3. နေကာမျက်မှန်ဝတ်ဆင်ပါ
နေကာမျက်မှန်ဟာ ခရမ်းလွန်ရောင်ခြည်ကြောင့် မျက်လုံးပျက်စီးခြင်းကို ကာကွယ်ပေးနိုင်ပါတယ်။ ခရမ်းလွန်ရောင်ခြည်မကြာခဏထိတွေ့ပါက အတွင်းတိမ်နဲ့ အမြင်အာရုံချို့ယွင်းခြင်းတွေဖြစ်နိုင်ပါတယ်။
ခရမ်းလွန်ရောင်ခြည် A နဲ့ B တွေကို 99% မှ 100% ထိ ကာကွယ်ပေးနိုင်ပြီး မျက်လုံးဘေးဘက်ထိပါ ကာပေးနိုင်တဲ့ မျက်မှန်မျိုးကိုရွေးချယ်ဝတ်ဆင်ပါ။ ထိုကဲ့သို့ ရောင်ခြည်တန်းတွေကို ကာပေးနိုင်တဲ့ မှန်ဘီးလူတွေဟာ ကားမောင်းစဉ် မျက်စိစူးခြင်းကိုလည်း သက်သာစေနိုင်ပါတယ်။
မျက်ကပ်မှန်တွေမှာ နေရောင်ခြည်ကာပေးနိုင်တဲ့ အမျိုးအစားရှိပေမယ့်လည်း အကောင်းဆုံးကတော့ နေကာမျက်မှန်ကို ထပ်မံဝတ်ဆင်ခြင်းဖြင့် ပိုမိုထိရောက်တဲ့ကာကွယ်မှုကိုရယူသင့်ပါတယ်။
4. လုပ်ငန်းခွင်တွင် အန္တရာယ်ကင်း မျက်လုံးအကာများ ဝတ်ဆင်ခြင်း
လုပ်ငန်းခွင်မှာဖြစ်ဖြစ်၊ အိမ်မှာဖြစ်ဖြစ် အန္တရာယ်ရှိတဲ့ပစ္စည်းတွေကို ကိုင်တွယ်အသုံးပြုရမည်ဆိုပါက မျက်လုံးအကာအကွယ်များကို မဖြစ်မနေဝတ်ဆင်သင့်ပါတယ်။
ရေခဲပြင်ဟော်ကီကစားနည်းကဲ့သို့ အားကစားများသည် မျက်လုံးကိုထိခိုက်ဒဏ်ရာရစေနိုင်တာကြောင့် မျက်လုံးအကာအကွယ်များ၊ ဦးထုပ်များ၊ မျက်နှာအကာအကွယ်အဖုံးများ စတာတွေကိုဝတ်ဆင်ပြီးမှ ကစားသင့်ပါတယ်။
5. ကွန်ပျူတာဖန်သားပြင်မှ ဝေးရာသို့ကြည့်ပေးခြင်း
ကွန်ပျူတာ (သို့) ဖုန်းမျက်နှာပြင်ကို အကြာကြီးစိုက်ကြည့်နေပါက -
- မျက်လုံးဒဏ်ရာရခြင်း
- အမြင်အာရုံဝေဝါးလာခြင်း
- အဝေးကို အာရုံစူးစိုက်ရာတွင်ပြဿနာဖြစ်လာခြင်း
- မျက်လုံးခြောက်ခြင်း
- ခေါင်းကိုက်ခြင်း
- လည်ပင်း၊ ကျောနဲ့ လက်မောင်းနာကျင်ခြင်းတို့ကို ခံစားရနိုင်ပါတယ်။
မျက်လုံးများကို ကာကွယ်ရန်မှာ -
- မျက်မှန် (သို့) မျက်ကပ်မှန်တွေဟာ မိမိမျက်လုံးရဲ့ပါဝါနဲ့ကိုက်ညီမှုရှိပြီး ကွန်ပျူတာမျက်နှာပြင်ကို ကြည့်လို့ကောင်းတာသေချာပါစေ။
- မျက်လုံးကိုက်တာမသက်သာပါက ဆရာဝန်နှင့် ပြသပါ။
- ကွန်ပျူတာမျက်နှာပြင်ရဲ့ အပေါ်ဆုံးထိပ်ဟာမျက်လုံးနဲ့တစ်တန်းတည်းရှိနေပါစေ။ သို့မှသာ မျက်နှာပြင်ကို အနည်းငယ်ငုံ့ကြည့်သယောင်ဖြစ်စေမှာဖြစ်ပါတယ်။
- သက်သောင့်သက်သာရှိပြီး ခန္ဓာကိုယ်ကို အထောက်အပံ့ပေးနိုင်မယ့် ကုလားထိုင်များကို ရွေးချယ်ပါ။ ခြေထောက်များကို ကြမ်းပြင်ပေါ် အပြားလိုက်ချထားနိုင်တဲ့အနေအထားဖြင့်သာထိုင်ပါ။
- မျက်စိများခြောက်သွေ့လာပါက မကြာခဏမျက်တောင်ခတ်ပေးပါ။
- မျက်လုံးများကို မိနစ် 20 တစ်ခါ အနားပေးပါ။ ပေ 20 ခန့်အကွာအဝေးကို စက္ကန့် 20 ခန့်ကြည့်ပေးပါ။ 2 နာရီကြာတစ်ခါထ၍ 15 မိနစ်ခန့် အားလပ်ချိန်ယူပါ
6. မျက်စိဆရာဝန်နဲ့ ပုံမှန်ပြသပါ
ကလေးငယ်တွေအပါအဝင် လူတိုင်းဟာ ပုံမှန်မျက်စိစစ်ဆေးခြင်းကို ပြုလုပ်သင့်ပါတယ်။ ဤကဲ့သို့လုပ်ဆောင်ခြင်းဟာ အမြင်အာရုံကိုကာကွယ်ပေးနိုင်ရုံသာမက ကြည်လင်ပြတ်သားသောမြင်ကွင်းကိုလည်း ပိုင်ဆိုင်စေမှာဖြစ်ပါတယ်။
မျက်စိစစ်ဆေးမှုခံယူခြင်းဖြင့် ဘာရောဂါလက္ခဏာမှမပြတတ်တဲ့ ရေတိမ်ကဲ့သို့ရောဂါမျိုးကိုရှာဖွေတွေ့ရှိနိုင်ပါတယ်။ ရောဂါကိုစောစီးစွာသိရှိပါက ကုသမှုခံယူရာမှာ ပိုမိုလွယ်ကူပါတယ်။
Dr. Thinzar Wynn
No comments:
Post a Comment