ကျန်းမာသက်ရှည်ခြင်း၏လျှို့ဝှက်ချက်များ(၈) ။(၁၈/၉/၂၀၁၈ ရက်နေ့ထုတ်ကြေးမှုံသတင်းစာပါဆောင်းပါး) ဒေါက်တာဇော်ထွန်းလင်း(ဆေးပညာမဟာသိပ္ပံ)

အိပ်စက်ခြင်းနှင့်ကျန်းမာရေး

        အိပ်စက်ခြင်းသည် လူသားတိုင်း၏ စိတ်နှင့် ကိုယ်ခန္ဓာကိုအနားပေး သောသဘာဝဖြစ်စဉ်တခု ဖြစ် သည်။ အိပ်ချိန်ရောက်လာသောအခါ ငိုက်မျဉ်းခြင်း၊သန်းခြင်း၊စိတ်အာရုံမသိတသိဖြစ်ခြင်း၊ခံစားမှုအာရုံများ လျော့ကျလာခြင်း၊အသိစိတ်ဖြင့် လှုပ်ရှားနိုင်သော ကြွက်သားများလှုပ်ရှားမှုမရှိတော့ခြင်း၊ပတ်ဝန်းကျင်းနှင့် တုန့်ပြန် ဆက်သွယ်မှု မရှိခြင်းတို့မှသည် အိပ်ပျော်ခြင်းသို့ရောက်သည်။

          အိပ်ပျော်နေစဉ် ခန္ဓာကိုယ်သည် အရာရာကို ပြန်လည်တည် ဆောက်သည်။ကိုယ်ခံအားအဖွဲ့၊ အာရုံ ကြောအဖွဲ့၊အရိုးအဖွဲ့၊ကြွက်သားအဖွဲ့၊ ဟော်မုန်းအဖွဲ့ စသည်တို့ကို အိပ်စက်ခြင်းကအားဖြည့်ပေးသည်။အခြားလို အပ်သည်များကိုလည်းဖြည်ဆည်းပေးသည်။

တနေ့ဘယ်နှစ်နာရီ အိပ်သင့်သလဲ

          ပင်းပြည်နယ်တက္ကသိုလ်(Penn state University)ဇီဝအပြုအမူဆိုင်ရာ ကျန်းမာရေးပါရဂူ ပါမောက္ခ ဒင်နီရယ်ဂါတင်ဘာ့(Daniel Gartenburg)၏ သုတေသနပြုချက်အရ လူတယောက်သည် တစ်ညလျှင် (၈) နာရီ(၃၀)မိနစ်အိပ်မှ ကျန်းမာရေးအတွက် ကောင်းသည်ဟု သိရ၏။ အိပ်ယာဝင်ပြီး ချက်ခြင်းအိပ်ပျော်သည် မဟုတ်သောကြောင့် အိပ်ပျော်ဘို့ အရှိန်ယူရသည့် အချိန်ကိုပါထည့်တွက်ထားသည့် သဘောဖြစ်သည်။

          အိပ်ရေးမဝခြင်းသည် ကိုယ်ခန္ဓာကိုထိခိုက်စေသည်။ထိုထိခိုက် ဒါဏ်ရာရခြင်းကို မည်သည့်နည်းနှင့်မျှ ပြန်လည်အစားထိုး၍ မရတော့ချေ။ ထို့ကြောင့်အိပ်ရေးပျက်ခြင်းကြောင့် ကျန်းမာရေးမထိခိုက်စေရန် အောက် ပါ အချက်များကို သတိပြုသင့်သည်။

(၁)နေ့စဉ်အိပ်ချိန်ကို သတ်မှတ်ထားပါ။    ။လူတယောက်နှင့်တယောက် အိပ်နိုင်သည့်အချိန်နှင့်အိပ်သင့် သည့်အချိန်မတူကြပါ။အိပ်သင့်သည့်အချိန်(အနည်းဆုံး(၈)နာရီ၊အိပ်ရေး ဝနိုင်သည့်အချိန်)တွင်းအိပ်နိုင်ရန် အချိန်ဇယားဆွဲထားပါ။ယခုခေတ်တွင် အိပ်ရေးဝ၍ ကျန်းမာသက်ရှည်ခြင်းကို ဦးစားပေးရမည့်အစား၊ အိပ်ရေး မဝ လျှင်နေပါစေ၊အလုပ်ပြီးဘို့ အရေးကြီးသည် ဆိုသူများကများသည်။ဂိမ်း ကစားခြင်း၊လူမှုမီဒီယာ(ဖုန်း)ကြည့် ခြင်း၊ရုပ်ရှင်ဇတ်လမ်းကြည့်၍ အိပ်ရေး ပျက်ခံသူများကို ထည့်မပြောလိုတော့ပြီ။

(၂) အိပ်ခါနီးဦးနှောက်ကို အိပ်ဖို့အဆင်သင့်ပြင်ပါ။                    ။အလုပ်ကိစ္စ အခြားကိစ္စ၊တီဗွီ ရေဒီယို စသည်များ ကိုမအိပ်ခင် တနာရီခွဲခန့်တွင်ရပ်တန့်လိုက်ပါ။တကိုယ်လုံးအကြောလျှော့၍ သက် တောင့် သက်သာနေလိုက်ပါ။ အပြာရောင် တီဗွီအလင်းရောင်သည် သင့် မျက်စိနှင့်စိတ်ကို နေ့ဘက်အလား ထင်ယောင်ထင်မှား ဖြစ်စေသည်။ အိပ် ချင်စိတ်ကိုပျောက်စေသည်။မျက်စိကို “ကြောင်”စေသည်။

(၃)တရားထိုင်ပါ။         ။တရားထိုင်ခြင်းကို မအိပ်မီမှန်မှန်ပြုလုပ်ပါက အိပ်စက်ခြင်းကို အထောက်အကူပြု သည်။

(၄)အိပ်ခန်းကို အိပ်စက်ခြင်းနှင့် လင်မယားချစ်တင်းနှီးနှောခြင်းအတွက်သာသုံးပါ။    ။အိပ်ခန်းထဲတွင် တီဗွီ၊ အင်တာနက်မထားပါနှင့် အလင်းရောင်ဖျော့ဖျော့တွင် စာဖတ်ခြင်းက အဆင်ပြေပါသည်။လင်မယား ချစ်တင်း နှီးနှောခြင်းသည် အိပ်စက်ခြင်းကို အထောက်အကူပြုသည်။

(၅)အိပ်ခါနီး အရက်မသောက်ပါနှင့်။       ။အရက်သည်မူးဝေစေပြီး၊အိပ်ငိုက်ခြင်း၊အိပ်ခြင်းကိုဖြစ်စေသော် လည်း ရေရှည်တွင် အိပ်စက်ခြင်းအဆင့်ဆင့်(Sleep pattern)ကို ပျက်စီးစေ၍ အိပ်ရေးမဝခင် ညတွင်းချင်း ပြန်လည် နိုးလာတတ်သည်။

(၆)ကဖင်းနှင့် ဆေးလိပ်ရှောင်ပါ။        ။ကဖင်း၊ဆေးလိပ်နှင့် အခြားစိတ်ကိုလှုံ့ဆော် တက်ကြွစေသော၊ မျက်စိ ကျယ်စေသော၊မျက်စိကြောင်စေသော အရာများကို မအိပ်ခင်(၄) နာရီခန့်ကတည်းက ရှောင်ပါ။ဥပမာ ကဖင်း သည် သောက်သည့်အချိန်မှ (၈)နာရီအထိ သွေးထဲတွင်ရှိနေနိုင်သည်။

(၇)နေ့ဖက်တွင် လှုပ်ရှားတက်ကြွစွာ အလုပ်လုပ်ပါ။                   ။နေဖက်တွင် ကိုယ်လက်လှုပ်ရှားမှု နည်းလျှင် ည ရောက်သောအခါ အိပ်စက်ချင်စိတ် လျော့၍၊နေ့ဖက် ကိုယ်လက်လှုပ်ရှားမှု မှန်မှန်လုပ်သူများ သည် လွယ်ကူ စွာအိပ်ပျော်၍ အိပ်ရေးလည်းဝသည်။

(၈)အိပ်ခန်း အိပ်စက်မည့်နေရာကို အိပ်ဖို့အတွက်ပြည့်ဝကောင်းမွန်သော နေရာဖြစ်အောင် ဖန်တီးထားပါ။

          အပူချိန် ၁၉ မှ၂၁ စင်တီဂရိတ်အတွင်း တိတ်ဆိတ်၍မှောင်သော အိပ်ခန်းသည် အိပ်စက်ခြင်းကို အထောက်အကူပြုသည်။

(၉)အိပ်မည့် အဖော်ကို ဂရုတစိုက်ရွေးချယ်ပါ။      ။ကလေးများအဖို့ အဖွားနှင့်အိပ်မှ အိပ်ပျော်သည်၊ အရုပ်နှင့် အိပ်မှ အိပ်ပျော်သည် စသည်ဖြင့် ရွေးချယ်ခြင်းမျိုးရှိရမည်။ဟောက်တတ်သူနှင့် အိပ်လျှင် ဟောက်သံကြားနေရ ၍ အိပ်မပျော်ခြင်းများလည်းရှိ၏

(၁၀)အိပ်မပျော်လျှင် အတင်းဖြစ်ညှစ်၍ အိပ်ယာထဲ ကွေးမနေပါနှင့်။            ။အိပ်မပျော်လျှင် အိပ်ယာ မှထ၍ နို့နွေး နွေးတခွက်သောက်ပါ။နို့ ထဲတွင်ပါဝင်သော တြစ်တိုဖင် (Tryptophan)သည် အိပ်ချင် စိတ်ကိုဖြစ်စေ သည်။ ကမ်မိုမိုင်းလ် လက်ဖက်ရည်(Camomile Tea) သောက်ခြင်း၊ကိုယ်လက်လှုပ်ရှားမှု တခုခုလုပ်ခြင်း(မျက်စိ ကျယ်၊ မျက်စိကြောင်၍ အိပ်ချင် စိတ် ပျောက်အောင်အထိ တော့ မလုပ်သင့်)သည် အိပ်ချင်စိတ်ကို ဖြစ်စေ သည်။လက်နှစ်ဖက် ခြေနှစ်ဖက်ကို လေးဖက်လေးတန် ဆန့်တန်း၍(ပက် လက် အနေအထားတွင်) အကြော လျော့ပေးခြင်းသည်လည်း၊ အိပ်ချင် စိတ်ကိုဖြစ်စေသည်။ အိပ် ချင်စိတ်ဖြစ် လာသောအခါ အိပ်ယာဝင်ရုံသာ။

အိပ်မပျော်ခြင်း(Insomnia)

          မည်သို့ကြိုးစားအိပ်အိပ် အိပ်မပျော်ခြင်းကို လူတိုင်းကြုံတွေ့ဘူး ကြပေမည်။တခါတရံ အိပ်မပျော်ခြင်း သည် ကျန်းမာရေးကိုမထိခိုက်သော်လည်း၊ နေ့စဉ်ရက်ဆက်သော်လည်းကောင်း၊ြ ပတ်တောင်းပြတ်တောင်း ရက် အတော်ကြာကြာသော်လည်းကောင်း၊အိပ်မပျော်သည့်ရက်များလာပါ က ကျန်းမာရေးကို ထိခိုက်လာနိုင် ပါသည်။ဦးနှောက်တွင် နိုးထခြင်းစက်နာရီ(Wake cycle)နှင့် အိပ်စက်ခြင်း စက်နာရီ(Sleep cycle)ဟူ၍ရှိရာ၊ နိုးထခြင်းစက်နာရီများ၌ နိုးထခြင်း မောင်းနှင်အား(Wake drive)ကို မရပ်တန့်နိုင်သောအခါ၊အိပ်မပျော်ခြင်းကို ဖြစ်စေသည်။

အိပ်မပျော်ခြင်းကိုဖြစ်စေသော အကြောင်းတရားများ

ဆေးဖက်ဆိုင်ရာ အကြောင်းတရားများ

(၁)နှာခေါင်းနှင့်နှာခေါင်းလှိုင်(Sinus)ဓါတ်မတည့်ခြင်းများ။ (၂)အစာအိမ်အူလမ်းကြောင်းပြဿနာများ(ဥပမာ လေချဉ်ဆန်တက်ခြင်း)။ (၃)ဟော်မုန်းဆိုင်ရာပြဿနာများ(ဥပမာ သိုင်းရွိုက်ဟော်မုန်းများခြင်း)။                                      (၄)အဆစ်အမြစ် ရောင်ခြင်း။                                                                                                (၅)ပန်းနာရင်ကျပ်။                                                                                (၆)အာရုံကြောဆိုင်ရာပြဿနာများ(ဥပမာ ပါကင်ဆင်ရောဂါ)။                                                 (၇)နာတာရှည် နာကျင်ကိုက်ခဲမှုများ။                                                                              (၈)ခါးနာခြင်း။                                                                                             (၉)သွေးတိုးရောဂါ။                                                                                                      (၁၀)နှလုံးရောဂါ။                                                                                                         (၁၁)ခြေထောက် ကိုက်ခြင်းလက္ခဏာစု(Restless leg syndrone)။                                              (၁၂)အိပ်ရာဝင် အသက်ရှူမဝခြင်း(Sleep Apnea)

စိတ်ပိုင်းဆိုင်ရာ ကြောင်းတရားများ

          ပြင်းထန်သောအိပ်မပျော်ခြင်းသည် စိတ်ကျရောဂါ၏ အဓိက လက္ခဏာများတွင် ပါဝင်လေ့ရှိသည်။ အိပ်မပျော်လေလေ စိတ်ကျခြင်း ပိုလာလေလေဖြစ်တတ်သည်။

          စိုးရိမ်ပူပန်မှုများခြင်းသည် အိပ်မပျော်ခြင်းကိုဖြစ်စေသည်။စိတ်တင်းကြပ်ခြင်း၊အတိတ် အကြောင်း များ ကို ပြန်လည်တွေးတောနေမိခြင်း၊ အနာဂတ်အတွက်ပူပန်မှုများခြင်း၊တာဝန်ယူမှုအတွက် စိုးရိမ်စိတ်ဖြစ်ခြင်း၊ ဖြစ် နိုင်ခြေထက် ပိုမိုတွက်ချက်တွေးတော၍ ထိတ်လန့်ခြင်းများပါဝင် သည်။ရက်ပေါင်းများစွာ လပေါင်းများစွာ အိပ် မပျော်သောအခါ၊စိုးရိမ်ပူ ပန်မှုလွန်ကဲခြင်း၊သေဆုံးတော့မည်ကဲ့သို့ ခံစားထိတ်လန့်ခြင်း၊ရူးကြောင် ကြောင်ဖြစ် ခြင်းများဖြစ်လာနိုင်သည်။

          ထို့ကြောင့်အိပ်မပျော်ခြင်းကို ရက်အတော်ကြာအောင်ခံစားရပါက စောစီးစွာကုသသင့်သည်။ ဆေး ဘက်ဆိုင်ရာ၊စိတ်ပိုင်းဆိုင်ရာ စသည့် အိပ်မပျော်ခြင်း၏ အကြောင်းရင်းကို ရှာဖွေ၍ အချိန်မီကုသရသည်။

အိပ်မပျော်ခြင်းနှင့် သင့်ဘဝပုံစံ 

       

သင့်ဘဝ နေထိုင်မှုပုံစံသည် သင်၏အိပ်မပျော်ခြင်းနှင့်ပတ်သက် နေတတ်သည်။                                                                                                                (၁)အလုပ်ကို အိမ်သို့ယူလာ၍ ညဦးပိုင်းတွင်လုပ်ခြင်းသည် အိပ်မပျော် ခြင်းကို အားပေးသည်။                                                                                                      (၂)နေ့အချိန်တွင် တရေးတမော၊တမှေးအိပ်ခြင်း သည်၊ ည အိပ်မပျော် ခြင်းကိုဖြစ်စေသည်။ခဏတဖြုတ်ပင် ဖြစ်လင့်ကစား ည အိပ်မပျော်ခြင်း ကိုအားပေးသည်။                                                                                                           (၃)ညက အိပ်မပျော်၍ နေ့ဖက်ပြန်အိပ်ခြင်းသည် ပုံမှန် အိပ်စက်မှုနာရီ (body clock of sleep pattern)ကို ပျက်စေ၍ ညဖက်အိပ်မပျော်ခြင်းကို ထပ်ဖြစ်စေသည်။                                                                         (၄)အချိန်ပိုင်းအလုပ်လုပ်သူများ အနေနှင့် အလုပ်ချိန် အပြောင်းအလဲ အလိုက် အိပ်စက်ခြင်းလည်း အပြောင်းအလဲလိုက်၍ ဖြစ်ရသည်။အိပ် မပျော်ခြင်း ပြဿနာရှိပါက အလုပ်ကိုသော်လည်းကောင်း၊ အလုပ်ချိန်ကို သော်လည်းကောင်း ညှိနှိုင်း၍ပြောင်းမှသာလျှင် အိပ်ပျော်နိုင်မည်ဖြစ်ပါ သည်။                                                                       (၅)အရက်သည်အိပ်ပျော်စေသော်လည်း၊ညလည်တွင် ပြန်နိုးတတ်သဖြင့် အရက်မသောက်သင့်ပါ။                                                                                          (၆)ကဖင်းဓါတ်သည် လူကိုနိုးကြားစေသဖြင့် ကဖင်းဓါတ်ပါသော လ္ဘက် ရည်၊ကော်ဖီ၊ဖျော်ရည်၊အချိုရည်နှင့် အစားအစာ များကိုနေ့ဖက်တွင်သာ စားသုံးသင့်သည်။တနေ့လျှင် ကော်ဖီ(၄)ခွက် အ ချိုရည်(၄)ဗူးထက်ပို၍ မသောက်သင့်၊သောက်သုံးပါက အိပ်မပျော်ခြင်း ကိုဖြစ်စေကြောင်း၊ ၂၀၀၅ ခုနှစ် အမျိုးသားအိပ်စက်ခြင်း ဖောင်ဒေးရှင်း၏ လေ့လာချက်အရ သိရ၏။ ကဖင်းသည် သင့်ခန္ဓာကိုယ်ထဲတွင်(၈)နာရီကြာ အာနိသင်ပြနိုင် သဖြင့်၊ အိပ်ချိန် မတိုင်မီ(၈)နာရီအတွင်း ရှောင်သင့်သည်။                               (၇)နီကိုတင်းသည် လူကိုနိုးကြားစေသောဓါတ်ဖြစ် သဖြင့်၊အိပ်မပျော်ခြင်း ကိုဖြစ်စေသည်။ အိပ်မပျော်ခြင်းကို ဖြစ်စေသော ကျန်းမာရေးကိုထိခိုက်စေ သော နီကို တင်း ပါသော ဆေးလိပ်၊စီးကရက်၊ဆေးတံနှင့် ဆေးရွက်ကြီးသုံး စွဲမှုကို လုံးဝ ရှောင်သင့်သည်။                         (၈)အိပ်ယာဝင်ခါနီး ဗိုက်ပြည့်အောင် အစားများများစားခြင်းသည် အိပ်မ ပျော်မှုကိုဖြစ်စေသည်။အိပ်ပျော်နေစဉ် အနားယူရမည့် အစာအိမ်နှင့်အူ လမ်းကြောင်းသည်အနားမရဘဲ ဆက်၍အလုပ်လုပ်ရခြင်း၊ရင်ပြည့်ရင် ကယ်ဖြစ်ခြင်းကြောင့် အိပ်မပျော်ခြင်းကိုဖြစ်စေသည်။                                                                          (၉)အိပ်ယာဝင်ခါနီး ရေသောက်ခြင်းသည် အိပ်ပျော်နေစဉ် ဆီးစွန့် ချင်၍ အိပ်ယာထရသည့် ဒုက္ခကိုဖြစ်စေ သည်။ဆီးစွန့်ပြီးဆက်အိပ်မရဘဲ မျက် လုံး ကြောင်သွားလျှင် ပိုဆိုးသည်။ဆီးခဏခဏသွားတတ်သူများတွင် ပို၍ သတိထားသင့်သည်။အိပ်ခါနီးသေချာစွာ ဆီးကုန်အောင်စွန့်ပြီးမှ အိပ်လျှင် ဆီးသွားချင်၍ အိပ်ယာထရခြင်းမှ ကင်းဝေးစေသည်။                                                                                                    (၁၀)အိပ်ယာဝင်ခါနီး ဖုန်းကြည့်ခြင်း၊သီချင်းနားထောင်ခြင်း၊ဂိမ်းကစားခြင်း၊ကွန်ပျူတာကြည့်ခြင်း တို့သည် အိပ်ချင်စိတ်ကိုပျောက်စေသည်။တရေးနိုးခဏ တဖြုတ်ကြည့် ခြင်းသည်လည်း မျက်စိကိုကြောင်စေသည်။

 ဒေါက်တာဇော်ထွန်းလင်း(ဆေးပညာမဟာသိပ္ပံ)

သိမှတ်ဖွယ်ရာ ဆလင်ဒါပါဝါ။(၁၆/၉/၂၀၁၈ နေ့ထုတ် ရတနာပုံသတင်းစာပါဆောင်းပါး)

                သဘာဝအတိုင်း ညီညာစွာ ခုံးနေရမည့် မျက်ကြည်လွှာ၏မျက်နှာပြင် မညီညာသောကြောင့်၊ မျက်စိတွင်းသို့ ဝင်ရောက်လာသည့် ပုံရိပ်အလင်းတန်းများသည် ကွဲပြားလျှက်ရှိရာ မြင်လွှာပေါ်တွင် ဆုံမှတ်အများအပြားကိုဖြစ်ပေါ်စေ၍ အမြင်အာရုံကို ဝေဝါးစေပါသည်။ထိုသို့ဖြစ်ခြင်းကို အက်စ်တစ် မက် တစ်စင်(Astigmatism)ဟုခေါ်၏။ Astigmatism ဖြစ်သောကြောင့် မျက်စိမှုန်လျှင် မျက်မှန်၌ ဆလင်ဒါမှန် ကိုသုံး၍ အမြင်ကြည်လင်အောင် ကုစားရသောကြောင့်၊မှန်ကို အစွဲပြု၍ “ဆလင်ဒါပါဝါ” ဟု အများ ကခေါ်ဝေါ်ကြ ခြင်းလည်း ဖြစ်ပါသည်။သူငယ်အိမ်စောင်းပါဝါဟူသော အခေါ်အဝေါ်ရှိသော် လည်း ယင်းမှာ အရပ်စကားမျှသာဖြစ်ပါသည်။

                ဆလင်ဒါပါဝါရှိခြင်းသည် မွေးရာပါဖြစ်တတ်သကဲ့သို့ ခလေးဘဝမှ ဆယ်ကျော်သက် အရွယ် ကြားကာလ အတွင်းတွင်လည်းပေါ်ပေါက်လာတတ်ပါသည်။မျက်စိ ထိခိုက်မိခြင်းနှင့်မျက်စိရောဂါများ ကြောင့်လည်းဖြစ်တတ်သည့်ပြင် လူကြီးလူငယ်မရွေး  ရှိတတ်ပါသည်။

ဆလင်ဒါပါဝါ ရှိ/မရှိ စမ်းကြည့်မှသိ

        ကျွမ်းကျင်သောပညာရှင်မှ စနစ်တကျ စမ်းသပ်စစ်ဆေးကြည့်မှသာလျှင် ဆလင်ဒါပါဝါရှိ/မရှိ သိနိုင်ပြီး၊အောက်ပါနည်းများကို ကျင့်သုံးလျှက် စစ်ဆေးကြည့်လေ့ရှိကြပါသည်။

(က) အမြင်စွမ်းရည်စစ်ဆေးခြင်း

          အမြင်စွမ်းရည်ကို နည်းသုံးနည်းဖြင့် စစ်ဆေးလေ့ရှိရာ အဝေးကြည့် အမြင်စွမ်းရည်၊အနီးကြည့် အမြင်စွမ်းရည်နှင့် အမ်စလာစနစ်ပုံ(လေးဒေါင့်ကွက်သံဇကာပုံ) စစ်ဆေးခြင်း(Amsler grid tests) များပါဝင်ပါသည်။အမ်စလာစနစ်ပုံ စမ်းသပ်စစ်ဆေးရာတွင် ၎င်းစနစ်ပုံအတွင်းပါဝင်သော (လေးဒေါင့် သံဇာကွက်ပုံစံ) မျဉ်းဖြောင့်များ အားလုံးကို၊ မျဉ်းတချောင်းစီ၏ အစမှအဆုံးထိ အပြတ်အတောက်မရှိ၊ တွန့်လိမ်ခြင်းမရှိဘဲ ထင်ထင် ရှားရှားမြင်ရမှသာလျှင် ၎င်းအဆင့်ကို အောင်မြင်သည်ဟု ယူဆပါသည်။ အဝေးကြည့် အမြင်စွမ်းရည် စစ်ဆေးရာတွင် သတ်မှတ် အကွာအဝေး(ပေ၂၀) တွင်ရှိသော၊ အမြင် စမ်းကဒ်ပြား၏ သတ်မှတ်အဆင့် စာတန်း ၂၀/၂၀ ကို ဖတ်နိုင်ရပါမည်။ အမ်စလာစနစ်ပုံ စမ်းသပ်မှု တွင်လည်းကောင်း၊အဝေးကြည့် စစ်ဆေးရာတွင်လည်းကောင်း၊ သတ်မှတ် အဆင့်ကို မမြင်ရပါက၊ မျက်စိမှုန်ရခြင်း၏ အကြောင်းရင်း တရပ်အဖြစ် ဆလင်ဒါပါဝါ (Astigmatism) ရှိနိုင်ကြောင်း သိရပါ မည်။

(ခ)မျက်မှန်ပါဝါရှာဖွေခြင်းဖြင့် စစ်ဆေးခြင်း

          မူလအမြင်စွမ်းရည်ကို စစ်ဆေးခြင်းဖြင့် မျက်စိမှုန်ကြောင်းသိရပြီးသည့်နောက် မျက်မှန်တပ်ပါ က ပို၍မြင်နိုင်မမြင်နိုင်စစ်ဆေးရန်လိုပါသည်။အမြင်စမ်းပညာရှင်(Optometrists)က၊မျက်မှန် ပါဝါလို အပ်ချက်အဆင့် ကိုရှာဖွေစစ်ဆေးသော ကရိယာများကိုအသုံးပြုစစ်ဆေးခြင်းဖြင့် အဝေးမှုန်ခြင်း၊ အနီး မှုန်ခြင်းနှင့် ဆလင်ဒါပါဝါ(Astigmatism)ရှိမရှိ သိနိုင်ပါသည်။

(ဂ) မျက်ကြည်လွှာအခုံးညီမညီတိုင်းတာ၍ စစ်ဆေးခြင်း

          မျက်ကြည်လွှာအခုံးတိုင်းကိရိယာ(Keratometer) နှင် မျက်ကြည်လွှာ မျက်နှာပြင်တိုင်းကိရိ ယာ(Topography)တို့ဖြင့်၊တိုင်းတာခြင်းအားဖြင့် လည်း၊ဆလင်ဒါ ပါဝါရှိမရှိ သိနိုင်ပါသည်။၎င်းကိရိ ယာများသည် မျက်ကြည်လွှာကို တိုင်းတာရာ၌ အလွန်အသုံးဝင်ပြီး၊ပုံမှန် မဟုတ်သော(အခုံးအခွက် မညီညာသော)မျက်ကြည်လွှာ၏ အခြေအနေကို တွေ့ရလျှင် ဆလင်ဒါပါဝါရှိ ကြောင်းသိနိုင်ပါသည်။ ထို့ပြင် အတွင်းတိမ်ခွဲစိတ်ကုသရာ၌ မျက်စိတွင်းသို့ ထည့်သွင်းတပ်ဆင်မည့် မှန်ဘီးလူး(Intra Ocular Len – IOL)၏ပါဝါကို ရှာဖွေခြင်း နှင့် မျက်ကပ်မှန်၏ အခုံးအခွက်နှင့် တပ်ဆင်မည့်သူ၏ မျက်ကြည် လွှာအခုံးအခွက် ကိုက်ညီမှုရှိမရှိ စစ်ဆေးခြင်းများတွင် လည်း၊မျက်ကြည်လွှာ အခုံးတိုင်းကိရိယာ (Keratometer) ကို အသုံးပြုပါသည်။

(င) ယပ်တောင်ပုံကားချပ်ဖြင့်စစ်ဆေးခြင်း

          ပုံစံကားချပ်သည် ယပ်တောင်ပုံစံ(fan diagram- စက်ဝိုင်းခြမ်းပုံ)ရှိသကဲ့သို့ စက်ဝိုင်း ပုံလည်းရှိပါသည်။မျဉ်းဖြောင့်များကို အလယ်တွင်စုဆုံစေလျှက် ယပ်တောင်ပုံ သို့မဟုတ် စက်ဝိုင်း ပုံဖန်တီးထားသော ပုံစံကားချပ်ဖြစ်ပါသည်။အလယ်တွင်စုဆုံလျှက်ရှိသော မျဉ်းဖြောင့် အားလုံး ကြည်လင်ပြတ်သားမှုမရှိဘဲ မျဉ်းဖြောင့်အချို့ မှုန်ဝါးနေလျှင် ဆလင်ဒါပါဝါ (Astigmatism)ရှိကြောင်း သိနိုင်ပါသည်။

(စ) ဂျက်ဆန်ခရော့ဆလင်ဒါဖြင့်စစ်ဆေးခြင်း

          လက်ကိုင်ပါသော ဆလင်ဒါမှန်လေးဖြင့် စမ်းသပ်စစ်ဆေးခြင်းဖြစ်ပါသည်။၎င်းမှန်လေးကို တဖက်စီ ဘက်ပြောင်းကြည့်ရှုစေခြင်းဖြင့် ဆလင်ဒါပါဝါရှိမရှိကို သိနိုင်ပါသည်။အဓိကအားဖြင့် ဆလင် ဒါ၏ ဝင်ရိုးကို အတည်ပြုနိုင်ရန်စစ်ဆေးခြင်းဖြစ်ပါသည်။

အက်စတစ်မက်တစ်စင်(ဆလင်ဒါပါဝါ)ကို ကုသခြင်း

မျက်မှန်ဖြင့်ကုသခြင်း

          ပါဝါမများသည့် ပြောင်းလဲမှုမရှိသော ဆလင်ဒါပါဝါများကို အထူးကုသမှုပြုရန် မလိုအပ်ဘဲ ပုံမှန်မျက်စိစစ်ဆေး၍ မျက်မှန် သို့မဟုတ် မျက်ကပ်မှန်တပ်ရန်သာလိုပါသည်။၎င်းကို မျက်မှန်ဖြင့် ကုသခြင်း(Optical Therapy)ဟုခေါ်ပါသည်။မျက်မှန်တပ်စေခြင်းသည် မျက်စိမှုန်ခြင်းနှင့် မျက်စိ မှုန်ခြင်းကြောင့်ဖြစ်သော(မကြာခဏ ထိခိုက်ဒဏ်ရာရခြင်း၊ခေါင်းမူး ခေါင်းနောက်ခြင်း၊ မျက်စိကိုက် ခဲခြင်း၊ ဇက်ကြောတက်ခြင်း၊နောက်ကြောတက်ခြင်း၊မအီမသာဖြစ်ခြင်း စသည့်) နောက်ဆက်တွဲ ဝေဒနာများကို လျှင်မြန်စွာ သက်သာပျောက်ကင်းစေသော ရိုးရှင်းသည့် ကုသမှုဖြစ်ပါသည်။မျက်စိ နှင့်ပတ်သက်သော နောက်ဆက်တွဲဝေဒနာများသည် အထူးသဖြင့် နေ့ခင်းပိုင်းနှင့် ညနေပိုင်းအချိန် များတွင် အဖြစ်များပါသည်။ ဆလင်ဒါပါဝါများသည့်အပြင် ပို၍ ပို၍ ပါဝါတိုးလာသော Astigmatism များကိုမူ ခွဲစိတ်ကုသမှုအပါအဝင် အခြားသော  ကုသမှုများကို ပြုလုပ်ရန် လိုအပ်မည်ဖြစ်ပါသည်။

ခွဲစိတ်ကုသခြင်း

အက်စတစ်မက်တစ်စင် ခေါ် ဆလင်ဒါပါဝါကို ခွဲစိတ်၍ ပြုပြင်ခြင်းသည် မျက်မှောက်ခေတ်တွင် ထိရောက်သည့်ကုသမှုဖြစ်ပါသည်။ခွဲစိတ်ကုသနည်းများကို အကျဉ်းအားဖြင့် အောက်ပါအတိုင်းတွေ့ ရပါမည်။

(က)Radial Keratotomy

          မျက်ကြည်လွှာကို ခွဲစိတ်ပညာဖြင့် လိုသလိုပြုပြင်၍ ဆလင်ဒါပါဝါကိုဖျောက်ခြင်းဖြစ်သည်။

(ခ) Laser Treatment

          လေဆာရောင်ခြည်အသုံးပြု၍ မျက်ကြည်လွှာကို လိုသလိုပြုပြင်ခြင်းဖြင့် ဆလင်ဒါပါဝါ ကို ဖျောက်ခြင်းဖြစ်သည်။(ဥပမာ LASIK)

ဤဆောင်းပါး၍ ဆလင်ဒါပါဝါအကြောင်း ဗဟုသုတအလို့ငှာ ရေးသားခြင်းဖြစ်ရာ နည်းပညာ ပိုင်းဆိုင်ရာများကို အထူးသဖြင့်ချန်လှပ်ထားပါသည်။ဆလင်ဒါပါဝါ၏ရင်းမြစ်နှင့် သဘောသဘာဝ ၊သိ နိုင်သည့်နည်းလမ်းများ၊ ကုထုံးများသည် စာရေးသူမှ စာဖတ်သူသို့ အဓိကသိစေလိုသော အကြောင်း အရာများပင်ဖြစ်ပါသည်။

ကလောင်အမည် …… ပြည့်အောင်(COA)