Community Eye Health Journal. (VOLUME 29 ISSUE 93 /2016)
Johannes Trimmel( Director: Policy and Advocacy)ရေးသားသော Inequality and inequity in eye health ဆောင်းပါးမှ အချက်အလက်များကို ရယူပါသည်။
လွန်ခဲ့သော၂၀၁၀ ပြည့်နှစ်အချိန်ကာလများ၌ ကမ္ဘာတဝှမ်း ဝန်ထုပ်ဝန်ပိုး ဖြစ်စေသော ရောဂါများ အကြောင်း (Global Burden of Disease – GBD)ကို လေ့လာရာတွင် ကမ္ဘာတဝှမ်း မျက်မမြင်ပြန့် နှံ့မှု နှုန်းထားသည် ၊ ၁၉၉၀ ပြည့်နှစ်၌ ၀.၆၀% ရှိရာမှ ၊ ၂၀၁၀ ပြည့်နှစ်တွင် ၀.၄၇ %သို့ ကျဆင်း သွားကြောင်း ဖော်ပြထားသည်ကို တွေ့ရ၏။ ဤအချက်သည် ကမ္ဘာတဝှမ်း အများပြည်သူကျမ်း မာရေး စောင့်ရှောက် မှုဆိုင်ရာ ဝန်ဆောင်မှုလုပ်ငန်းများ တိုးတက်လာမှုကို ညွှန်ပြနေသည်ဟု ယူဆနိုင် ဖွယ် ရာရှိ၏။ သို့သော်လည်း၊ ၎င်းသည် အသက်အပိုင်းအခြား တမျိုးတည်းကိုသာ အခြေခံသော သတ်မှတ် ချက်မျှသာ ဖြစ်၍ ပိုမိုကျယ်ပြန်သော နိုင်ငံပေါင်းစုံ ဖြန့် ကျက်လေ့လာမှုအပိုင်း၌ အားနည်းချက် ရှိသည် ကို တွေ့ရပါ မည်။
နိုင်ငံပေါင်းစုံဖြန်ကျက်လေ့လာသူ သုတေသီအချို့ကမူ မျက်စိကျမ်းမာရေး စောင့်ရှောက် မှုလုပ်ငန်းများ၏ တိုးတက်မှုသည် လူနေမှုစနစ်၏ အဆင့်အတန်း အပေါ်တွင်လည်း မူတည်ကြောင်း ညွှန်ပြကြ၏။ ဥပမာအားဖြင့် အာဖရိကနှင့် လက်တင်အမေရိက ခုနှစ်နိုင်ငံတို့တွင် လူနေမှု အဆင့်အတန်း အလွန်နိမ့်ကျသောကြောင့် မျက်မမြင်ကျဆင်းရေး၊ အမြင်အာရုံယိုယွင်းအားနည်းမှု ကျဆင်းရေး၊သတင်း အချက် အလက်များရယူရေး နှင့် အတွင်းတိမ် ခွဲစိတ်ကုသမှုစံနှုန်း စသည်များမှာ အခြားနိုင်ငံများကဲ့သို့ ဖွံ့ဖြိုး တိုးတက်မှု မရှိကြောင်း၊ ၎င်းနိုင်ငံများသည် အထောက်အပံ့များ လိုအပ်လျှက်ရှိရာ၊ ချမ်းသာကြွယ်ဝ သူ အလှူရှင်များကို ပိုမိုကျယ်ကျယ်ပြန့်ပြန့် စည်းရုံးကြရန် လိုအပ်ကြောင်း အကြံပြု ထားပါသည်။
အာဂျင်တီးနားနိုင်ငံ၌ အမြင်အာရုံဆုံးရှုံးမှုကို အများဆုံးဖြစ်ပေါ်စေသည့် အတွင်းတိမ်ကို၊ ခွဲစိတ်ကုသမှု မပြုနိုင်သေးဘဲ ကျန်ရှိနေသည့်နှုန်းထားသည် ဆိုးရွားစွာကြောင်း ၊ အမျိုးသားအဆင့် အတွင်းတိမ် ခွဲစိတ်ကုသမှုဆိုင်ရာ နှုန်းထား (CSR-cataract surgical rate) သည် ၅၉၃၅ (cataract operation per million population per year) ရှိကြောင်း ဖော်ပြပါသည်။
ထို့ပြင် ၂၀၁၀ ခုနှစ် အိန္ဒိယနိုင်ငံ ဂူဂျာရက်မြို့တွင်ပြုလုပ်သော လေ့လာဆန်းစစ်ချက်များမှ ထွက် ပေါ်လာသော အစီရင်ခံစာများအရ အိန္ဒွယနိုင်ငံ၌ အတွင်းတိမ် ခွဲစိတ်ကုသမှု ဆိုင်ရာနှုန်းထား (CSR)သည် ၊၁၀,၀၀၀, ရှိသည့် အတွက် ကျန်ရှိမှုပမာဏ များပြားကြောင်း ၊ အဓိကကျသော မျက်စိရောဂါ ကုသမှုများ နှင့် သက်ကြီးရွယ်အိုများတွင် အဖြစ်များသည့် အရေးပါသော မျက်စိပြဿနာများကိုဖြေရှင်းရန် ကိစ္စရပ် များလည်း ကျန်ရှိနေသေးကြောင်း သိကြရပါ သည်။
ဖွံ့ဖြိုးတိုးတက်မှုအဆင့် မြင့်မားသည်ဟု သတ်မှတ်ထားကြသော ယူနိုက် တက်ကင်းဒန်းရှိ လူမည်း လူနည်းမျိုးနွယ်စုများ အတွင်း၌ပင်လျှင် အမြင်အာရုံ ဆုံးရှုံးမှု ပြဿနာများ အထူးမြင့်တက်လျှက်ရှိ နေပြီး၊ အရွယ်ရောက်ပြီး မသန်မစွမ်းဖြစ်နေသူများအား (၁၀)ကြိမ်ထက်မနည်း လေ့လာကြည့်ရာ တွင် ၊ အမြင် အာရုံလုံးဝဆုံးရှုံးမှု နှင့် တစိတ်တပိုင်းအားဖြင့်ဆုံးရှုံးမှု ဖြစ်နိုင်ခြေရှိနေသူများကို ၎င်းနိုင်ငံ၏လူဦးရေ ပြန့်နှံ့မှုအလိုက် တွေ့ရှိနေကြရမည် ဖြစ်ပါသည်။
မသန်စွမ်းသူများနှင့် စပ်လျဉ်း၍လည်း ကမ္ဘာ့ကျမ်းမာရေးအဖွဲ့ (WHO) နှင့် ကမ္ဘာ့ဘဏ် (World Bank)တို့ပူးပေါင်းစီစဉ်ထုတ်ပြန်သော အစီရင်ခံစာတွင် မသန်မစွမ်းသူများအား ကျမ်းမာရေးစောင့် ရှောက်မှု လုပ်ငန်းများကို ဆောင်ရွက်ရာတွင်၊ အဓိကအခက်အခဲနှစ်မျိုး ကြုံတွေ့ရကြောင်း ၊ ၎င်းတို့မှာ ကောင်း မွန် သော သယ်ယူပို့ဆောင်ရေး (မသန်စွမ်းသူတို့ ကြို/ပို့) စနစ်နှင့် ကျမ်းမာရေးစောင့်ရှောက် မှု လုပ်ငန်းများကို ခံယူနိုင်မှု(ကျမ်းမာရေးဝန်ထမ်းများ၏ အကြံပြု ညွှန်ကြား ချက်များကို လိုက်နာနိုင်စွမ်း ရှိမှု) အခြေအနေ တို့ပင်ဖြစ်ကြောင်း ညွှန်ပြကြပါသည်။
မသန်မစွမ်းသူများသာမက ဝင်ငွေနိမ့်ကျသော နိုင်ငံများရှိ မသန်မစွမ်း မဟုတ်သော အမျိုးသမီး ၃၆% နှင့်၊ အမျိုးသား ၄၀% တို့မှာ မသန်မစွမ်းအမျိုးသမီး ၆၁%နှင့်၊ အမျိုးသား ၅၉% တို့ နည်းတူ ကျမ်းမာရေးဌာနများသို့ သွားရောက်နိုင်ခြင်း မရှိကြောင်း အထက်ပါအစီိရင် ခံစာကဆိုပါသည်။
အိန္ဒိယနှင့် တန်ဇန်းနီးယားနိုင်ငံများတွင် ပြုလုပ်ခဲ့သော သုတေသနလုပ် ငန်းများ၏ရလာဒ်တွင်မူ အထက်ပါကဲ့သို့ မသန်စွမ်းသူများအတွက် ဆောင်ရွက်သော မျက်စိကျမ်းမာရေး စောင့်ရှောက်မှု လုပ်ငန်း များ၌ အခက်အခဲများရှိစေကာမူ၊ မသန်းစွမ်းသူတို့၏ ပူးပေါင်းပါဝင်မှု့သည် အထူးမြင့်တက်လာသည်ကို လည်းတွေ့ရကြောင်း ဝမ်းမြောက်ဖွယ်သိရပါသည်။
မျက်မှောက်ကာလ၌ အကြုံးဝင်လျက်ရှိသော ကမ္ဘာကျမ်းမာရေးအဖွဲ့(WHO) ၏ မျက်စိကျမ်းမာရေး ဘက်စုံဖွံဖြိုးတိုးတက်မှု (Univerasal Eye Health)အတွက် ကမ္ဘာတဝှမ်း အကောင်အထည်ဖော်မှု အစီအစဉ်(2014-2019) ကို ရေးဆွဲ ထုတ် ပြန်ခဲ့ရာတွင်လည်း၊ တန်းတူညီမျှမှုရှိစေရေး၊ လူ့အခွင့်အရေး အပြည့် အဝရရှိရေးနှင့် လူတိုင်းပူးပေါင်းပါဝင် ဆောင်ရွက်ပိုင်ခွင့် (ကုသမှုခံယူနိုင်ခွင့်) ရရှိ ရေးများအတွက် အဖက်ဖက်မှ စဉ်းစားရေးဆွဲထားကြောင်း ထုတ်ပြန်ခဲ့ပါသည်။ တွေ့ရှိချက်များကို စနစ်တကျ ထုတ်ပြန် ကြေငြာရန်နှင့် ပွင့်လင်းမြင်သာသော ထိရောက်သည့်လုပ်ငန်းများကို ဦိးစားပေးမည့် ၎င်းအစီအစဉ်က ”မည်သူတဦးတယောက်မျှ ကျန်ရစ်ခဲ့ခြင်း မရှိစေရ” ဟူ၍လည်း အာမခံချက် ပေးထားပါသည်။
ထိုကဲ့သို့ မျက်စိကျမ်းမာရေးအပါအဝင် ကျမ်းမာရေးစောင့်ရှောက်မှု လုပ်ငန်း များ၌ အချို့သော အခက်အခဲများ ကြုံတွေ့နေရခြင်း၏ အကြောင်းရင်းကို လေ့လာရာတွင် အမြင်အမျိုးမျိုး ရှုဒေါင့်အမျိုးမျိုး ရှိနေမည်ဖြစ်သော်လည်း အောက်ပါအကြောင်း အချက်များပေါ်တွင် အခြေခံလျက် ပေါ်ပေါက် လာရ ကြောင်းကိုမူ လက်ခံ နိုင်ကြမည်ဖြစ်ပါသည် ။
အဓိကအားဖြင့် အထွေထွေဆင်းရဲနွမ်းပါးမှုများကြောင့် ပေါ်ပေါက်လာသည့် ပြဿနာရပ်များဖြစ်ပြီး ၊ ဝင်ငွေနိမ့်ကျခြင်း၊ ကျမ်းမာရေးချို့တဲ့ခြင်း၊ အခြေခံပညာရေးအဆင့်နိမ့်ကျခြင်း ၊ ရေနှင့်မိလ္လာစနစ်အား နည်းခြင်း ၊ ကျမ်းမာရေးနှင့် ဘေးအန္တရယ်ကင်းရှင်းမှုမရှိသော ပတ်ဝန်းကျင်တွင် နေထိုင်ကြရခြင်း၊ အကြမ်း ဖက်ခံရမှု၊ ဘဝမလုံခြုံမှု နှင့် လူတန်းစားခွဲခြား၍ ဆက်ဆံခံရမှုများ၊ ကျမ်းမာရေး စောင့်ရှောက်မှု အဖွဲ့များနှင့် ပူးပေါင်းပါဝင်မှုအားနည်းခြင်း၊ ထိုက်သင့်သော လုပ်ပိုင်ခွင့်တာဝန်နှင့် အခွင့်အာဏာများမရှိခြင်း၊ မိမိ ကိုယ်ကို လေးစားတန်ဘိုးထားမှု အားနည်းခြင်း၊ စသည်ဖြင့် အကြောင်းရင်းများစွာကို အခြေခံ ကြောင်း တွေ့ရှိကြရမည်ဖြစ်ပါသည်။
မျက်စိကျမ်းမာရေးလုပ်ငန်းများကို ထောက်ပံ့မှုများ တိုး၍ တိုး၍ ပေးနိုင်ရန် အတွက် အချက် အလက်များ ကောက်ယူရာတွင်လည်း၊ အသက်အရွယ်နှင့် ယောက်ျား မိန်းမ လိင် ကွဲပြားခြားနားမှု ၊ စီးပွားရေးဆိုင်ရာ ပတ်ဝန်းကျင် အခြေ အနေများကိုသာမက လူနည်းစုမျိုးနွယ်များ ၊ ရွှေ့ပြောင်းနေ ထိုင် သူ များ ၊ မသန် မစွမ်းဖြစ်နေသူများ နှင့် သက်ဆိုင်သော အချက်အလက်များကိုပါ စူးစမ်းရှာဖွေ စုဆောင်းရန် လိုအပ်ကြောင်း တွေ့ရှိလာကြရပါသည်။
သို့ဖြစ်ရာ ကမ္ဘာတဝှမ်း မျက်စိကျမ်းမာရေးစောင့်ရှောက်မှု ပိုမိုဖွံ့ဖြိုးတိုးတက် လာစေရန် အတွက်၊ အောက်ပါအချက်အလက်များကို အဓိကထားဆောင်ရွက် သင့်ကြောင်း တွေ့ကြရမည် ဖြစ်ပါသည်။
လိုအပ်သော ငွေကြေးနှင့် အခြားအထောက်အပံ့များရရှိရေးကို ဆောင်ရွက် ရန်လိုအပ်ပါ သည်။( ပြည်တွင်းနှင့်နိုင်ငံတကာမှ အလှူရှင်များအား မျက်စိကျမ်းမာ ရေးစောင့်ရှောက်မှုလုပ်ငန်းများ၏ လက်ငင်း ဖြစ်ပေါ်နေသော အခြေအနေမှန်များကို ပိုမိုသိရှိ လာအောင် နည်းလမ်းများရှာ၍ လုပ်ဆောင်သင့် ပါသည်။)
အသက်အရွယ်မရွေး၊ ယောက်ျားမိန်းမမရွေး၊ ဆင်းရဲချမ်းသာမရွေး၊မျိုးရိုးဇာ တိ နေရာဒေသမရွေး၊ ပညာအဆင့်အတန်း ရှိသူနှင့်မရှိသူ၊ မသန်းမစွမ်းဖြစ်နေသူ များအပါအဝင် လူတိုင်းလူတိုင်းအား တန်းတူ ညီမျှစိတ်ထား၍ ကုသမှုစောင့်ရှောက်မှုပေးနိုင်သော မျက်စိကျမ်းမာရေးဌာနများ၊ မျက်စိဆရာဝန်များ၊ ပညာရှင်များကို စုစည်းရန်လိုအပ်ပါသည်။
မသန်းမစွမ်းသူများကို စဉ်ဆက်မပြတ် ပါဝင်လာစေရေးအတွက် မျက်စိကျမ်း မာရေး စောင့် ရှောက်မှုယူနစ်များက ပို၍ပို၍ ကျိုးစားအားထုတ်ကြရန် လိုအပ်မည်ဖြစ်ပါသည်။ မျက်စိကျမ်းမာရေး လုပ် ငန်းများကို ထောက်ပံ့ပေးသူများကလည်း စီးပွားရေးလုပ်ငန်းရှင်များ အားစုစည်း၍၊ ၎င်းတို့၏ လုပ်ငန်း များတွင်ရှိသော ဝန်ထမ်းများအား မျက်စိကျမ်းမာရေး စောင့်ရှောက်မှု အခွင့်အရေးများ ရစေရန် (မျက်စိ ကျမ်း မာရေး စစ်ဆေးမှုများကို လက်ခံလာကြစေရန်) တိုက်တွန်းမှုများ ပြုကြ ရပါမည်။
အရေးကြီးဆုံးသောအချက်မှာ မျက်စိကျမ်းမာရးချို့တဲ့သူများသည် မိမိတို့က စောင့်ရှောက်ကုသမှု များ ပေးနေရသော လူနာများအဖြစ်မျှသာမဟုတ်ဘဲ၊ မိမိတို့၏ မျက်စိကျမ်းမာရေး စောင့်ရှောက်မှု လုပ်ငန်း များအပေါ် လူတန်းစား အလွှာ အသီး သီးက ပို၍ပို၍ ယုံကြည်ကိုးစားမှု ရှိလာကြစေရန် နှင့် လုပ်ငန်း ဖွံ့ဖြိုး တိုးတက်မှု လျှင် မြန်လာစေရေးတို့အတွက် အဓိကပံ့ပိုးမှုပေးနေသော အရေးပါသူများ ဖြစ်သည်ဟူ သော ခံယူချက်ထားရှိလျက် စိတ်စေတနာကောင်းဖြင့် ကုသမှုပေးကြရန်ပင်ဖြစ် ပါကြောင်း စေတနာကောင်းထား ၍ ရေးသားအပ်ပါသည်။
ပြည့်အောင်,COA
ဖောင်တော်ဦး ဇီဝိတဒါနမျက်စိဆေးခန်း။
