ကုသရမည်ဖြစ်ရာ မျက်ခွံတွဲကျသောသူများသည် မျက်စိအထူးကုဆရာဝန်နှင့် တိုင်ပင် လျှက် ကုသမှုခံယူခြင်း သည်သာ အကောင်းဆုံးဖြစ်ပါကြောင်း အကြံပြုရေးသားအပ်ပါသည်။

ပြည့်အောင်(COA)

ကျန်းမာသက်ရှည်ခြင်း၏လျှို့ဝှက်ချက်များ(၁၀) ဒေါက်တာဇော်ထွန်းလင်း(ဆေးပညာမဟာသိပ္ပံ)(၁၇/၁၁/၂၀၁၈ နေ့ထုတ်ကြေးမှုံ သတင်းစာပါဆောင်းပါး)

          ကျန်းမာသက်ရှည်ခြင်း၏ လျှို့ဝှက်ချက်များစွာရှိသည့်အနက် ကမ္ဘာ့အသက်ရှည်ဆုံးလူသားများ၏ နည်းလမ်းများသည် လက်တွေ့ အောင်မြင်သောနည်းများဖြစ်သဖြင့်၊တန်ဘိုးထား၍ ဂရုတစိုက်သုတေသန ပြုခြင်း၊လိုက်နာဆောင်ရွက်ခြင်းများသည် အကျိုးများပါသည်။

(၁)ဂျင်းနီကဲလ်မင့်န်(Jeanne Calment)

 ဤပြင်သစ်အမျိုးသမီးကြီးသည် ကမ္ဘာ့မှတ်တမ်းများအရ (၁၂၂)နှစ်နှင့်(၁၆၄)ရက် အသက်ရှင် နေထိုင်ခဲ့သော ကမ္ဘာ့အသက် ရှည်ဆုံးလူသားဖြစ် ပါသည်။ ၁၈၇၅ ခုနှစ် ဖေ ဖော်ဝါရီလ(၂၁)ရက်နေ့တွင် မွေးဖွား၍၊၁၉၉၇ ခုနှစ် သြ ဂုတ်လ(၄) ရက် နေ့တွင်သေဆုံးခဲ့သည်။

          သူမ၏အမူအကျင့်များမှာ နံနက်(၈)နာရီထက်နောက်ကျ၍ အိပ် ယာမထပါ။နံနက်စာ ကော်ဖီဖြူနှင့် ချောကလက်ပူစားသည်။အားကစား လုပ်သည်။ငှက်ပျောသီးစား၍ လိမ္မော်ရည်သောက်သည်။အမဲသားနှပ်နှင့် ငါးပြုပ်ကြိုက်၍ နေ့စဉ်လိုစားဖြစ်သည်။နေ့လည်(၂)နာရီခန့်အိပ်ဖြစ်သည်။ ည(၁၀)ရီအိပ်ယာဝင်သည်။

(၂)အီမာ မိုရန်နို(Emma Morano)

        ၂၀၁၇ ဧပြီလ(၁၅)ရက်နေ့ထိ ကမ္ဘာ့အသက်ရှည်ဆုံး လူသားဖြစ်ခဲ့သည်။(၁၁၇)နှစ်နှင့်(၁၃၇)ရက် နေခဲ့ သည်။သူမ၏ ကျန်းမာသက်ရှည်ခြင်း၏လျှို့ဝှက်ချက်မှာ “ဥ” အမျိုးမျိုးကို ပုံစံအမျိုးမျိုး(အစိမ်း၊အပြုတ်၊ အကြော်စသည်)နှင့် နေ့စဉ်ပုံမှန်စားခြင်းဖြစ်သည်။နေစဉ်ပုံမှန်(၃)လုံးစားပြီး ထိုအထဲမှ(၂)လုံးမှာ အစိမ်းဖြစ် သည်။မျိုး ရိုးဗီဇသည်လည်း အရေးကြီးကြောင်း သူမကပြောပါသည်။ ‘ဥ’အစိမ်း(၂) လုံးကိုနံနက်တွင်စား၍ နေ့လည်တွင် ကြက်ဥကြော်တလုံးစားသည်။ညစာကို ကြက်သားဟင်းနှင့်စားသည်။  

(၃) မီဆာအို အိုကာဝါ(Misao Okawa) (၁၁၇ နှစ်)

သူမသည် ၂၀၁၅ ခုနှစ်ဧပြီလအထိ ကမ္ဘာ့အသက်အရှည်ဆုံး လူသားဖြစ်ခဲ့သည်။သူမသည် ဂျပန်အစား အစာ ဆူရှီ(Sushi)ကို အဓိ ကစားသည်။ဂျပန်တွင် အသက် (၁၀၀)ကျော်လူသား ငါးသောင်းရှစ် ထောင်( ၅၈၀၀၀ ) ကျော်ရှိခြင်းမှာ ဂျပန်အစားအစာဖြစ်သော အဆီနည်းသည့် ဆူရှီနှင့်ငါးပါဝင်သည့် အစား အစာ ကြောင့်ဖြစ်သည်ဟု ယူဆသည်။သူမသည် တနေ့(၈)နာရီအိပ်စက် သည်။ “အရသာရှိသော အစားအစာများကို စားခြင်းသည် အသက် ရှည်ခြင်း၏ သော့ချက်ဖြစ်သည်” ဟု သူမကပြောသည်။သူမသည် ဂျင်နီ ကဲလ်မင့် ကဲ့သို့ အမဲသားနှပ်ကြိုက်သည်။အမဲစင်းကော ကြိုက်သည်။ငါး ကွန်းရှပ်ဆန်ရော ဆူရှီကြိုက်သည်။

(၄) ဆူဆန် နာမူရှက်ဂျုံး(Susannah Mushatt Jones) ၁၁၆နှစ်။

၂၀၁၆ ခုနှစ် မေလအထိ ကမ္ဘာ့အသက်အရှည်ဆုံးဖြစ်ခဲ့သည်။ကောင်းစွာ အိပ်စက်အနားယူခြင်း၊ဥ နှင့် မြင်းစား ဂျုံကြမ်းကို နံနက်တိုင်း ပုံသေ အစားအစာအဖြစ်စားသည်။သူမ၏ မိသားစုပေါ်ချစ်စိတ်နှင့် အခြားသူများအပေါ် မေတ္တာထားခြင်းသည် သူမ၏အသက်ရှည်ခြင်းကိုဖြစ်စေသည်။

(၅) ဂါထရု ဝီဗာ(Gertrude Weaver) ၁၁၆ နှစ်။

၂၀၁၅ ခုနှစ် ဧပြီလအထိ အသက် ရှည်ဆုံးလူသားတွင် ပါဝင်သည်။ သူမ၏ အကြံပေး ချက်မှာ အသက် ရှည်လိုလျှင် မှန်တာကိုလုပ်ပါ၊ အခြားသူများအပေါ် ကောင်းမွန်စွာ ဆက်ဆံပါ၊ကြင်နာပါ၊ ထို့ပြင်သူမ သည် အရက်နှင့်ဆေးလိပ် မသောက်ပါ၊ အိပ်ရေးဝဝအိပ်ပါသည်။

(၆) အဒဲလီနာ ဒိုမင်ဂတ်(Adelina Domingues)၁၁၄နှစ်။

သူမ တသက်လုံး ဆေးတစုံတရာ မသောက်ဖူးပါ။ဆေးရုံဆေးခန်းမသွားဖူးပါ။ အရိုးတချောင်း မကျိုးဖူးပါ၊ မိတ်ကပ်လုံးဝ မလိမ်းပါ၊အလှ ပြင် ဆိုင် မသွားဖူး ပါ၊တခါမျှ မကြွားဝါ ဖူးပါ၊ဆေးလိပ်နှင့် အရက်မ သောက်ပါ၊သူမအတွက် ဘာသာ ရေးသည် အကောင်းဆုံး ဆေးဝါး ဖြစ်သည်။    

(၇) အလက်စန္ဒား အီမစ်ခ်ျ(Alexander Imich)၁၁၁ နှစ် နှင့် ၁၂၄ ရက်။

ကျန်းမားရေးနှင့်ညီညွတ်သော အစား အစာမှီဝဲခြင်း၊အရက်မသောက် ခြင်း၊ ကြက်သားနှင့်ငါးကို အဓိကစားခြင်း၊ ငယ်ရွယ်စဉ်ရေးကူးခြင်းနှင့် ကိုယ်ကာယ လေ့ကျင့်ခန်းများ လုပ်ခြင်းတို့ဖြင့် ၂၀၁၄ ခုနှစ်မေလအထိ ကမ္ဘာ့ အသက်ရှည် ဆုံးလူသားဖြစ်ခဲ့သည်။

(၈)ဒူရာနော့ဒ် ဘေးလာဒ်(Duranord Veillard)၁၁၀ နှစ်။

မြင်းစားဂျုံ၊သစ်သီး၊လက်ဖက်ရည်တစ်ခွက်၊ငါးနှင့် ဟင်းသီးဟင်း ရွက်များ ကို အဓိကထားစား သည်။ တနေ့(၅)ကြိမ်မှ (ရ)ကြိမ် ဒိုက်ထိုး သည်။

(၉)ဂျက်ဆီ ဂယ်လန်(Jessie Gallon) ၁၀၉ နှစ်။

        ဆန်ပြုပ်ကို အဓိကထားစားသည်။ယောက်ျားနှင့် အချိန်မဖြုန်းဘဲ တကိုယ်တည်း အပျိုကြီးဖြစ်သည်။ သူမအသက်ရှည်ခြင်းမှာ ယောက်ျားများကို ဝေးဝေးရှောင်ခြင်းကြောင့်ဖြစ်ကြောင်း၊ယောက်ျားများသည် အကျိုးပေး တာထက် ဒုက္ခပေးတာများကြောင်းပြောပါသည်။ကိုယ်လက်လှုပ်ရှား လေ့ ကျင့်ခန်းများလုပ်ခြင်း၊ ကောင်းမွန် သောသူများနှင့်ဝန်းရံ နေထိုင်ခြင်း၊အ လုပ် ပြင်းပြင်းထန်ထန်လုပ်ခြင်းတို့သည် သူ့အတွက်ကျန်း မာသက်ရှည် စေသော အကြောင်းတရားများဖြစ်သည်။       

(၁၀)ဂျော့ ဘော့ဂက်စ်(George Boggess) ၁၀၄ နှစ်။

သူ၏အကြံပေးချက်မှာ လမ်းများများလျှောက်ပါ ဟူ၍ဖြစ်သည်။

 (၁၁) ရုသ် ကိုဗင် (Ruth Coben) ၁၀၃ နှစ်။    

သူမ အသက်(၁၀၀) ကျော် သည်အထိ အလေးမသည်။ လှုပ်ရှား နိုင် သမျှ ကိုယ်လက်လှုပ်ရှား လေ့ကျင့် ခန်း တစ်မျိုးမျိုး မှန်မှန်လုပ်ခြင်းသည် အသက် ရှည်ခြင်း၏လျှို့ဝှက်ချက်ဖြစ်သည်။ထို့ပြင် ဘဝကို လှလှပပ ဖြတ်သန်းခြင်း၊ အရေ ပြားအလှအပကို ဂရုစိုက်ခြင်း၊ အဝတ်ကောင်းကောင်း ဝတ်ခြင်းကိုလည်း အားပေးသည်။

          ကမ္ဘာ့အသက်ရှည်ဆုံးလူသားများ၏ အစားအသောက်ကို လေ့လာကြည့်သောအခါ၊အဓိကအားဖြင့် မြင်းစားဂျုံ၊လုံးတီးဆန်၊စသည့် သဘာဝ အသီးအနှံကို ဦးစားပေးသည်ကိုတွေ့ရသည်။ပေါင်မုန့်ဖြူ၊ဆန်ဖြူ၊ ဂျုံဖြူ စသည့် စက်များဖြင့် အဆင့်ဆင့်ပြုပြင်ဖန်တီးထားသည့် အစားအစာ များ မဟုတ်ကြောင်းတွေ့ရသည်။

          အသားအနေနှင့်လည်း အသားဖြူ(White Meat)ဖြစ်သည့် ကြက် သားနှင့်ငါးကို အစားများကြောင်း တွေ့ရမည်ဖြစ်သည်။အသားဓါတ်ပြည့်ဝ သည့်ပြင် သန္ဓေသားလောင်းရှင်သန်ဘို့အတွက် လိုအပ်သောဓါတ် အစုံပါ ဝင်သော “ဥ” များသည်လည်း၊ကျန်းမာသက်ရှည်ခြင်းအတွက် အဓိက ထား မှီဝဲသင့်ကြောင်း တွေ့ရ ပါသည်။

          မိမိတတ်နိုင်သမျှ ကိုယ်လက်လှုပ်ရှားလေ့ကျင့်ခန်းအမျိုးမျိုး ကို လည်း၊ကမ္ဘာ့ဖိုးသက်ရှည် ဖွားသက် ရှည်တို့လုပ်ကြောင်းတွေ့ရပါသည်။

          စိတ်ကောင်းထားခြင်း၊အခြားသူများအပေါ်မေတ္တာထားခြင်း၊အချင်းချင်း ယိုင်းပင်းကူညီ၍ လူကောင်း များနှင့် ဝန်းရံနေထိုင်ခြင်းသည်လည်း ကျန်းမာသက်ရှည်ခြင်းအတွက် အရေးကြီးကြောင်း တွေ့ရပါသည်။

          ထို့ပြင်အသက်ကြီးသော်လည်း အလုပ်ကို အဆက်မပြတ်ပြင်းပြင်း ထန်ထန်လုပ်ကြကြောင်းလည်း တွေ့ရပါသည်။                             

          လူတယောက် ကျန်းမာသက်ရှည်ရန်ကိစ္စသည် လွယ်ကူသော ရိုးရှင်းသောကိစ္စတခု မဟုတ်ပေ။ကမ္ဘာ လူသားအားလုံးက ရာစုနှစ်ပေါင်း များစွာ စိတ်ဝင်တစား သုတေသနလုပ်ခဲ့သော လုပ်နေဆဲဖြစ်သော၊ရှေ့ ဆက် လုပ်ဦးမည်ဖြစ်သော ကိစ္စကြီးဖြစ်ပေသည်။

          သေချာသည်မှာ သက်ရှည်ကျန်းမာစေရန် လိုအပ်သောအချက်များသည် တစ်ခုတည်းမဟုတ်ဘဲ၊ အချက်အလက်ပေါင်းများစွာ၊လုပ်ဆောင်ချက်များစွာ၊လိုက်နာရန် အချက်များစွာရှိနေခြင်းပင်ဖြစ်သည်။ ထို အချက် များကိုလည်း စိတ်ပါတုန်း ခဏတဖြုတ်ထလုပ်၍ ရေရှည်မှန်မှန်မလုပ်ပြန် လည်းထိရောက်မည် မဟုတ် ပေ။မှန်မှန်လုပ်နေရင်းကလည်း၊အကျိုးရှိမရှိ ထိရောက်မှုရှိမရှိ စသည်တို့ကို လက်တွေ့နှင့်ထင်ဟပ်၍ စဉ်ဆက် မပြတ် သုံးသပ်သွားရန်လည်း အရေးကြီးပေသည်။

ကျန်းမာသက်ရှည်ခြင်း၏လျှို့ဝှက်ချက်များ(၉) ဒေါက်တာဇော်ထွန်းလင်း(ဆေးပညာမဟာသိပ္ပံ) (ကြေးမှုံသတင်းစာပါဆောင်းပါး)

  

                                            

ခံတွင်းကျန်းမာရေး

        ခံတွင်းသည် ခန္ဓာကိုယ်ရှိဒွါရများတွင် အရေးအကြီးဆုံးဒွါရ ဖြစ်သည်။အဘယ့်ကြောင်းဆိုသော် ခံတွင်း သန့်ရှင်းမှု(Oral hygene)မရှိပါက သွား၊သွားဖုံးနှင့် ခံတွင်းတွင် ပိုးမွှားများကိုပေါက်ပွားစေခြင်းဖြင့်၊ ခန္ဓာကိုယ် အတွင်း ရောဂါပိုးဝင်ရောက်၍ ရောဂါများဖြစ်စေနိုင်သောကြောင့်ဖြစ်ပေသည်။

ခံတွင်းကျန်းမာရေးနှင့် ခန္ဓာကိုယ်ကျန်းမာရေး

(၁)သွားနာခြင်း သွားဖုံးနာခြင်းကြောင့် အစာကိုကောင်းစွာ မဝါးနိုင်လျှင်၊ အာဟာရချို့တဲ့သောရောဂါ ဖြစ်နိုင် သည်။
(၂)လျှာ၊ပါးစပ်နံရံ၊လည်ချောင်း ရောင်ရမ်းလျှင် နာကျင်မှုကြောင့် အစာကို သွားနှင့်ချေရာတွင် အနှောက် အယှက်ဖြစ်သည်။ 
(၃)ခံတွင်းဘက်တီးရီးယား များကထုတ်သော အက်စစ်ဓါတ်သည် သွား၏ ကြွေ လွှာကို စားသွားခြင်း ဖြင့်သွားပိုးစားခြင်း သွားကျိုးခြင်းကိုဖြစ်စေသည်။
(၄) ဘက်တီးရီးယားများသည် သွားဖုံး ရောင်ခြင်း၊သွားဖုံးပြည်တည် ခြင်း၊ သွားအခြေပြည်တည်ခြင်း၊ ခံတွင်းနံရံပြည်တည်ခြင်းနှင့် ပါးပေါက်နာများ ကိုဖြစ်စေသည်။
(၅)ခံတွင်းမှဘက်တီးရီးယားများသည် သွေးထဲမှတဆင့် နှလုံးရောင်ခြင်း ကိုဖြစ်စေသည်။                                                                   (၆)သွားအခြေရောင်ခြင်းသည်၊လမစေ့ဘဲမွေးခြင်း၊မွေးဖွားစဉ် ကိုယ်အလေးချိန်မပြည့် ခြင်းများနှင့် ဆက်စပ် နေသည်။
(၇)သွားနှင့်ခံတွင်း ကျန်းမာရေးမကောင်းလျှင် နှလုံးရောဂါ၊ လေဖြတ်ရောဂါ၊များနှင့် ဆက်နွယ်နေ ကြောင်းတွေ့ရသည်။

သွားနှင့်ခံတွင်းကျန်းမာရေးအခြေအနေ

(က)ကျောင်းသားကလေးသူငယ်များ၏ ၆၀% မှ ၉၀%တွင်အနည်းဆုံး သွားပေါက်သွားပိုးစား တခုခုရှိသည်။                          (၂)အရွယ်ရောက်ပြီးသူများ၏ ၁၀၀%တွင် အနည်းဆုံးသွားပိုးပေါက်တခု ရှိသည်။                                                                                       (၃)အသက်၃၅နှစ်မှ ၄၄နှစ်အတွင်းရှိသူများ၏ ၁၅% မှ ၃၀% တွင် ပြင်းထန်သော သွားဖုံးရောဂါရှိသည်။                                           (၄)တကမ္ဘာလုံးရှိ အသက် ၆၅နှစ်မှ ၇၄ နှစ်အတွင်းသူများ၏ ၃၀% တွင် သဘာဝသွားတစ်ချောက်းမျှ မကျန်တော့ပါ။                                                                                                         (၅)လူတစ်သိန်းတွင် ခံတွင်း ကင်ဆာ တစ်ယောက်မှဆယ်ယောက်အထိ ဖြစ်နေသည်။

ခံတွင်းကျန်းမာရေးကောင်းအောင်

ခံတွင်းကျန်းမာရေးကောင်းအောင်ဖလူအိုရိုက် (Fluoride) ပါသောသွားတိုက်ဆေးဖြင့်၊ တနေ့နှစ်ကြိမ် အနည်းဆုံးသွားတိုက်ပါ။သွားညှပ်အစာထုတ်ကြိုးဖြင့် နေ့စဉ်သွားကြားမှညှပ်နေသော အစာအားလုံး ကို ထုတ်ပါ။ကျန်းမာရေးနှင့်ညီညွတ်သော အစားအစာကို စားပါ။ကြားချိန် များ တွင် သွားရေစာစားခြင်း ကိုလျှော့ ပါ။ သွားပွတ်တံကို ၃-၄ လထက်ပိုမသုံးပါ နှင့်၊အမွှေးများဖွာနေပါက ချက်ချင်းအသစ်လဲပါ။                                             

သွားနှင့်ခံတွင်း ကို သွားဆရာဝန်နှင့် ပုံမှန်စစ်ဆေးပါ။ ဆေးရွက်ကြီး၊ဆေးလိပ်သုံးစွဲမှုကိုရှောင်ပါ။ သကြား သုံးစွဲမှု ကိုလျှော့ချပါ။သစ်သီးနှင့်ဟင်းသီးဟင်းရွက် များများစားပါ။    ဖရူအိုရိုက်ပါသော ရေကို သောက်ပါ။ ခံတွင်းကင်ဆာမဖြစ်အောင် အက်စ်“S” ၈ လုံးကို သတိပြုပါ။Sprit-အရက်။ Smoking-ဆေးလိပ် နှင့် ဆေးရွက် ကြီးသုံးစွဲခြင်း။ Sharp teeth-ချွန်နေသောသွားများ၊မညီညာသောသွားများ၊သွားတု။ Spicy food -အစပ်ကို အလွန်အကျွံ မစားပါနှင့်။ Syphilis- လိင်ကြောင့်ကူးစက်သော ရောဂါများကင်းဝေး အောင်နေပါ။ အထူးသဖြင့် HPV-Human piplpma virus သည်လျှာကင်ဆာကို ဖြစ်စေသည်။ So hot food- အလွန်ပူသော ဟင်းချို အစားအစာ စားသောက်ခြင်းမှ ရှောင်ကြဉ်ပါ။Sanitation-သွားနှင့် ခံတွင်းကျန်းမာရေး ဂရုမစိုက်သူများ။ Severe liver cirrhosis-အသည်းမာ ခြင်းသည် လျှာကင်ဆာဖြစ်နှုန်းမြင့်စေသည်။

ပိုးထောင်ပေါင်းများစွာ ခံတွင်းမှာ

          ခံတွင်းတွင် ပိုးအမျိုးပေါင်း(၁၀၀)မှ(၂၀၀)ထိနေထိုင်ကြသည်။ ခံတွင်းသန့်ရှင်းရေးမှန်မှန်လုပ်သော သူ၏ ခံတွင်းတွင် ပိုးအကောင်ရေ (၁၀၀၀)မှ တစ်သိန်းအထိ သွားမျက်နှာပြင်တခုစီတွင်ရှိသည်။ ခံတွင်း သန့်ရှင်းရေး မှန်မှန်မလုပ်သောသူ၏ ခံတွင်းတွင် သန်း(၁၀၀)မှ(၁)ဘီလီ ယံအထိ သွားမျက်နှာပြင်း တခုစီတွင် ပိုးများရှိနေ သည်။

သွာဖုံးရောင်ခြင်း(Periodontal disease)

          သွားဖုံးရောင်ခြင်သည် အောက်စီဂျင်မလိုဘဲရှင်သန်နိုင်သည့် ဘက်တီးရီးယား ပိုးများကြောင့်ဖြစ် သည်။အဓိကအားဖြင့် ထရက်ပိုးနီးမား ဒန်တီကိုလာ(Treponema denticola)နှင့် ပေါ်ဖိုင်ရိုမိုနာပ်စ်ဂျင် ဂျီဗဲလစ်   (Porphyromonas Gingivalis) ပိုးနှစ်မျိုးကြောင့်ဖြစ်ရသည်။ယင်းပိုးနှစ် မျိုးမှထွက်သော အဆိပ်(Red complex)များသည် ခံတွင်းရှိကောင်းမွန် သောပိုးများ၏ ပွားများခြင်းကိုပျက်စေသည်။ သွားအခြေပတ်ပတ် လည်ရှိ အရွတ်များ အရိုးများကို ပျက်စီးစေပြီး၊သွားဖုံးရောင်ခြင်း၊သွားယိုင်ခြင်း၊ သွားနဲ့ခြင်းများကိုဖြစ်စေသည်။

ခံတွင်းနံ့ဆိုးခြင်း(Bad breath)

          ခံတွင်းတွင် ဘက်တီးရီးယားပေါက်ပွားမှု များပြားခြင်း၊ယင်းတို့မှ ထွက်သော အဆိပ်များ ဓါတ်ငွေ့ များ ကြောင့် ခံတွင်းနံ့ဆိုးခြင်းဖြစ်သည်။ ထို့ပြင်သွားအခေါင်းနှင့် သွားကြားတွင် အစာစများဝင်၍ ပုပ်သိုးနေခြင်း ကြောင့်လည်းဖြစ်သည်။သွားဖုံးရောင်၍ ရောင်ရမ်းခြင်းမှထွက်လာသော သွားငံရည် များကြောင့်လည်း နံသော အနံ့ကိုဖြစ်စေသည်။ခံတွင်းအတွင်း နံရံတနေရာတွင် ရောင်ရမ်းခြင်း၊ပြည် တည်ခြင်းတို့ကြောင့်လည်း ခံတွင်းနံ့ ဆိုးနိုင်သည်။ချွန်သောသွားနှင့်ထိခိုက်မိ၍ နှုတ်ခမ်း၊ပါးစောင်၊ လျှာတို့တွင် အနာပေါက်ခြင်း၊ရောင်ရမ်းခြင်းရှိပါက ခံတွင်းအနံ့ထွက်သည်။နှာခေါင်းနှင့် ပတ်ဝန်းကျင် အရိုးအခေါင်းအတွင်း၊ပိုးစွဲကပ်ခြင်း၊ပြည်တည်ခြင်း၊ရောင်ရမ်း ခြင်း၊ထိပ်ခပ်နာဖြစ်ခြင်းများရှိ်ပါကလည်း ခံတွင်းမှ အနံ့ဆိုးများထွက်နိုင် သည်။လည်းချောင်းနှင့်လေပြွန်တွင် အနာရောဂါရှိပါကလည်း ခံတွင်းနံ့ဆိုး နိုင်သည်။

သွားအခေါင်းဖြစ်ခြင်း

          ခံတွင်းထဲတွင်ရှိသော Streptococus mutans ပိုးသည် အစား အစာမှပါသော ဆူးခရို့စ်သကြားကို လက်တစ်အက်စစ်အဖြစ်သို့ပြောင်း ပေးသည်။ထိုအက်စစ်သည် သွား၏ကြွေသားကိုစားသည်။ကြွေ သားပေါက် သွားသောအခါ သွားအတွင်းပိုင်း သွားအခြေမှတဆင့် လှိုက်စားသွားခြင်း ဖြင့် သွား အခေါင်း(Dental Cavity) ဖြစ်လာသည်။အထူးသတိပြုရန်မှာ ပိုးကစားခြင်း မဟုတ်ဘဲ အက်စစ် ကစားခြင်းဖြစ်ပါသည်။ခံတွင်းရှိ Streptococcus lactobacillus ပိုးသည် လက်တစ်အက်စစ်ကို ထုတ်ပေးရုံ သာမက နို့တွင်ပါသော လက်တို့ (Lactose)ဓါတ်ကို လက်တစ်အက်စစ် အဖြစ် ပြောင်းနိုင်သည်။

ခံတွင်းကျန်းမာရေးအတွက် အဓိကအချက်(၄)ချက်

(၁)နံနက်တစ်ကြိမ်၊ညတစ်ကြိမ် ဖရူအိုရိုက်ပါသော သွားတိုက်ဆေးဖြင့် မှန်မှန်သွားတိုက်ပါ။ သွားကြားအနှံ့ အပြားသို့ ဖလူအိုရိုက်ဓါတ်ကောင်းစွာစိမ့်ဝင်နိုင်ရန်အတွက် သွားတိုက်ပြီးပြီချင်းရေနှင့်ချက်ချင်းပလုပ် မကျင်းဘဲ ပိုလျှံသောသွားတိုက်ဆေးများကို အရင်ထွေးထုတ်ပါ၊ မီးနစ်အနည်းငယ်စောင့်ပါ၊ပြီးမှ ရေဖြင့်ပလုပ်ကျင်းပါ။ 

(၂)သွားကြား တွင် ညပ်နေသော အစာများကို သွားကြား ညပ်အစာထုတ်ကြိုး (သွာဖက်ဆိုင်ရာပစ္စည်း)ဖြင့် နေ့တိုင်းထုတ်ပါ။ ထိုးကြိုးကိုမရပါက ပျော့ပျောင်းသေးငယ်၍ သွားနှင့်သွားဖုံးကို မထိခိုက်သောကြိုး တမျိုးမျိုး (ဥပမာ ဘီးပျံတံ ဆိပ် အပ်ချည်ကြိုး)ကိုအသုံးပြုနိုင်သည်။ သွား ကြားထိုးတံသုံးခြင်းသည် သွားနှင့်သွားဖုံးကို ဒဏ်ရာရစေခြင်း၊ သွားကျဲ စေခြင်း၊ညပ်နေသောအစာ မကုန်ခြင်းတို့ကြောင့် အသုံးမပြုသင့်ပါ။   

 (၃)သွားတိုက်ရုံသာမက သွားတိုက်ရင်း လျှာကိုပါ အသာအယာ ခြစ်ပါ။ အစာအကြွင်းအကျန်နှင့် အကျိအချွဲ အလွှာထဲတွင် ဘက်တီးရီးယားပိုး မွှား များရှိနေတတ်သည်။                           (၄)အစာစားပြီးတိုင်း(၃)ကြိမ်ခန့်အသံမြည် အောင် ပလုပ်ကျင်းပါ သွားနှင့် ခံတွင်းတွင် ပိုးမွှားများ မကပ်ညှိစေ ရန်ဖြစ်သည်။

သွားနှင့်ခံတွင်းကောင်းစေသောအစာအာဟာရများ

မာ၍ သက်တမ်းရင့်သော ဒိန်ခဲသည် ထုံးဓါတ်ပါဝင်ခြင်း၊ခံတွင်းအက်စစ် ပမာဏကိုလျော့စေခြင်း၊ တံထွေး ကိုပိုမိုထွက်စေ၍ သွားချိုးတက်ခြင်းကို ကာကွယ်ခြင်း တို့ဖြင့်ခံတွင်းနှင့်သွားကိုကောင်းစေ သည်။                                 

 နို့တွင်ထုံးဓါတ် များစွာပါဝင်ခြင်း၊အခြားဓါတ်သတ္တုများပါဝင်ခြင်း၊ သွား တွင်း အက်စစ်ပမာဏ ကိုလျော့စေ ခြင်း ဖြင့် သွားပိုးစားခြင်းကို ကာကွယ်သည်။ရေသည် သွားနှင့်ခံတွင်းကို  သန့်ရှင်းပေးခြင်း၊ တံထွေးများများ ထွက်စေ ခြင်းဖြင့် အကျိုးပြုသည်။

 ဟင်းသီးဟင်းရွက်များ တွင် ထုံးဓါတ်၊ဖောလစ် အက်စစ်နှင့် အရေးကြီး သော ဗီတာမင် နှင့် ဓါတ်သတ္တုများ ပါဝင်သော ကြောင့် သွားနှင့်သွားဖုံး ကိုကြံ့ခိုင်စေသည်။

          ငါး တွင် ဓါတ်သတ္တုများ၊အရေးကြီးသောဗီတာမင်(ဥပမာ ဗီတာမင်ဒီ)များ ပါဝင်၍ သွားနှင့် သွားဖုံး ကျန်းမာရေးအတွက်ကောင်းသည်။ 

 အသားများ သည် အာဟာရပြည့်ဝသဖြင့်သွားနှင့်သွားဖုံးကျန်းမာရေး အတွက်ကောင်းသည်။ လက်ဖက်တွင်ပါဝင်သော Polyphenole သည် ဘက် တီးရီးယား ပမာဏကိုလျော့ ချခြင်း၊ဘက်တီးရီးယား များမှ ထွက်သော အဆိပ်များကိုလျော့ချခြင်း၊ဖလူအိုရိုက်ပါဝင်ခြင်း တို့ဖြင့် သွားပိုးစား ခြင်းကို ကာကွယ်ပေး သည်။ 

အခွံမာသီးများတွင် အရေးကြီးသော ဓါတ်သတ္တု များ(ဥပမာ ထုံးဓါတ်နှင့် ဖော့စ ဖော့ရပ်)ပါဝင်၍ သွားပိုးစားခြင်းကိုကာကွယ်သည်။  

ပီကေဝါးခြင်း သည် တံထွေးအထွက် များစေခြင်း၊အစာ အကြွင်းအကျန် နှင့် ဗက်တီးရီး ယားပိုးမွှားများကိုဖယ်ရှားပေးသည်။

လိမ္မော်သီးတွင် ဗီတာ မင်စီ ကြွယ်ဝစွာပါဝင် ပါသောကြောင့် သွားဖုံးကိုခိုင်မာစေသည်။
 စတော် ဘယ် ရီသီးတွင် ဗီတာမင်စီ၊ဓါတ်တိုးဆန့်ကျင်ပစ္စည်းများနှင့် မဲလစ် အက်စစ်ပါဝင်၍ သွားကျန်းမာရေးကို အထောက် အကူ ပြုသည်။ 
ဒိန်ချဉ် တွင် ထုံးဓါတ်နှင့် ပရိုဘိုင်အိုတစ်များ ပါဝင်သဖြင့် သွားနှင့်ခံတွင်း ကျန်းမာ ရေးသာမက ခံတွင်းနံ့ဆိုးခြင်းကိုကာကွယ်ပေးသည်။
 မုန်လာဥနီ တွင်အရေးကြီးသောဓါတ်သတ္တုများနှင့် ဗီတာ မင်များပါဝင် သဖြင့် သွားနှင့်ခံတွင်းကျန်းမာရေးအတွက်ကောင်းသည် (ယုန်များ သွား ကောင်း၊ သွားထက် သည်မှာ မုန်လာ ဥနီကြောင့်ပင်)။ပန်းသီးတွင် သွားနှင့် ခံတွင်းကျန်းမာရေးအတွက် အရေးကြီးသောအဟာ ရနှင့် ဗီတာမင်များ ပါဝင်သည်။                                                           - 
 ကြက်သွန်ဖြူတွင်ပါဝင်သော အယ်လီဆင်း (Allicin)သည် ပိုမွှားများကို သေစေသောကြောင့် သွား ပိုးစားခြင်းနှင့် သွားဖုံးရောဂါများကို ကာကွယ် နိုင် ပျောက်ကင်းစေနိုင်သည်။ 
 ချင်း သည် ခံတွင်း အနံ့ ဆိုးကို ပျောက်စေ၍ ပိုးမွှားများ ပွားများခြင်းကို လျော့ပေးသည်။  
လုံးတီးဆန်နှင့်ဂျုံ တွင် လိုအပ်သော အာဟာရဓါတ် များ ပါဝင်သဖြင့် သွား ဖုံးကျန်းမာရေးအတွက်ကောင်းသည်။ 
ပဲသီးများ သည်ခံတွင်း အက်စစ်ဓါတ်ကို လျော့စေ သည်၊အစိမ်းစားပါက အာနိသင်ပိုကောင်းသည်။
 ကီဝီသီး တွင်ဗီတာမင်စီ များစွာပါဝင်သဖြင့် ခံတွင်းကျန်းမာရေး အတွက် ကောင်းသည်။
 ကြက်သွန်နီအစိမ်း စားခြင်းသည် ခံတွင်းရှိ သွားပိုးစားခြင်း နှင့်သွားဖုံး ရောင်ခြင်းကိုဖြစ် စေသော ပိုးမွှားများကိုသုတ်သင်ပေးသည်။  
 ရှီတာကီမှို တွင် သွားချိုးများကိုကွာစေသော လင်တီနမ် (Lentinan) ပါဝင်သည်။ 
တရုပ်နံနံကြီးပင်(Celery) သည်ခံတွင်းကျန်းမာရေးကို ကောင်းစေသည်။ 
 ပဲငံပြာရည်သည်သွားဖုံးများကိုကောင်းစေသည်။                                                                         နှမ်းစေ့ တွင်ထုံးဓါတ်ကြွယ်ဝစွာပါဝင်သဖြင့် ယင်းကိုဝါး စားသောအခါ သွားချိုးများကို ကွာစေသည်။                                                                     
 ကန်စွန်းဥ တွင် ဗီတာမင်အေ လုံလောက် စွာပါဝင်သဖြင့် သွားကြွေလွှာ နှင့် သွားဖုံးအတွက်ကောင်းသည်။                                                       
 စပျစ်သီးခြောက်(Raisins) တွင် ဖိုက်တိုဓါတုပစ္စည်းများ (Phytochemicals)ပါဝင်၍ အထူးသဖြင့် အိုလီယာနို လစ်(Oleanolic)သည် သွားပိုးပေါက်ဖြစ်စေသော ဘက်တီးရီးယားကို သတ်သည်။ ဘလက်ကော်ဖီ သည် သွားပိုး စားခြင်းကို ကာကွယ်ရုံမျှမက သွားချိုး တက်ခြင်းကို တားဆီးပေးသည်။ 
ဝိုင်နီ တွင် သွားပိုးစားခြင်းကို ဖြစ်စေသော ဘက်တီးရီးယားများကို သတ် နိုင်သည့် အာနိသင်ရှိကြောင်း သိရသည်။