ခက်လက်ဝေဖြာ မျက်စိကုပညာ ။ ပြည့်အောင်(COA)(၁၀/၁၂/၁၇ ရက်နေ့ထုတ် ရတနာပုံနေ့စဉ်သတင်းစာပါဆောင်းပါး)

နိုင်ငံတဝန်းမျက်စိကုသမှုနယ်ပယ် ကျယ်ပြန့်လာသည်နှင့်အမျှ၊မျက်စိပညာရပ်နှင့် ထိတွေ့လာ ကြသူ(နိုင်ငံသူနိုင်ငံသားများ၊အုပ်ချုပ်သူများ၊ကူညီကြသူစေတနာရှင်များ၊ဆေးပညာရှင်များ)အရေအတွက် လည်း တနေ့တခြားတိုးပွားလာလျှက်ရှိပါသည်။ မျက်စိပညာရှင်များမဟုတ်ကြသော ထိုထိုသော သူများအား မျက်စိပညာရပ်ဖြင့် ရင်းနှီးကျွမ်းဝင်မှုရှိစေရန် ရည်ရွယ်၍ ဤဆောင်းပါးကို ပြုစုပါသည်။

          မျက်စိပညာသည် မိခင်ဆေးပညာရပ်ကြီးကို အခြေပြု၍ လေ့လာသင်ယူမှုနှင့်ကုသမှုများ ကျယ်ကျယ် ပြန့်ပြန့်ဆောင်ရွက်နိုင်စေရန် ရည်ရွယ်ချက်ဖြင့် ပေါ်ပေါက်လာသော အထူးပြုပညာရပ် ဖြစ်ပါသည်။ ထိုနည်းတူ မျက်စိ၏အင်္ဂါအစိတ်အပိုင်းများနှင့် ဖြစ်ပွားသည့်ရောဂါ အခြေအနေများ ပေါ်တွင်မူတည်၍ မျက်စိပညာရပ်အတွင်း အထူးပြုဘာသာရပ်များ ထပ်မံသတ်မှတ်လျက်  ကျယ် ကျယ်ပြန့်ပြန့်ဆောင်ရွက်နိုင်ရန် စီမံထားသည်ကိုတွေ့ရှိကြရပါမည်။ မျက်စိပညာရပ်အတွင်းရှိ အထူးပြု ဘာသာရပ်များအနက် အချို့ကို အောက်ပါအတိုင်း အကျဉ်းချုပ် ရေးသားအပ်ပါသည်။

မျက်စိရှေပိုင်းအခန်းငယ် ခွဲစိတ်အထူးပြုဘာသာရပ်(Anterior Segment Surgery)

           မျက်ကြည်လွှာ(Cornea)၊မျက်နက်ဝန်း (Iris)၊ဆီလီယာရီဘော်ဒီ (Ciliary body)နှင့်မျက်စိ တွင်း မှန်ဘီလူး(Lens)တို့ပါဝင်သော၊မျက်စိရှေပိုင်းအခန်းငယ်ကို အထူးပြုလေ့လာသော ဘာသာ ရပ်ဖြစ်ပါသည်။ဤအပိုင်းကို အထူးပြုကုသသော မျက်စိဆရာဝန်သည် ပါဝင်သော အင်္ဂါအစိတ်အပိုင်း များ၏ ဖွဲ့စည်းတည်ဆောက်ပုံ၊အရည်အသွေး၊လုပ်ငန်းစဉ်၊အစိတ်အပိုင်းများ၏ ဆက်စပ်မှု၊ဇီဝကမ္မဗေဒ စသည်တို့တွင် ပို၍နားလည်နှံ့စပ်သည့်အပြင်၊ခွဲစိတ်ကုသမှုလုပ်ငန်းစဉ်များတွင်လည်း၊ ပို၍ကျွမ်းကျင် သူဖြစ်ပါသည်။

အတွင်းတိမ်နှင့် စံလွဲအမြင်ဆိုင်ရာခွဲစိတ်အထူးပြုဘာသာရပ်(Cataracts and Refractive Surgery)

          အတွင်းတိမ်ခွဲစိတ်ကုသခြင်းကို မျက်စိအထူးကုဆရာဝန်များက အခြေခံလုပ်ရိုးလုပ်စဉ် အား ဖြင့် ဆောင်ရွက်နိုင်ကြပါသည်။အထူးပြုဘာသာရပ်တခုအဖြစ် သဘောထားခြင်းမျိုးမရှိသော်လည်း၊ မျက်စိကျမ်းမာရေး စောင့်ရှောက်မှုအပိုင်းတွင်၊သီးခြားထင်ရှားသော အပိုင်းကဏ္ဍတခုအဖြစ် မျက်စိ အထူးကုဆရာဝန်များနှင့် သမားတော်ကြီးများက လက္ခံထားကြပါသည်။ အထူးပြုဘာသာရပ် တခုအ ဖြစ် လုပ်ဆောင်ချက်များသောအပိုင်းမှာ အမြင်ဆိုင်ရာခွဲစိတ်ကုသမှုဖြစ်ပါသည်။ မျက်စိမှုန်သူများ အား၊မျက်မှန်ပါဝါလျော့ခြင်းနှင့်စံလွဲအမြင်ဆိုင်ရာ ခွဲစိတ်ကုသ ခြင်းများဖြစ်၏။

မျက်ကြည်လွှာနှင့်ပြင်ပအစိတ်အပိုင်းများ အထူးပြုဘာသာရပ်(Cornea and External Disease)

           မျက်ကြည်လွှာ၊မျက်မြှေးလွှာ၊မျက်ဖြူလွှာ၊ မျက်ခွံတို့နှင့်ပတ်သက်သော ရောဂါများကို လေ့လာခြင်း နှင့် ကုသမှုပေးသောအပိုင်းဖြစ်ပါသည်။ မျက်ကြည်လွှာ၊မျက်မြှေးလွှာနှင့်  မျက်ခွံတို့တွင်ဖြစ် ပွားသောထိရှခြင်း၊အနာဖြစ်ခြင်း၊ ရောင်ရမ်းခြင်း၊ပိုးဝင်ခြင်းများကို ကုသသော ဘာသာရပ်ဖြစ်ပါသည်။ အရေးကြီးသော ကုသမှုများမှာ မျက်ကြည်လွှာအစားထိုးခြင်း ၊မျက်ကြည်လွှာပြုပြင်ခြင်းများ နှင့် မျက်စိမှုန်ခြင်း(ပါဝါများများ မျက်မှန် ထူထူတပ်ရသူများ) ကိုကုသပေးခြင်းများဖြစ် ပါ သည်။

ရေတိမ်အထူးပြုဘာသာရပ်(Glaucoma)

          မျက်စိတွင်းဖိအားမြင့်တက်လာမှုကြောင့်၊ မျက်စိ၏အရေးပါသော အစိတ်အပိုင်းဖြစ်သည့် မြင်လွှာရှိသွေးကြောများနှင့် အာရုံကြောများကိုပျက်စီးစေသည့် ရေတိမ်ကို အထူးပြုကုသသော ဘာသာရပ်ဖြစ်ပါသည်။မျက်စိတွင်းဖိအားမြင့်တက်နေမှုနှင့်တကွ ဆက်နွယ်နေသော အကြာင်းရင်းခံ များအားလုံးကို၊ဆေးဝါးဖြင့်ကုသခြင်း(သောက်ဆေးပေးခြင်း၊မျက်စဉ်ခပ်စေခြင်း)အပြင်၊လိုအပ်ပါကခွဲ စိတ်ကုသမှုပြုရသည့် အထူးကုအပိုင်းဖြစ်ပါသည်။

မျက်စိအာရုံကြောအထူးပြုဘာသာရပ်(Neuro-Ophthalmology)

          ဦးနှောက်အာရုံကြောပညာနှင့်မျက်စိပညာ နှစ်ရပ်စလုံးကိုနားလည်း နှံ့စပ်ကျွမ်းကျင်ရန်လိုအပ် သော ဘာသာရပ်ဖြစ်ပါသည်။ အမြင်စွမ်းရည်ဆုံးရှုံးစေသည်ထိ အန္တရာယ်ရှိသည့် မျက်စိအာရုံကြော ထိခိုက်ချို့ယွင်းမှုများကို ကုသပေးပါသည်။ ပီကျူထရီဂလင်း အကျိတ်က မျက်စိအာရုံကြော နှစ်ခုဖြတ် သည့်နေရာ(Optic Chiasma)ကိုဖိပါက မျက်စိမြင်ကွင်းကျဉ်း၍ ကွယ်တတ်သဖြင့်၊ ထိုအကျိတ်ကို မျက်စိဆရာဝန်နှင့် ဦးနှောက်အာရုံကြောခွဲစိတ်ဆရာဝန် ပူးပေါင်း၍ အချိန်မီခွဲစိတ်မှသာ ပြန်မြင်နိုင်ပါ သည်။

မျက်စိကင်ဆာရောဂါအထူးပြုဘာသာရပ်(Ocular Oncology)

          ဆေးဝါးနှင့် ခွဲစိတ်ကုသမှု နှစ်မျိုးစလုံးဖြင့် ကုသမှုပေးရသော ဘာသာရပ်ဖြစ်ပါသည်။မျက်စိ တွင် ဖြစ်ပွားသော ကင်ဆာရောဂါကို အထူးကုသပါသည်။ကုသသော မျက်စိကုဆရာဝန်ကြီးများ သည်၊လိုအပ်သည့် ကုသမှုများနှင့်ရှင်းလင်းဆွေးနွေးရန် လိုအပ်သောကိစ္စရပ်များတွင် ရောဂါဗေဒ ဆရာဝန်၏ ဆေးစစ်အဖြေလွှာနှင့် တိုက်ဆိုင်စစ်ဆေးလျက် ဆောင်ရွက်ကြရပါသည်။

မျက်စိအနုစိတ်ပြုပြင်ခြင်းနှင့်မျက်လုံးအိမ်ဆိုင်ရာအထူးပြုဘာသာရပ်(Oculoplastics and Orbit Surgery)

          မျက်ခွံနှင့်မျက်စိအပေါ်ယံ အနုစိတ်နှင့်အလှအပဆိုင်ရာ ခွဲစိတ်ပြုပြင်ခြင်း၊မျက်လုံးအိမ်နှင့် မျက် ခွံရိုး ခွဲစိတ်ပြုပြင်ခြင်းများကို ပြုလုပ်သည့် ဘာသာရပ်ဖြစ်ပါသည်။ဤဘာသာရပ်ဆိုင်ရာ မျက်စိဆ ရာဝန်သည် ဓါတုကုထုံးနှင့် ရေဒီယိုလှိုင်းဖြင့်ကုသခြင်းများကို ကျွမ်းကျင်တတ်မြောက်အောင် လေ့ လာသင်ယူထားကြရ သည့်ပြင်၊ မျက်လုံးအိမ်ပြုပြင်ခြင်းနှင့် မျက်စိရောဂါများကုသရာတွင် အသုံးတည့် သည့် ဓါတ်ရောင်ခြည်ဖြင့် ခွဲစိတ်ခြင်း နည်းပညာများကိုလည်း အထူးကျွမ်းကျင်ကြပါသည်။

မျက်စိဆိုင်ရာရောဂါဗေဒဘာသာရပ်(Ophthalmic Pathology)

          မျက်စိပညာရပ်နှင့် ရောဂါဗေဒပညာရပ်နှစ်ခုကိုပေါင်းစပ်၍ အသုံးချရသောအပိုင်းဖြစ်ပါသည်။

မျက်စိရောဂါရှာဖွေရာတွင်၊ရောဂါဖြစ်သောနေရာမှာ အသားစတစ်ရှုးကိုယူ၍ မည်သည့်ရောဂါဖြစ်သည် ကို ဆုံးဖြတ်ရာတွင် မျက်စိပညာနှင့်ရောဂါဗေဒပညာ နှစ်ရပ်ပေါင်းစပ်၍ အဖြေရှာရပါသည်။

 ကလေးဆိုင်ရာမျက်စိပညာ(Pediatric Ophthalmology)

          ကလေးများ၏တွင်ဖြစ်ပွားသော မျက်စိပြဿနာများကို ဖြေရှင်းပေးသော ဘာသာရပ်ဖြစ်ပါ သည်။အထူးအားဖြင့် ကလေးများတွင် အဖြစ်များသည့် မျက်စိစွေခြင်း၊မျက်စိတဖက်နှင့်တဖက် အမြင် မတူခြင်း၊အနိမ့်အမြင့်ဖြစ်နေခြင်း၊ မျိုးရိုးလိုက်သော မျက်စိရောဂါများနှင့် မျက်စိအာရုံကြော ဖောက်ပြန် မှုများကို ကုသခြင်းများ ပါဝင်ပါသည်။

ယူဗွီရိုက်တစ်နှင့် အင်မျူးနိုလိုဂျီ(Uveitis and Immunology)

         မျက်စိအင်္ဂါအစိတ်အပိုင်းများတွင် မျက်နက်ဝန်း(Iris)၊ဆီလီယာရီဘော်ဒီ(Ciliary body)နှင့် မျက်စိအလယ်လွှာ(Choroid)တို့ပါဝင်သော၊မျက်စိ၏အလွန်အရေးပါသော အင်္ဂါအစိတ်အပိုင်းဖြစ် သည့် ယူဗီအာအလွှာ (Uvea tract) ရှိပါသည်။ယူဗီအာအလွှာ ရောင်ရမ်းခြင်းကို ယူဗီရိုက်တစ် (Uveitis)ဟုခေါ်ပါသည်။ ယူဗီအာအလွှာ ရောင်ရမ်းခြင်းတွင် ယူဗီအာတခုလုံး ရောင်ရမ်းခြင်းမျိုး မဟုတ်ပဲ၊၎င်းအလွှာတွင်ပါဝင်သော အစိတ်အပိုင်းတခုချင်းသော်လည်းကောင်း၊ နှစ်ခုသော်လည်း ကောင်း ရောင်ရမ်းခြင်းမျိုးလည်းရှိပါသည်။ယူဗီရိုက်တစ်ရောဂါသည် ခန္ဓာကိုယ်၏ အင်မျူးစနစ် (Immune System) နှင့် ဆက်စပ်ပတ်သက်လေ့ရှိပါသည်။သို့ဖြစ်ရာ ယူဗီရိုက်တစ်ဘာသာရပ်ကို အထူးပြုသော မျက်စိဆရာဝန်သည် မျက်စိပညာရပ်နှင့် အင်မျူးနိုလိုဂျီပညာရပ် နှစ်ခုစလုံးတွင် တတ် ကျွမ်းသော ပညာရှင်ဖြစ်ပါသည်။

မျက်စိနောက်ခန်းခွဲစိတ်ကုသခြင်း(Vitreo-Retinal Surgery)

          မျက်စိနောက်ခန်း(မျက်လုံး၏အတွင်းဖက်)တွင် ပြစ်ချွဲသောအရည်ကြည်တမျိုး(Vitreous)ရှိပြီး၊

၎င်းနှင့်ထိစပ်လျှက်ရှိသော မျက်လုံး၏အတွင်းဖက်အကျဆုံးအလွှာသည် မြင်လွှာ(Retina)ဖြစ်ပါ သည်။ဗစ်ထရပ်စ် နှင့် မြင်လွှာတွင်ဖြစ်ပွားသောရောဂါများ(ဆီးချိုသွေးချိုရောဂါကြောင့်မြင်လွှာထိခိုက် ခြင်းနှင့်အကြောင်းအမျိုးမျိုးကြောင့်မြင်လွှာကွာခြင်းစသည်များ)ကို ဆေးဝါး နှင့် ခွဲစိတ်ကုသခြင်း နှစ် မျိုးစလုံးသုံး၍ ကုသသော ပညာရပ်ဖြစ်ပါသည်။ မြင်လွှာဆိုင်ရာမျက်စိပညာ (Retinal Ophthalmology) ဟုခေါ်သော ဤဘာသာရပ်တွင် လေဆာရောင်ခြည်ဖြင့်ကုသခြင်း၊ ခွဲစိတ်ကုသ ခြင်း၊ခွဲစိတ်မှုပြုနေစဉ် လေဆာရောင်ခြည်ဖြင့်ကုသခြင်း စသည့် နည်းပညာများပါဝင်ပါသည်။

မျက်စိပညာတွင်ပါဝင်သော အထက်ဖော်ပြပါ အထူးပြုဘာသာရပ်များကို လေ့လာလျှင်၊မျက်စိ ကုသမှု လုပ်ငန်းစဉ်များကို ယေဘုယျအားဖြင့် ခန့်မှန်းတွေးဆနိုင်မည်ဖြစ်ပါသည်။ အကြောင်းအား လျှော်စွာ မျက်စိကုသမှုနယ်ပယ်နှင့် ထိတွေ့ကြရသောအချိန်၌ ဤအချက်များသည် စာရှုသူတို့အား အထောက်အပံ့ဖြစ်စေမည်ဟု ယုံကြည်ပါသည်။ ဆောင်းပါးပါအချက်များသည် မိတ်ဆက်ပေးရုံ အကျဉ်းမျှသာဖြစ်ရာ ဆက်လက်လေ့လာလိုပါက အောက်ဖော်ပြပါလင့်ခ်များတွင် လေ့လာနိုင်ပါ ကြောင်း ညွှန်းဆိုအပ်ပါသည်။

References

Subspecialties of Ophthalmology By Yolanda Smith, Bpharm.

http://www.news-medical.net/health/Subspecialties-of-Ophthalmology.aspx P/21

https://www.facs.org/education/resources/residency-search/specialties/ophthal

http://med.stanford.edu/voig/about/subspecialties.html

http://www.aao.org/medical-students/subspecialties

Further Reading

Ophthalmology Ophthalmologist Education and Training.History of Ophthalmology.

Ophthalmology Around the World Last Updated: Jan 17, 2017.