မျက်စိ၊ အမြင်အာရုံနှင့် မျက်မှန်ပါဝါ(၁) ။(၅/၇/၂၀၁၉ ရက်နေ့ထုတ်ရတနာပုံနေ့စဉ်သတင်းစာပါဆောင်းပါး)

မျက်စိဆိုသည်မှာ(Introduction to the eye)

မျက်စိစမ်းသပ်စစ်ဆေးခြင်း၊ တွေ့ရှိချက်များကို မှတ်တမ်းတင်ခြင်း  ပြဿနာများကို သုံးသပ် အဖြေ ရှာခြင်း၊ မိမိထက် ပို၍ကျွမ်းကျင်သော ပညာရှင်များထံသို့ ပေးပို့စေလွှတ်၍  ဆက်လက်ကုသ မှုခံ ယူစေခြင်း၊ စသည်တို့ ကို ဆောင်ရွက်ရာ၌ ထိရောက်မှု ရှိစေရန်အတွက် မျက်စိ၏အင်္ဂါအစိတ် အပိုင်းများ (Anatomy of the eye)ကို အခေါ်အဝေါ်နှင့်တကွ တိတိကျကျ သိရှိရန် အရေးကြီးပါ သည်။ ဤအခန်း ၌ မျက်စိအင်္ဂါအစိတ် အပိုင်းများနှင့် ၎င်းတို့၏ အခေါ်အဝေါ်များအပြင် လုပ်ငန်း ဆောင်ရွက်ပုံများ ကို လည်း ဖော်ပြထားပါသည်။

              ကမ္ဘာနှင့်အ၀ှမ်းရှိ နိုင်ငံအသီးသီး လူမျိုးအသီးသီးတို့၏ အရောင်အသွေး အရွယ်အစား ပုံသဏ္ဍန်အားဖြင့် မတူညီကြသော မျက်စိအမျိုးမျိုးကို တွေ့ဘူးမြင်ဘူးကြမည် ဖြစ်ပါသည်။အသွေး အရောင် ပုံသဏ္ဍန် အားဖြင့် မည်သို့ပင် ကွဲပြားခြားနားစေကာမူ မျက်စိအသုံးပြုမှု အပိုင်းတွင်မူ တူညီ ကြသည်ကို တွေ့ကြရမည် ဖြစ်၏။ ဥပမာအားဖြင့်- စာရေးစာဖတ်ခြင်း၊ ရုပ်ရှင် တယ်လီဗေးရှင်းများ ကြည့်ရှုခြင်း နှင့် စက်ဘီး မော်တော်ဆိုင်ကယ်မှစ၍ ယာဉ်အမျိုးမျိုးကို မောင်းနှင်ခြင်း၊ စသည်တို့ ဖြစ်၏။ အမြင်အာရုံ မကြည် လင်ခြင်း၊ မျက်စိနီခြင်း၊ မျက်စိနာခြင်းမျိုးနှင့် မျက်စိ၏ အစိတ်အပိုင်းတခုခု ချို့ ယွင်း အားနည်းချက် ဖြစ်ပေါ် တတ်ခြင်းများတွင်လည်း တူညီကြလေသည်။

          ဤနေရာ၌ အရေးကြီးသည်မှာ မျက်စိအင်္ဂါအစိတ်အပိုင်း အသီး သီး၏ ပုံမှန်လုပ်ဆောင် ချက် များ နှင့် အကျိုးသက်ရောက်မှုများကို သိထားရန်ပင်ဖြစ် ပါသည်။ထိုကဲ့သို့သိမှသာလျှင် တစုံတ ယောက်၏ မျက်စိ၌ ဖြစ် ပေါ်နေသော အကောင်းအဆိုး လက္ခဏာများနှင့် ဖောက်ပြန်မှုများကို သိနိုင် ပြီး မည်ကဲ့သို့ ဆောင်ရွက်ပေးသင့်သည်ကို မှန်ကန်စွာ ဆုံးဖြတ် နိုင်မည်ဖြစ်ပါသည်။

မျက်စိကို လေ့လာမည်ဆိုလျင်……

          မျက်စိ၏ အချို့သောအစိတ်အပိုင်းများသည် သာမန်မျက်စိဖြင့် ကြည့်ရုံနှင့် သိနိုင်သော်လည်း မျက်စိ၏ အတွင်းပိုင်းတွင်ရှိသော အချို့ အင်္ဂါအစိတ်အပိုင်းများမှာမူ မျက်စိကိုစမ်းသပ်စစ်ဆေးကြည့် ရှု ရန် အထူးပြုလုပ်ထားသော ကရိယာ(Special instrument)များဖြင့် ကြည့်ရှုမှသာ မြင်တွေ့နိုင်မည် ဖြစ်ပါ သည်။ 

          ဤအခန်းတွင် Special instruments များကို အသုံးမပြုဘဲ ဆေးခန်းသုံးလက်နှိပ် ဓါတ်မီး ငယ်ကို သုံး၍ သာမန်မျက်စိဖြင့် သိနိုင်မြင်နိုင် သော  အင်္ဂါအစိတ်အပိုင်းများကိုသာမက အခြား သိသင့် သိထိုက်သော  အင်္ဂါအစိတ်အပိုင်းများနှင် ၎င်းတိ်ု့ ၏ လုပ်ဆောင်ချက်များကိုပါ လက်လှမ်း မီသရွေ့ ရေးသားဖော်ပြ သွားပါမည်။ သို့မှသာ  ကြုံတွေ့ရသော မျက်စိပြဿနာများ၏ အတိမ် အနက်ကို သိမြင်ပြီး မည်သို့ဆက်လက်ဆောင်ရွက်သင့် သည်ကို မှန်ကန်စွာဆုံး ဖြတ်နိုင်မည် ဖြစ်ပါသည်။                                                     

အသုံးများသော မျက်စိဝေါဟာရများ

                                                                                                                                      Sclera စကယ်လာ မျက်ဖြူလွှာ။                                                                                                                   Iris အိုင်းရစ် - မျက်နက်ဝန်း။                                                                                                                     Cornea ကော်နီယာ - မျက်ကြည်လွှာ။                                                                                                               Pupil ပျူပယ်- မျက်စိသူငယ်အိမ်။                                                                                                                     Lens လန်းစ်- မျက်တွင်းမှန်ဘီလူး။                                                                              Conjunctiva ကွန်ဂျန်တေဘာ - မျက်မြှေးလွှာ။                                                                        Vitreous ဗစ်ထရီးယပ်- မျက်စိနောက်ခန်းအတွင်း အပြည့်ရှိနေသည့် အလင်းတန်း ဖြတ်သန်း ၀င်ရောက်နိုင်သည့် အရည်ပျစ်။                                                                                                                                         Choroid ကိုးရွိုက် - မျက်စိ၏အလယ်လွှာ။                                                                               Optic nerve အော့ဗ်တစ်နာ့ဗ်- မျက်စိအာရုံကြော။                                                             Retina ရက်တီနာ- မြင်လွှာ။                                                                                        Macular မက်ကျူလာ- မြင်လွှာ(Retina)၏အလယ်ဗဟို။

 ဆေးပညာသုံး နေရာပြပုဒ်များ(Anatomical term of location)

-Anterior   အင်တီိးရီးယား (ရှေ့ဖက်အပိုင်း)= infront of(e.g-the cornea is anterior to the iris).                                                                                                                   -Posterior   ပို့စ်တီးရီးယား (နောက်ဖက်အပိုင်း)= Behind (e.g- the retina is posterior to the crystalline lens).                                                                                                           -Superior  ဆူပီးရီးယား (အထက်ဖက်အပိုင်း)= above (e.g-the eyebrow is superior of the eye).                                                                                                                                    -Inferior အင်ဖီးရီးယား (အောက်ဖက်အပိုင်း)= Below (e.g-the mouth is inferior to the eye).  -Nasal နေဇယ် (နှာခေါင်းဖက်အပိုင်း/နား၏ဆန့်ကျင်ဖက်)=Closer to the nose further away from the ear).                                                                                                                  -Temporal (နားဖက်အပိုင်း/နှာခေါင်း၏ဆန့်ကျင်ဖက်)=Further away from the nose;closer to the ear.

အင်္ဂါအစိတ်အပိုင်းများ၏သဘောသဘာဝ

(၁)မျက်ခွံရိုး(Orbit)       

             မျက်စိကိုအုပ်ငုံလျက် အပြည့်အ၀ အကာအကွယ်ပေး ထား သော အစိတ်အပိုင်းသည် မျက်ခွံ ရိုး ဖြစ်သည်။မျက်ခွံရိုးသည် ဦးခေါင်းခွံ၏ ရှေ့မျက်နှာစာပိုင်းတွင် အစုံလိုက်ရှိပြီး မျက်လုံးနှင့် ၎င်း၏ ပြင်ပအင်္ဂါ အစိတ်အပိုင်းများ ၀င်ဆံ့နိုင်သော အခေါင်းအိမ်ဖြစ်ပါသည်။

(၂)မျက်ရည်အလွှာ(Tear film)

          မျက်ကြည်လွှာအပါအ၀င် မျက်စိ၏အပေါ်ယံ၌ ဖုံးလွှမ်းလျက်ရှိ သော အရည်အလွှာပါးသည် မျက်ရည်အလွှာပါးဖြစ်ပါသည်။ မျက်စိ၏ အပြင်ဖက်ရှိ အင်္ဂါအစိတ်အပိုင်းများ အစဉ်အမြဲစိုစွတ်လျက် ချောမွေ့နေစေ ရန် ဖန်တီးထားပြီး ရောဂါပိုးများ ၀င်ရောက်မှုများကိုလည်း ကာကွယ်ပေး ပါသည်။ ထို့ပြင် မျက်ကြည်လွှာ အတွက်လိုအပ်သော အာဟာရဖြည့်တင်း မှုကိုလည်း ဆောင်ရွက်ပေးပါသည်။

မျက်ကြည်လွှာသည် လိုအပ်သောအာဟာရ ပြည့်ဝနေမှသာလျှင် ချောမွေ့တောက်ပ ကြည် လင် လျက် ရှိနေမည်ဖြစ်ပြီး ပုံရိပ်အလင်းတန်း များကိုလည်း ကောင်းမွန်စွာ ဖြတ်သန်းဝင်ရောက်စေ နိုင်မည် ဖြစ်ပါသည်။ အမှန်စင်စစ် မျက်ရည်အလွှာတွင် အလွှာသုံးလွှာရှိပြီး အဆီပြင်အလွှာပါး (Oil layer)သည် အပေါ်ဆုံးလွှာ ဖြစ်၏၊အထူဆုံး အလယ်လွှာသည် အရည်အလွှာ(Water layer)  ဖြစ်ပြီး မျက်လုံး မျက်ခွံ တို့နှင့် တိုက်ရိုက်ထိ စပ်နေသော အောက်ဆုံးအလွှာသည် ချွဲပြစ်လွှာ(Mucous layer)ဖြစ် ပါသည်။

(၃)မျက်ဖြူလွှာ(Sclera)

    ပုံတွင်မြင်ရသည့်အတိုင်း မျက်စိ၏အပြင်ဖက်ဆုံး အပေါ်ယံအလွှာ သည် မျက်ဖြူလွှာ(sclera) ဖြစ် ပါသည်။မျက်ဖြူလွှာသည် အမည်နှင့်လိုက် ဖက်စွာပင် အရောင်အသွေးမှာ အဖြူရောင်ဖြစ်၏။ မျက်လုံး အား အပြင်ဖက်ဆုံးအလွှာအဖြစ် အုပ်ငုံလျက် ကာကွယ်ပေးထားပြီး ခိုင်ခန့်မှုရှိပါသည်။ရာဘာသား ဆန် ဆန် ဖွဲ့စည်းမှုရှိပါသည်။မျက်စိလှုပ်ရှားမှုကို ထိမ်းချုပ်ပေးသော မျက်စိကြွက်သား (၆)ချောင်း (Extraocular muscles)နှင့် တိုက်ရိုက်တွဲဆက်လျက်ရှိပြီး မျက်စိနှင့် ဦးနှောက်ကို ဆက်သွယ်ထား သော မျက်စိအာရုံ ကြော(Optic nerve)နှင့်လည်း ချိတ်ဆက်လျက် ရှိပါသည်။ 

  

(၄)မျက်ကြည်လွှာ(Cornea)

ပုံတွင်မြင်ရသည့်အတိုင်း မျက်စိ၏အရှေ့ဖက် အလယ်ဗဟိုရှိ ကြည်လင်သန့်ရှင်းသော ဧရိယာ သည် မျက်ကြည်လွှာ(Cornea) ဖြစ်ပါသည်။ မျက်ကြည်လွှာ(cornea)သည် မျက်ဖြုလွှာ(sclera) ကဲ့ သို့ အဖြူရောင် အလင်းပိတ် အမျိုးအစားမဟုတ်ဘဲ အလင်းဖြတ်သန်းဝင်ရောက် နိုင်သည့် မှန်ကဲ့သို့ ကြည် လင်နေသည့် မျက်ဖြူလွှာထက်ပို၍ နူးညံ့သော အစိတ်အပိုင်းဖြစ်ပါသည်။

        ကြည်လင်တောက်ပလျက် သန့်ရှင်းမှုရှိနေရန် လိုအပ်ပြီး ထို အခြေအနေမျိုး ရှိနေမှသာလျှင် မျက်စိအတွင်းသို့ ပုံရိပ်အလင်းတန်း ဖြတ်သန်းဝင် ရောက်မှု ကောင်းမွန်မှန်ကန်စေမည် ဖြစ်ပါသည်။ အမြင် အာရုံကိုလည်း ကြည်လင်စေမည် ဖြစ်ပါသည်။

        မျက်ကြည်လွှာသည် ၀.၅ မီလီမီတာ အထူမျှသာရှိ၍ ပါးလွှာသည် ဟု ဆိုနိုင်သော်လည်း ထိုက် သင့်သလောက် ကြံ့ခိုင်မှုတော့ရှိပါသည်။ မျက်စိကို တစိတ်တပိုင်းအားဖြင့် အကာအကွယ်ပေး ထားသော အစိတ်အပိုင်းလည်း ဖြစ်ပါသည်။မျက်ကြည်လွှာတွင် ဦးနှောက်နှင့် ဆက်သွယ်လျက်ရှိ သည့် အာရုံကြောများ ပါဝင်ဖွဲ့စည်းလျက်ရှိသောကြောင့် မျက်ကြည်လွှာကို ထိခိုက်မိလျှင် အလွန် နာကျင်သောဝေဒနာကို ခံစားရ၏။ ဥပမာအားဖြင့်-မျက်ကြည်လွှာ၌ အစအန၀င်ခြင်း (corneal foreign body)နှင့် မျက်ကြည်လွှာ၌ ပွန်းရှဒဏ်ရာရခြင်း(corneal abrasion)များ ဖြစ်လျှင် အလွန် နာကျင်စွာ ခံစားရခြင်းမျိုးဖြစ်ပါသည်။

        ထို့ပြင်ဝင်ရောက်လာသော ပုံရိပ်အလင်းတန်းများကို ကြည်လင်ပြတ်သားသော အမြင်အာရုံ ရရှိစေရန် ချိန်ဆပေးရာ၌ အထောက်အကူပြုပြီး မျက်စိ၏ အမြင်အာရုံစုစုပေါင်းချိန်ဆမှု၏ သုံးပုံနှစ်ပုံ ခန့်ကို မျက်ကြည်လွှာက ဆောင်ရွက်ပေးပါသည်။သို့ဖြစ်ရာ မျက်ကြည်လွှာ(cornea)သည် မျက် စိကို အကာ အကွယ်ပေးခြင်း အလင်းတန်းများ ၀င်ရောက်စေခြင်း နှင့် အမြင်ကြည်လင်အောင် ဆောင်ရွက် ပေးခြင်း စသည့်လုပ်ငန်းဆောင် တာတို့ကို လုပ်ဆောင်ကြောင်း မှတ်သားကြရပါမည်။

(၅)မျက်မြှေးလွှာ(Conjunctiva)

မျက်မြှေးလွှာသည် ကြည်လင်ပါးလွှာသော အမြှေးပါးအလွှာတမျိုးဖြစ်ပြီး မျက်ဖြူလွှာ (Sclera)၏ အပေါ်ယံတွင် ဖုံးအုပ်လျှက်ရှိသည့်အပြင် အထက်အောက် မျက်ခွံတို့၏ အတွင်းဖက် အပေါ်ယံတွင်လည်း ဖုံးအုပ်လျက်ရှိ၏။ မျက်စိကျမ်းမာရေးနှင့် ပြည့်စုံကောင်းမွန်သော အခြေအနေ၌ ကြည်လင်သော မျက်မြှေးလွှာ(Conjunctiva)ကို ဖြတ်သန်းလျက် အောက်ဖက်၌ ကပ်လျက်ရှိသော မျက်ဖြူလွှာ၏ ဖြူစင်သော အရောင်အသွေးကို သိသာထင်ရှားစွာ မြင်ကြရမည် ဖြစ်ပါသည်။ထို့ပြင် သေးငယ်သော သွေးကြောမျှင်လေး များကိုလည်း မျက်မြှေးလွှာတွင် တွေ့ကြရ မည်ဖြစ်ပါသည်။                             

မျက်မြှေးလွှာ(conjunctiva)တွင် အမျိုးအစားအားဖြင့် နှစ်မျိုးရှိ ကြောင်း တွေ့ရပါသည်။

(က)မျက်လုံးနှင့်ဆိုင်သော မျက်မြှေးလွှာ(Bulber conjunctiva)

          မျက်စိ၏ရှေ့ပိုင်း မျက်ဖြူလွှာပေါ်တွင် ဖုံးလွှမ်းလျက်ရှိသော မျက်မြှေးလွှာဖြစ်ပါသည်။၎င်းသည် မျက်ဖြူ လွှာအပေါ်၌သာရှိပြီး မျက်ကြည်လွှာအပေါ်၌ ဖုံးလွှမ်းလျက် မရှိပါ။

(ခ)မျက်ခွံနှင့်ဆိုင်သော မျက်မြှေးလွှာ(Palpebral conjunctiva)

အထက်အောက် မျက်ခွံနှစ်ခု၏ အတွင်းဖက်အပေါ်ယံတွင် ဖုံးလွှမ်းလျက်ရှိသော မျက်မြှေးလွှာ ဖြစ်ပါသည်။၎င်းကို မျက်ခွံ၏မျက်မြှေးလွှာ (Conjunctiva of the eyelid)ဟုလည်းခေါ်ပါသည်။ ပါး လွှာကြည်လင်လျက်ရှိသည့် မျက်မြှေးလွှာ ဖုံးအုပ်ထားသော အတွင်းဖက် မျက်ခွံတို့သည် ပန်းသွေး ရောင်ကို ဆောင်လျက်ရှိသည်ကို တွေ့ကြရပါမည်။

မျက်လုံးကိုဖုံးလွှမ်းထားသော မျက်မြှေးလွှာ(bulber conjunct iva)နှင့် အထက်အောက်မျက်ခွံ တို့၏ အတွင်းဖက်ကို ဖုံးလွှမ်း ထားသော မျက်မြှေးလွှာ (palpebral conjunctiva)တို့တွေ့ဆုံရာ နေရာ ၌ အိတ်ပုံသဏ္ဍန်ချိုင့်ခွက်ငယ်သည် မြောင်းသဖွယ်ရှိနေပါသည်။ ၎င်းချိုင့်ခွက်ငယ်သည် အကာအရံ သဖွယ် ဖြစ်နေပြီး မျက်လုံး၏ အနောက်ဖက်သို့ ဖုံသဲ အစအနများနှင့်  အမှုန်အမွှားများ ၀င်ရောက်မှု မရှိစေရန် ကာကွယ်ပေး ထားပါသည်။ထိုနေရာကို အထက်မျက်ခွံအပိုင်း၌ အပေါ်ပိုင်းအရံအတား (Upper fornix)ဟုခေါ် ပြီး အောက်မျက်ခွံအပိုင်း၌ အောက်ပိုင်း အရံအတား(inferior fornix)ဟု ခေါ်ပါသည်။

          မျက်မြှေးလွှာ(conjunctiva)သည် ကြည်လင်နေရာမှ နီရဲလာသည်ကို တွေ့ရလျှင် ပြဿနာတခုခု ဖြစ်နေပြီဟု သိရပါမည်။ နီရဲလာရခြင်း၏ အကြောင်းရင်းမှာ မျက်မြှေးလွှာရှိ သွေး ကြောမျှင်ကလေးများသည် သာမန်ထက် ပိုမိုကြီးထွားလာသောကြောင့် ဖြစ်ပါသည်။သို့ရာတွင် Conjunctiva ရှိ မျက်စိအာရုံကြောများသည် Cornea ရှိ အာရုံကြောများလောက် မများသဖြင့် နာကျင် မှု ဝေဒနာကို Cornea ၌ထိ ခိုက်မိသကဲ့သို့ ပြင်းထန်စွာ ခံစားရခြင်းမျိုးမရှိပါ။ သာမန် နာကျင်မှုမျိုးသာ ခံစား ရပါသည်။

          သို့ဖြစ်ရာ Conjunctiva (မျက်မြှေးလွှာ)သည် မျက်စိတွင်းသို့ ဖုံသဲ အမှိုက်သရိုက် အစအနများ နှင့် ရောဂါပိုးများ ၀င်ရောက်ခြင်းမှ ကာကွယ် ပေးသော မျက်စိကျမ်းမာရေးအတွက် အထောက်အကူပြုသည့် အရေးကြီး သော အင်္ဂါအစိတ်အပိုင်းတခု ဖြစ်ပါသည်။

(ICEE – International Centre For Eyecare  Education,Refractive Error Training Package, Student Manual ကို မှီငြမ်းပါသည်)  

                                               

ပြည့်အောင်(COA)                                                                                       

အက်စတစ်မက်တစ်ဇင်ခေါ် ဆလင်ဒါပါဝါနှစ်မျိုး။(၂၈/၆/၁၉ ရက်နေ့ထုတ်ရတနာပုံ နေ့စဉ် သတင်းစာပါဆောင်း ပါး)

မျက်စိမှုန်ခြင်းအမျိုးအစားများတွင် အက်စတစ်မက်တစ်ဇင် (astigmatism)ရှိလျှင် ဆလင်ဒါ ပါဝါ မျက်မှန်တပ်ပါက မြင်နိုင်သည်ကို အများအားဖြင့် သိကြပြီးဖြစ်သည်ဟုထင်ပါသည်။ သို့သော် လည်း ဆလင်ဒါပါဝါမျက်မှန်တပ်ခြင်းဖြင့် အမြင်အာရုံတိုးတက်မှုမရှိသည့် အက်စတစ်မက်တစ်ဇင် အမျိုးအစားလည်းရှိသည်ကို ရေးသားလိုပါ သည်။အက်စတစ်မက်တစ်ဇင်(astigmatism)(ခေါ်) ဆလင်ဒါ ပါဝါသည် မျက်ကြည်လွှာအခုံးမညီခြင်း၊ပုံသဏ္ဍန်မမှန်ခြင်းများကြောင့် ဖြစ်သော ဆလင်ဒါ ပါဝါ (corneal astigmatism)၊ မျက်စိတွင်းမှန်ဘီလူး အခုံးမညီခြင်းနှင့် ပုံသဏ္ဍန် မမှန်ခြင်းကြောင့်ဖြစ် သော ဆလင်ဒါပါဝါ (lenticular astigmatism)နှင့် ၄င်းနှစ်မျိုးလုံးကြောင့်ဖြစ် သော ဆလင်ဒါပါဝါ (corneal lenticular astigmatism) ဟူ၍ ရှိပါသည်။ မျက်စိတွင် ကြည်လင်သော အမြင်ကိုရရှိစေ သော အကြောင်းရင်းမှာ မျက်စိတွင်းသို့ ဝင်ရောက်လာသော ပုံရိပ်အလင်းတန်းများသည် မျက်ကြည် လွှာ၊ မျက်စိတွင်းမှန်ဘီလူး တို့ကိုဖြတ်သန်းလျှက် အလင်းတန်းဖြတ်သန်းရာလမ်းကြောင်း(meridian) တလျှောက် တခုတည်းသော အလင်းတန်း ကိုဖြစ်ပေါ်စေပြီး မြင်လွှာတွင် တခု တည်းသော ဆုံမှတ်ကို ကျရောက်စေသော ကြောင့် ဖြစ်ပါသည်။
အလင်းတန်းဖြတ်သန်းရာ လမ်းကြောင်း (meridian)တွင် ရှိသောမျက် ကြည်လွှာနှင့် မျက်စိ တွင်း မှန်ဘီးလူးတို့၏ ပုံသဏ္ဍန်များမမှန်သောအခါတွင် တခုထက်ပိုသော ပုံမမှန် အလင်းတန်းများကို ပေါ်ပေါက်စေပြီး၊မြင်လွှာပေါ်တွင် တခုထက်ပိုသော ဆုံမှတ်များဖြစ်လာသောကြောင့် အမြင် အာရုံကို မှုန်ဝါးစေ ခြင်းဖြစ်ပါသည်။ (၁၆/၉/၁၈ ရက်နေ့ထုတ် ရတနာပုံနေ့စဉ်သတင်းစာပါ သိမှတ်ဖွယ်ရာ ဆ လင်ဒါပါဝါ ဆောင်းပါးကိုလည်းရှု)

မျက်စိပညာရပ်ဆိုင်ရာ အခေါ်အဝေါ်အားဖြင့် အက်စတစ်မက်တစ်ဇင် (Astigmatism)သည် အခြားသော မျက်စိမှုန်ခြင်းများဖြစ်သော အမြင် အလျားတိုသောကြောင့် အဝေးမှုန်ခြင်း (Myopia)နှင့် အမြင်အလျား ရှည်သောကြောင့် အဝေးမှုန်ခြင်း(Hyperopia)တို့နှင့်လည်း တွဲ၍ တွေ့ရတတ်ပါသည်။

ရိုးရိုးအက်စတစ်မက်တစ်ဇင်(Regular astigmatism) နှင့် မူမမှန်အက် စတစ်မက်တစ်ဇင်(Irregular Astigmatism)
မျက်စိကုသမှုဆိုင်ရာအချက်အလက်များနှင့် ထူးခြားသော လက္ခဏာရပ်များ၊ မျက်စိ၏ အင်္ဂါ အစိတ် အပိုင်းများ နှင့် ၄င်းတို့၏ လုပ်ဆောင်ချက်များအပေါ်မူတည်၍ အက်စတစ်မက်တစ် ဇင်ခေါ် ဆလင်ဒါ ပါဝါကို ရိုးရိုးဆလင်ဒါပါဝါနှင့် မူမမှန်ဆလင်ဒါပါဝါဟူ၍ နှစ်မျိုးခွဲခြားထားကြပါသည်။
ထိုသို့ခွဲခြားရာတွင် အဓိကအားဖြင့် မျက်ကြည်လွှာ၏ အလယ်တွင် ရှိသော အခုံးထိပ်တည့် တည့်မှ မျက်စိသူငယ်အိမ်ကိုဖြတ်လျှက် မြင်လွှာ အထိရောက်သော ပုံရိပ်အလင်းတန်း ဝင်ရောက် ရာလမ်းကြောင်းတေ လျှာက်(မျက်စိရှေ့ခန်းနှင့်မျက်စိနောက်ခန်းနှစ်ခုစလုံး- both anterior and posterior) ရှိ အမြင်လမ်းကြောင်း(Meridian of the eye)၏ အခြေအနေကိုကြည့်၍ ဆုံးဖြတ်ကြသည် ကိုတွေ့ရပါသည်။ မျက်ကြည် လွှာကိုဖြတ်သန်းလျှက် ပုံရိပ်အလင်းတန်းများ ထောင်လိုက်ဝင်ရောက် လာ သော အမြင်လမ်းကြောင်းသည် ရိုးရိုးဆလင်ဒါပါဝါနှင့် မူမမှန် ဆလင်ဒါပါဝါတို့ကို ကွဲပြားစေပါသည်။

ရိုးရိုးအက်စတစ်မက်တစ်ဇင်( Regular astigmatism)

မျက်ကြည်လွှာနှင့်မျက်စိတွင်းမှန်ဘီလူးတို့အခုံးမညီခြင်းကြောင့် ဖြစ်သော အက်စတစ်မက် တစ်ဇင်(ဆလင်ဒါပါဝါ)သည် ရိုးရိုး ဆလင်ဒါပါဝါဖြစ်ပါသည်။ ရိုးရိုးဆလင်ဒါပါဝါတွင် အောက်ပါအတိုင်း အမျိုးအစား(၃)မျိုး ရှိသည်ကိုတွေ့နိုင်ပါသည်။
(၁) လားရာတူ အလင်းပြန်လျှက် မျက်စိအမြင်လမ်းကြောင်း(meridian )အတွင်းသို့ ထောင်လိုက် (vertical ,90ံ) အလင်းတန်းများအဖြစ် ဝင်ရောက်လာသော အက်စတစ်မက်တစ်ဇင်။ဤအမျိုး အစားကို များသောအားဖြင့် ကလေးများတွင်တွေ့ရတတ်ပါသည်။
(၂) ဆန့်ကျင်ဖက်အလင်းပြန်လျှက် မျက်စိအမြင်လမ်းကြောင်း အတွင်း သို့ ကန့်လန့်ဖြတ် (horizontal – 180)အလင်းတန်းများ အဖြစ် ဝင်ရောက်လာသော အက်စတစ်မက်တစ်ဇင်။ ဤအမျိုးအစားကို လူကြီးများတွင် အများအားဖြင့် တွေ့ရတတ်ပါသည်။
(၃) ထောင်လိုက်(vertical ,90ံ)၊ကန့်လန့်ဖြတ်(horizontal – 180ံ) တို့မှသွေဖည်လျှက် မျက်စိ အမြင်လမ်းကြောင်းအတွင်းသို့ အမျိုးမျိုး အစားစားသော လမ်းကြောင်းများ(30ံ-60ံ,120ံ-150ံ
စသည်)ဖြင့် ပုံရိပ်အလင်းတန်း များဝင်ရောက်လာသော အက်စတစ် မက်တစ်ဇင်၊ ဤအမျိုးအစား သည် မျက်လုံး (Eye ball) ပုံသဏ္ဍန် မမှန်သောကြောင့် ဖြစ်သော အက်စတစ်မက် တစ်ဇင်ဖြစ်ပါ သည်။ (ဥပမာ-မျက်လုံး၏ပုံသဏ္ဍန်သည် ညီညာစွာလုံးဝန်း၍ မနေဘဲ မသိမသာ ရှည်မျောမျော ဖြစ်နေခြင်း)
ရိုးရိုးအက်စတစ်မက်တစ်ဇင်ရှိသူကိုကုစားခြင်း
သတ်မှတ်စံချိန်စံညွှန်းနှင့်ညီညွတ်သော ဆလင်ဒါပါဝါမျက်မှန်ကို တပ်ဆင်စေခြင်းသည် ရိုးရိုး အက်စတစ်မက်တစ်ဇင်ရှိသူကိုကုစားသော အသုံးများသည့်နည်းဖြစ်ပါသည်။ပါဝါနိမ့်သော အက်စတစ် မက်တစ်ဇင် ရှိသူများကို မျက်ကြည်လွှာ၏ပုံသဏ္ဍန်ကိုပြုပြင်ပေးသော ငွေ့ရည်စိမ့် ဝင်ဖြတ်သန်းဝင် ရောက် နိုင်သည့် မျက်ကပ်မှန်(Soft or rigid gas permeable (RGP) contact lense) ကိုတပ်ဆင် စေခြင်းဖြင့် လည်း ကုစားနိုင်ပါသည်။ ထိုမျက်ကပ်မှန်ကိုတပ်ဆင်ခြင်းဖြင့် မျက်ကြည်လွှာ သည် မျက် ကပ်မှန်တပ်ထားသောအချိန်တွင် ပုံမှန် အတိုင်းပြန်ြ ဖစ်သွားပြီး ကြည်လင်ပြတ် သားသော အမြင်ကိုရရှိ စေမည်ဖြစ်ပါသည်။

မူမမှန်အက်စတစ်မက်တစ်ဇင်(Irregular Astigmatism)

မျက်ကြည်လွှာနှင့်မျက်စိသူငယ်အိမ်တို့ပါဝင်သော အမြင် လမ်းကြောင်းတလျှောက် ဖြတ်သန်း လာသော အလင်းတန်းများသည် ရိုးရိုးအက်စတစ်မက်တစ်ဇင်၏ ထောင်လိုက်(vertical ,90ံ)၊ကန့် လန့်ဖြတ်(horizontal – 180) အနေအထားတို့မှသွေဖည်လျှက် (30ံ-60ံ,120ံ-150 , စသည်ဖြင့် လည်းမဟုတ်မူဘဲ ခန့်မှန်းရခက်ခဲသော) မူမမှန်သောယိုင်ဒေါင့်အမျိုးမျိုး နှင့် အလင်းတန်း အမျိုးမျိူး ကိုဖြစ်စေေ သာကြောင့် အမြင်အာရုံဝေဝါးစေခြင်းကို မူမမှန်အက်စတစ်မက် တစ်ဇင်(Irregular Astigmatism) ဟုခေါ်ပါ သည်။
မျက်ကြည်လွှာတွင် အနာ ဒဏ်ရာရှိခြင်း၊အတွင်းတိမ်ရှိခြင်း၊ မျက်သားတက်ခြင်း၊မျက်ရည် ခမ်း ခြောက်ခြင်း စသည့်ဖြင့် ဆေးဝါး ကုသမှုနှင့် ခွဲစိတ်ကုသရန်လိုအပ်သော မျက်စိရောဂါ တစ်မျိုးမျိုး ကြောင့် မူမမှန်အက်စတစ်မက်တစ်ဇင်(Irregular Astigmatism) များဖြစ်ပွားရပါ သည်။တနည်းအား ဖြင့် ထိုထို သောမျက်စိရောဂါတမျိုးမျိုးရှိသူများတွင် မူမမှန်ဆလင်ဒါပါဝါရှိတတ်ပါသည်။

မူမမှန်အက်စတစ်မက်တစ်ဇင်ရှိသူကိုကုစားခြင်း

မူမမှန်အက်စတစ်မက်တစ်ဇင် ရှိသောသူအား အမြင်အာရုံတိုး တက်လာစေရန်မှာ ဆလင်ဒါပါ ဝါမျက်မှန်တပ်စေခြင်းဖြင့် ဖြစ်နိုင် မည်မဟုတ်ပေ။ ထိုမျက်စိရောဂါများကို ပျောက်ကင်းအောင် မျက် စဉ်း သို့မဟုတ် ဆေးဝါးဖြင့်ကုသခြင်း သို့မဟုတ် ခွဲစိတ်ကုသခြင်းပြုပြီး မှ သာလျှင် မျက်စိရောဂါလည်း ပျောက် အက်စတစ်မက်တစ်ဇင်လည်း ပျောက်မည်ဖြစ်ပါသည်။
ဥပမာအားဖြင့် မျက်ဖြူလွှာပေါ်တွင် မူမမှန်တစ်ရှုးများ ပွားများလာရာ မှတဆင့် မျက်ကြည်လွှာ ဧရိယာ အတွင်းဝင်ရောက်လာပြီး၊မျက်ကြည် လွှာ၏ ပုံသဏ္ဍန်ကို ပျက်ယွင်းစေသည့် မျက်သား တက်ခြင်း တွင်၊မျက် သားများကိုခြစ်ထုတ်ဖယ် ရှား ခြင်း၊ထပ်မံမဖြစ်ပွားအောင်တားဆီးခြင်း များကိုပြုလုပ်ပြီးမှ သာလျှင် မျက်ကြည်လွှာသည် မူလပုံသဏ္ဍန် သို့ ပြန် လည်ရောက်ရှိ မည်ဖြစ်ပါသည်။မျက်ကြည်လွှာ ပုံသဏ္ဍန်မမှန်သောကြောင့်ဖြစ်သည့် အက်စတစ် မက်တစ်ဇင်လည်းပျောက်ကွယ် သွားမည်ဖြစ်ပါ သည်။
သို့ဖြစ်ရာ အက်စတစ်မက်တစ်ဇင်ခေါ် ဆလင်ဒါပါဝါအမျိုးအစားနှစ် မျိုးရှိပြီး တစ်မျိုးနှင့်တမျိုး ကုစားပုံခြင်း တူညီမှုမရှိကြောင်း မျက်စိ ကျန်းမာရေးဗဟုသုတအလို့ငှာ ရေးသားလိုက်ရပါသည်။

https://www.news-medical.net/…/Astigmatism-Types-Regular-an…, တွင် Afsaneh Khetrapal BSc (Hons)ရေးသားသောAstigmatism Types - Regular and Irregular ကိုမှီငြမ်းပါသည်။

ပြည့်အောင်(COA)

မျက်စိခွဲစိတ်ခန်းအတွင်းဝယ် ….. ။ ပြည့်အောင်(COA) (၃/၆/၂၀၁၉ ရက်နေ့ထုတ် ရတနာပုံနေ့စဉ်သတင်းစာပါဆောင်းပါး)

          ခွဲစိတ်ခန်းဟူသောအမည်ကိုကြားသည်နှင့် အနိဋ္ဌာရုံနေရာတခ၊ု စိုးရိမ်ထိတ်လန့်ဖွယ် ကောင်းသော နေရာတခုအဖြစ် တွေးထင်ခံစားလိုက်ကြသည်သာဖြစ်၏၊ခွဲစိတ်ခန်းတွင်းသို့မရောက် ဖူးသော်လည်း၊အတွေးဖြင့်ပင် ကြောက်စိတ်ဝင်ကြသည်။အချို့သောသူများဆိုလျှင် ခွဲစိတ်ကုသမှုခံ ယူရန်ခွဲစိတ်ခန်းအတွင်းသို့ မရောက်မီကြိုတင်ပြင်ဆင်မှု(Preoperation) ပြုနေစဉ်မှာပင် အလွန် အမင်းစိတ်လှုပ်ရှားမှုကြောင့် ခြေလက်များတုန်ယင်လာခြင်း၊ချွေးထွက်လွန်ခြင်း၊နှလုံးခုံနှုန်းမြန် လာခြင်း၊သွေးတိုးရောဂါမရှိပါဘဲလျှက် သွေးတိုးခြင်းများ ဖြစ်ပေါ်လာတတ်သည်ကိုတွေ့ရပါသည်။ ထိုသို့ဖြစ်လျှင် ခွဲစိတ်ရန်ရက်ရွှေ့ဆိုင်း၍ အထွေထွေရောဂါကု သမားတော်ကြီးများနှင့် ပြသစစ် ဆေးကုသမှုခံယူရန်စီစဉ်ကြရပါသည်။ မိမိကိုယ်တိုင်ရင်းနှီးကျွမ်းဝင်မှုမရှိသော မရောက်ဖူးသော နေရာဌာနတခုကို ရပ်ပြောရွာပြော ဘေးပြောတွေးပြောများကိုယုံစားလျှက် ကြိုတွေးကြိုကြောက် သောကြောင့် ဖြစ်သောဆိုးကျိုးဖြစ်လေသည်။

          ခွဲစိတ်ကုသမှုခံယူရန် စောင့်ဆိုင်းနေစဉ်ကာလတွင် လူနာအများစုသည် ခွဲစိတ်ခန်းအတွင်း အခြေအနေကို မိမိစိတ်ကူးဖြင့်ခန့်မှန်း ပုံဖော်တတ်ကြပါသည်။ခြောက်ခြားစရာ ကောင်းလောက် အောင် တိတ်ဆိတ်ငြိမ်သက်သောအခန်းတခု၊အလွန်အရေးကြီးသော လုပ်ငန်းတခုကိုလုပ်နေကြ သည့်  တည်ကြည်သည့် မျက်နှာထားဖြင့် နှုတ်ဆိတ်သွက်လက်သောကျန်းမာရေးဝန်ထမ်းများ စသည် စသည်ဖြင့် တွေးနေကြမည် ထင်ပါသည်။စိတ်ကိုတင်း မာန်ကိုတင်၍ ခွဲစိတ်ခန်းသို့ဝင်ရန် အားခဲနေကြမည်သာဖြစ်လေသည်။

          အကယ်စင်စစ် မျက်စိခွဲစိတ်ခန်းသည် မိမိခံစားနေရသော မျက်စိဝေဒနာများ သက်သာ ပျောက်ကင်းစေရန်၊မိမိ၏ဆုံးရှုံးနေသော အမြင်အာရုံများပြန်လည်ရရှိစေရန် ကုသမှုပေးသော နေ ရာဌာနဖြစ်သည့်အတွက် မိမိအတွက်မင်္ဂလာရှိသောနေရာ၊မိမိအတွက်စိတ်၏ချမ်းသာခြင်း၊ကိုယ်၏ ချမ်းသာခြင်းကို ဖြစ်စေသောနေရာအဖြစ် ရှုမြင်လျှက် ကြောက်စိတ်ကိုဖြေဖျောက်၍ စိတ်ရော ကိုယ်ပါ သက်တောင့်သက်သာဖြစ်စေရန် မိမိကိုယ်ကိုမိမိ ဆောက်တည်သင့်ပေသည်။ အချို့သော သူများသည် ခွဲစိတ်ခန်းပြင်ပတွင် ဆောက်တည်နိုင်သော်လည်း၊ခွဲစိတ်ခန်းတွင်းသို့ရောက်မှ ကြောက်စိတ်ဝင်လျှက် တုန်လှုပ်သောကြောင့် ခွဲစိတ်ကုသရာတွင် မကြာသင့်ဘဲ နှောင့်နှေး ကြန့် ကြာမှုများ ကြုံတွေ့ ကြရသည်လည်းရှိပါသည်။

          မိမိအိမ်တွင် စိတ်လွတ်ကိုယ်လွတ်နေခဲ့ကြသူများမှာမူ တင်းကြပ်သောခွဲစိတ်ခန်း စည်းမျဉ်း စည်းကမ်းများကိုလိုက်နာရန် ဝန်လေးတတ်သည်ကိုလည်း တွေ့ရပါသည်။သတ်မှတ်နေရာတွင်သာ နေကြရခြင်း၊ခွဲစိတ်ခန်းဝန်ထမ်းများက ထုတ်ပေးသော ပိုးမွှားသန့်စင်ထားသည့် အဝတ်ကိုသာ ဝတ်ဆင်ရခြင်း၊ ခွဲစိတ်ကုသမှုမစတင်မီ တိကျသော ကျန်းမာရေးစစ်ဆေးမှုများကိုလက်ခံကြရခြင်း၊ စသည်များကို ကျန်းမာရေးဝန်ထမ်းများကဆောင်ရွက်ခြင်းသည် မိမိအကျိုးအတွက်ဖြစ်သည်ကို သိနားလည်ကြရပါမည်။ခွဲစိတ်ခန်း စည်းမျဉ်းစည်းကမ်းများသည် မျက်စိခွဲစိတ်ကုသမူကို ဦးဆောင် သော မျက်စိခွဲစိတ်ဆရာဝန်ကြီး အပါအဝင် အားလုံးသောဝန်ထမ်းများ၊အားလုံးသောလူနာများ မဖြစ်မနေ ချွင်းချက်မရှိ တိကျစွာလိုက်နာရန်လိုအပ်သော စည်းကမ်းချက်များဖြစ်သည်ကို လက်ခံ လိုက်နာခြင်းအားဖြင့် မိမိ၏စိတ်ဖိစီးမှုကို လျော့ကျစေနိုင်ပါသည်။

                    မျက်စိခွဲစိတ်ကုသရာတွင် သာမန်ခွဲစိတ်ကုသခြင်း(Minor Operation)နှင့် အဓိက ခွဲစိတ်ကုသခြင်း(Major Operation) ဟူ၍ရှိရာ နှစ်မျိုးစလုံးပင် (ပုံမှန်)အချိန်တိုခွဲစိတ်ကုသမှုဖြစ် သောကြောင့် (များသောအားဖြင့်)ထုံဆေးကိုအသုံးပြု၍ ကုသမှုပြုပါသည်။ ကလေးငယ်များ၏ မွေးရာပါအတွင်းတိမ်ခွဲစိတ်ကုသခြင်းနှင့် မျက်စိနောက်ခန်းခွဲစိတ်ကုသခြင်းများကဲ့သို့သော ကိစ္စ ရပ်များကိုမူ မေ့ဆေးပေး၍ ကုသမှုများရှိသော်လည်း မေ့ဆေးဖြင့်ကုသခြင်းအတွက် ရေးသားရန် အကြောင်းထူးမရှိပေ။ ဤဆောင်းပါးသည် ထုံဆေးဖြင့်မျက်စိခွဲစိတ်ကုသသော ကိစ္စရပ်များကိုသာ ရည်ရွယ်ပါသည်။ခွဲစိတ်ကုသမှုကာလ ငါးမိနစ် (5 minute) မျှသာကြာသော ကာလတိုခွဲစိတ်ကု သမှုမျိုးတွင်မူ ထုံဆေးထိုးဆေးကိုပင် အသုံးမပြုတော့ပဲ အစက်ချထုံဆေးမျက်စဉ်းဖြင့်ပင် ကုသ မှုပြုပါသည်။ ထုံဆေးဖြစ်သောကြောင့် နာကျင်မှု ဝေဒနာကို ခံစားရမည်မဟုတ်သော်လည်း၊ ထိတွေ့မှုအသိမှာမူ ရှိနေဦးမည်ဖြစ်ပါသည်။ အကြားအာရုံ(ပတ်ဝန်းကျင်မှအသံများကို ကောင်း ကောင်းကြားရ)ကောင်းနေဦးမည်ဖြစ်ပါသည်။ ကိုယ်ရည် ကိုယ်သွေးနှင့် မိမိကိုယ်ကိုမိမိ ဆောက် တည်နိုင်မှုအဆင့် နိမ့်ကျသော အချို့သောသူများမှာမူ၊ထိုထိတွေ့မှုအသိကိုပင် နာကျင်သည်ဟူ သော အစားထိုးအထင်ဖြင့် တုန်လှုပ်တတ်ကြပါ သည်။လူနာ၏ကြောက်ရွံ့တုန်လှုပ်မှုသည် ခွဲစိတ် ကုသမှုလုပ်ငန်းစဉ်အား အထူးပင် နှောင့်နှေးကြန့် ကြာစေပါသည်။

          ထိုအခါ အတွေ့အကြုံရင့်ကျက်သော မျက်စိခွဲစိတ်ဆရာဝန်ကြီးများသည် လူနာအား စိတ် သက်သာရာရစေရန်ရည်ရွယ်လျှက် နည်းလမ်းများရှာကြံ၍ကျင့်သုံးကြပါသည်။

          မန္တလေးမြို့မှ မျက်စိခွဲစိတ်အထူးကုဆရာဝန် ဆရာမကြီးတဦးကမူ တရားပြကောင်းသော ဆရာတော်ကြီးများ၏ တရားတော်များကို မျက်စိခွဲစိတ်ခန်းအတွင်းတွင် လူနာကြားလောက်ရုံ အသံ တိုးတိုးဖြင့်ဖွင့်ထားစေပါသည်။ကိုယ်စိတ်နှစ်ပါးကို တည်ငြိမ်စေသော တရားတော်များ၏ အထောက်အပံ့ဖြင့် လူနာ၏ စိတ်နှလုံးကိုကောင်းစွာဆောက်တည်နိုင်စေပြီး၊ခွဲစိတ်ကုသမှု လုပ် ငန်းစဉ် (စ လယ် ဆုံး သုံးပါးလုံး) ကို အောင်အောင်မြင်မြင်ဆောင်ရွက်နိုင်ခဲ့ပါသည်။ခွဲစိတ်ကုသမှု ရလာဒ်ကောင်းများကိုလည်းပေါ်ထွက်စေပါသည်။ ယခုအခါ ထိုမျက်စိအထူးကုဆရာဝန် ဆရာမ ကြီးသည့် ဇီဝိတဒါနမျက်စိကုသမှုလုပ်ငန်းများကို အချိန်ပြည့်နီးပါးဆောင်ရွက်လျှက်ရှိနေပြီဖြစ်ရာ နှစ်ထောင်းအားရ သာဓုအလီလီ ခေါ်ဆိုဖွယ်ရာပင်ဖြစ်ပါသည်။

          ဒုတိယမျက်စိအထူးကုဆရာဝန်ကြီးကမူ ခွဲစိတ်ခံလူနာနှင့် အာလာပသလ္လာပ စကားပြော သောနည်းကို ကျင့်သုံးပါသည်။ “အမေနေကောင်းလား” ၊ “အဘနေကောင်းလား” ဟုအစချီလျှက် လူနာပြောချင်မည့် စိတ်ဝင်စားမည့် အကြောင်းအရာကို စတင်စူးစမ်း၏။အချို့က သားသမီးများ အကြောင်းပြောချင်သည်။ အချို့က နိုင်ငံရေးအကြောင်း၊အချို့ကငယ်ငယ်ကအကြောင်း၊အချို့က မိမိ၏ အသက်မွေးဝမ်းကြောင်းလုပ်ငန်းအကြောင်း စသည် ဖြင့် သူစိတ်ဝင်တစားပြောချင်သည့် အကြောင်းအရာကိုဦးတည် ပြောလာစေရန် လမ်းကြောင်းပေးခြင်းဖြင့် လူနာ၏စိတ်ဖိစီးမှုကို လျော့ ကျစေပြီး ခွဲစိတ်ကုသမှုလုပ်ငန်းကို ချောမွေ့စေသည်။ကုသမှုရလာဒ်ကောင်းစေပါသည်။

          ပြည်ပမှ မျက်စိခွဲစိတ်ဆရာဝန်ကြီးတဦးကမူ ခွဲစိတ်ခန်းအတွင်း တေးဂီတသံစဉ်များကို ငြိမ့် ညောင်းသာယာစွာ ဖွင့်ပေးထားခြင်းဖြင့် လူနာ၏စိတ်ဖိစီးမှုများကို လျော့စေလျှက် ခွဲစိတ်ကုသမှု လုပ်ငန်းစဉ်ကိုအောင်မြင်အောင် ဆောင်ရွက်ကြသည်ကို စာရေးသူတွေ့ဖူးပါသည်။

          သို့ဖြစ်ရာ မျက်စိခွဲစိတ်ကုသမှုခံယူမည့် လူနာများအနေဖြင့် မျက်စိခွဲစိတ်ခန်းသည် တိတ် ဆိတ်ငြိမ်သက်လျှက် စိတ်ခြောက်ခြားဖွယ်ရာ နေရာတခုအဖြစ် ထင်ယောင်ထင်မှားအတွေးများဖြင့် စိုးရွံ့ထိတ်လန့်မှုမဖြစ်ကြရန်လိုအပ်ပါသည်။တရားတော်များဖြင့် ထုံမွှမ်းသောခွဲစိတ်ခန်း၊အာလာပ သလ္လာပစကားများဖြင့် ရင်းနှီးနွေးထွေးသောခွဲစိတ်ခန်း၊ငြိမ့်ညောင်းသောတေးဂီတသံတို့ဖြင့် လွှမ်း ခြုံသော ခွဲစိတ်ခန်းများလည်းရှိပါကြောင်း အသိပေးရေးသားအပ်ပါသည်။

ပြည့်အောင်(COA - Certified Ophthalmic Assistant)

         

         

ဆွေးနွေးအဖြေရှာ မျက်မှန်ပါဝါ ။ ပြည့်အောင်(COA)(၁၃/၅/၂၀၁၉ ရက်နေ့ထုတ် ရတနာပုံနေ့စဉ်သတင်းစာပါ ဆောင်းပါး)

          မျက်စိဝေဒနာများမှ သက်သာရာသက်သာကြောင်းရစေရန် ကုသမှုများအနက် မျက်မှန်လိုအပ် နေသူအား မျက်မှန်ပေး၍ ကုသခြင်းသည် ဝေဒနာရှင်ခံစားနေရသော အမြင်ဝေဝါးခြင်း၊မျက်ရိုးကိုက် ခြင်း၊ နောက်ကြော(လက်ပြင်နှစ်ခုကြားဧရိယာ)တက်ခြင်း၊ခေါင်းနောက်ခြင်း၊ စသည့်ဝေဒနာများကို ထင်ရှား စွာသက်သာပျောက်ကင်းစေသည့်အတွက် ထိရောက်သောကုသမှု တစ်ခုဖြစ်ပါသည်။

          ထိုကဲ့သို့ထိရောက်သောကုသမှု ဖြစ်စေရန်အတွက် မှန်ကန်တိကျသော မျက်မှန်ပါဝါရရှိရေး၊ မျက်မှန်ကိုင်းရွေးချယ်ရာတွင်မှန်ကန်မှုရှိရေး၊ပါဝါမှန်ရွေးချယ်ရာတွင်မှန်ကန်ရေး၊မှန်သွေးပညာရှင်များ ၏ကျွမ်းကျင်မှု စသည့်လိုအပ်ချက်များစွာအနက် တိကျသော မျက်မှန်ပါဝါရရှိရေးသည် အခြားအချက် များထက်ပို၍ အရေးပါသည်ကို လက်ခံကြရပါမည်။ မှန်ကန်တိကျသော မျက်မှန်ပါ ဝါရရှိ ရေးအတွက် ကြိုးစာကြရာတွင် အချို့သောစမ်းသပ်ခံသူတို့သည် ပညာရှင်များ၏ မေးမြန်းဆွေးနွေး ချက်များကို အလေးထားမှု အားနည်းလာကြပြီး၊ ခေတ်မီကိရိယာများကိုသာ စိတ်ဝင်တစားအားကိုးယုံကြည်လာ ကြသည်ကိုတွေ့ရပါသည်။

          ခေတ်မီကရိယာများဖြင့် အဖြေရှာခြင်းနှင့် ကျွမ်းကျင်သော ပညာရှင်များက တိုင်းတာတွက် ချက်အဖြေရှာခြင်း(Subjective)များသည် လုပ်ငန်းစဉ်အတိုင်း မဖြစ်မနေလုပ်ရသော ဆောင်ရွက် ချက်များဖြစ်ပါသည်။ထိုနည်းတူ ကာယကံရှင်၏အမြင်ဖြင့်ဆုံးဖြတ်ချက်ရယူခြင်း (Objective) သည် လည်း လိုအပ်ပါသည်။ မျက်မှန်တပ်ဆင်မည့် ကာယကံရှင်၏ ဆုံးဖြတ်ချက်မပါသော မျက်မှန်ပါဝါ သည် ပြီးပြည့်စုံသော မျက်မှန်ပါဝါ ဖြစ်သည်ဟု ဆို၍မရချေ။ ခေတ်မီကရိယာများနှင့်ပညာရှင်များ က ရှာဖွေရရှိသော အဖြေနှင့်၊ မျက်မှန်တပ်မည့် ကာယကံရှင်ကိုယ်တိုင် ကြည့်ရှုဆုံး ဖြတ်သော အဖြေတို့ ညှိနှိုင်းရရှိသော ရလာဒ်သည်သာ မှန်ကန်သောမျက်မှန်ပါဝါ ဖြစ်နိုင်ပေမည်။ဆိုလိုသည်မှာ မှန်ကန် တိကျသောမျက်မှန်ပါဝါရရှိရန်မှာ မျက်မှန်ပါဝါရှာဖွေပေးသူပညာရှင်နှင့် ကာယကံရှင်လူနာတို့ အပြန် အလှန်ဆွေးနွေးညှိနှိုင်း အဖြေရှာမှသာလျှင် ဖြစ်နိုင်သည် ဟူသော အချက်ပင်ဖြစ်ပါသည်။

          စမ်းသပ်ခံသူက ဖြေကြားမှုဆွေးနွေးမှု ပြုရန်မလိုသော၊ မသန်စွမ်းသူတို့အတွက် မျက်မှန်ပါ ဝါရှာဖွေရာတွင် ကျင့်သုံးသောနည်းစနစ်များရှိသော်လည်း၊ ထိုနည်းများကို မလွှဲသာမှသာလျှင် ပညာ ရှင်များက ကျင့်သုံးလိုကြပါသည်။လိုအပ်သည် ထက်ပို၍ အချိန်ယူရခြင်း၊ အဖြေကိုရနိုင်သော်လည်း များသောအားဖြင့် အနီးစပ်ဆုံးကိုသာ ရနိုင်ခြင်းများကြောင့် ဖြစ်လေသည်။

မျက်မှန်ပါဝါရှာသောကွန်ပျူတာ(Auto refractometer)ဖြင့် စစ်ဆေးရှာဖွေရာတွင် ကာယကံ ရှင်သည် ကွန်ပျူတာစက်၏ချောင်းကြည့်ပေါက်ငယ်မှ စက်အတွင်းသို့ကြည့်ပေးရ၏၊စမ်းသပ်ခံသူ၏မြင် ကွင်းတွင် မြင်ရသောရုပ်ပုံ (အိမ်၊သစ်ပင် စသည်ဖြင့် စက်တစ်မျိုးနှင့်တစ်မျိုးမတူ)သည် ပြတ်သား ကြည်လင်၍လာလိုက် မှုန်ဝါး၍သွားလိုက် နှင့်ဖြစ်နေသည်ကိုတွေ့ကြရမည်ဖြစ်၏။ထိုရုပ်ပုံကို အစဉ် တစိုက်ကြည့်ပေးရန်လိုလေသည်။ စက်ကိုင်တွယ်သူ ပညာရှင်ဖက်တွင် ကွန်ပျူတာမျက်နှာပြင်တခုရှိ သည်။ထိုမျက်နှာပြင်တွင် စမ်းသပ်ခံသူ၏ မျက်လုံးကို တိုက်ရိုက်ကြည့်ရှုနိုင်ပြီး၊မျက်လုံး၏လှုပ်ရှာမှု များကို မြင်ရ၏၊စက်ကိုင်တွယ်သူက ကွန်ပျူတာမျက်နှာပြင်ရှိ သတ်မှတ်နေရာသို့မျက်လုံး၏ အလယ် ဗဟိုကို ရောက်အောင်ချိန်၍ ခလုပ်နှိပ်ခါအဖြေကိုရယူမည်ဖြစ်သည်။

ခလုပ်နှိပ်လိုက်သောအခါ ကွန်ပျူတာအတွင်းမှ အလင်းတန်းငယ်တခုသည် မျက်ကြည်လွှာ၊ မျက်တွင်းမှန်ဘီလူး၊ မျက်စိရည်ပျစ်(Vitreous humour)စသည်တို့ကိုဖြတ်သန်း၍ မြင်လွှာသို့ရောက် ရှိပြီးအလင်းပြန်လေသည်။ထိုပြန်လင်းတန်းကို ကွန်ပျူတာမှဖတ်ပြီး အဖြေထုတ်ပေးခြင်းဖြစ်လေ သည်။ အလင်း၏အလျှင်ဖြင့် ဖြတ်သန်းသွားသော ထိုအလင်းတန်းကို မည်သူမှ သတိပြုမိမည် မဟုတ်ပေ။ သို့ဖြစ်ရာ ထိုခေတ်မီကွန်ပျူတာစက်များသည် သတ်မှတ်မြင်ကွင်းတွင်ရှိသော ရုပ်ပုံကို ကာယကံရှင် လူနာက မှန်မှန်ကန်ကန် တည့်တည့်မတ်မတ်ကြည့်တတ်ရန်လိုသကဲ့သို့ အလင်း၏ အလျှင်ဖြင့် အလင်းပြန်လာသော အလင်းတန်းကို ပို၍ပို၍တိတိကျကျ ဖတ်နိုင်ရန်မှာ စက်သည် ခေတ်မီဆန်းသစ်(Up to date ဖြစ်) နေရန် အရေးကြီးပါသည်။ထို့ပြင် စက်တို့၏အားနည်းချက် ဖြစ် သော စက်ကိုင်တွယ်သူကြောင့် လွဲချော် မှု (Human Error)နှင့် စက်၏အတွင်းတွင် တပ်ဆင်ထား သောကိရိယာများကြောင့် ဖြစ်သောလွဲချော်မှု (Instrument Error)များ မပေါ်ပေါက်စေရန်လည်း ဂရုစိုက်ကြရပါသည်။

စမ်းသပ်ခံသူက ရုပ်ပုံကိုကြည့်ရာတွင် တည့်မတ်မှန်ကန်မှုမရှိလျှင်သော်လည်းကောင်း၊ သက် တမ်းလွန်စက် (Out of Date)ဖြစ်နေလျှင်သော်လည်းကောင်း၊Human Error,Instrument Error များရှိနေလျှင်သော်လည်းကောင်း ကွန်ပျူတာစက်သည် အဖြေမှန်ထုတ်ပေးနိုင်မည်မဟုတ်ပေ။ ဤနေ ရာ၌ ကျွမ်းကျင် လိမ္မာသော မျက်မှန်ပါဝါရှာဖွေပေးသူပညာရှင် (Ophthalmologist, Optometrist, Refractionist စသည်တို့) သည် မျက်မှန်ပါဝါရှာဖွေသော လက်ကိုင်ကရိယာနှင့် မျက်စိတွင်း စမ်းသပ် စစ်ဆေးသောကိရိယာ ( Retinoscope,Ophthalmoscope) တို့ဖြင့် ထပ်မံရှာဖွေ၍ အဖြေထုတ်ကြပါ သည်။စက်မှထွက်သော အဖြေနှင့်တိုက်ဆိုင်စစ်ဆေးကြပါသည်။

ထိုကဲ့သို့ရှာဖွေရရှိသော မျက်မှန်ပါဝါကို အကိုးအကားပြု၍ ကာယကံရှင်အတွက်အသင့်တော် ဆုံးမျက်မှန်ပါဝါကို စမ်းသပ်မှန်ချပ်များ(Trial Lens)ကိုအသုံးပြု၍ တိုက်ဆိုင်စစ်ဆေးအဖြေရှာကြရပါ သည်။ ဤနေရာတွင် ပညာရှင်နှင့်လူနာတို့၏ ဆွေးနွေးအဖြေရှာမှုစတင်ပါသည်။စမ်းသပ်ခံသူ၏  ကိုယ် ရည်ကိုယ်သွေး၊ အတွေးအခေါ်၊ ဥာဏ်ပညာ၊ စမ်းသပ်စစ်ဆေးမှုအပေါ်စိတ်ပါဝင်စားမှု၊ မိမိ၏ မြင်တွေ့ ရသည်များကိုပြောပြနိုင်မှု့ အရည်အသွေးများအပေါ်မူတည်၍ ရရှိသောရလာဒ်(မျက်မှန်ပါဝါ) သည် တိကျသေချာမှု အရည်အသွေးကွဲပြားမှုရှိပါမည်။ အဘယ့် ကြောင့်ဆိုသော အမြင်အာရုံချို့တဲ့သူ၏ အချို့သောမြင် ကွင်းများသည် မထင်မရှား မသဲကွဲ ဝါးတားတား အမြင်မျိုးမျှသာမဟုတ်မူဘဲ အမြင် စမ်းကဒ်ပြား (ပရိုဂျက်တာ၊လိုက်ဘောက်စိ၊တီဗွီစခရင် စသည်ဖြင့်)ပေါ်ရှိ စာလုံးများကိုကြည့်လျှင် ရွဲ့ စောင်းနေသော စာနှင့်သင်္ကေတများကိုမြင်ရခြင်း၊ အထက်အောက် ဘေးဘယ် ညာတို့၌ ဒေါင်လိုက် ခဲချစ်ရာများ၊ အလျားလိုက်ခဲခြစ်ရာများကဲ့သို့(အမြင်စမ်းကဒ်ပြားပေါ်တွင်မရှိပါဘဲနှင့်) မြင်ရခြင်းများ လည်း ရှိတတ်သည်ဖြစ်ရာ စမ်းသပ်ခံသူ၏ဖြေကြားပြောဆိုချက်များသည် အသုံးတည့်သော မျက်မှန် ပါဝါရရှိရေးအတွက် အထူးပင်အရေးပါပါသည်။

အမှန်တကယ်မျက်မှန်လိုသူအတွက် မိမိနှင့်ကိုက်ညီသော ပါဝါမျက်မှန်ကောင်းကောင်းတ လက်သည် စိတ်၏ချမ်းသာခြင်း ကိုယ်၏ချမ်းသာခြင်းကိုဖြစ်စေသကဲ့သို့ ပါဝါမကိုက်သောမျက်မှန် သည် နေ့စဉ်လုပ်ငန်းများကိုဆောင်ရွက်ရာ၌ အထူးကသိကအောက် ဖြစ်စေသည်ကို သတိမူမိကြမည် ထင်ပါသည်။သို့ဖြစ်ရာ မိမိအတွက် မှန်ကန်သော တိကျသော အသုံးတည့်သော မျက်မှန်ပါဝါရရှိရေး အတွက်၊မျက်မှန်ပါဝါရှာဖွေပေးသူ ပညာရှင်များ၏ မေးမြန်း ဆွေးနွေးမှုများကို၊ စိတ်ရှည် လက်ရှည် ပြန်လည်ဖြေကြား ဆွေးနွေးသင့်ပါကြောင်း အကြံပြုရေးသားအပ်ပါသည်။

ပြည့်အောင်(COA - Certified Ophthalmic Assistant)

မျက်မှန်ကို အမြဲတမ်း တပ်ထားရမှာလား ။ ပြည့်အောင်(COA)

  

    

  မျက်မှန်လိုအပ်သောကြောင့် မျက်စိမှုန်သူများအား မျက်မှန်ပါဝါရှာဖွေပေးပြီး၊မျက်မှန်တပ်ရန် အကြံပြုသည့်အခါတွင်၊များသောအားဖြင့်မေးကြသော မေးခွန်းတစ်ခုရှိပါသည်။ “ မျက်မှန်ကိုအမြဲတမ်း တပ်ထားရမှာလား”ဟူသောမေးခွန်းပင်ဖြစ်ပါသည်။ထိုနည်းတူ ပြောလေ့ပြောထရှိသည့်စကားတစ်ခွန်း လည်းရှိ၏။ “ မျက်မှန်မတပ်ချင်ဘူး၊မျက်မှန်တပ်ရင် အကျင့်ပါသွားပြီး ပါဝါတွေ တိုးလာတတ်တယ်” ဟူ၍ဖြစ်၏။ဤမေးခွန်းနှင့် စကားရပ်များသည် မေးသင့်မေးထိုက်သော မေးခွန်း၊ပြောသင့်ပြောထိုက် သောစကားဟု ထင်မြင်ယူဆဖွယ်ရာ ရှိသော်လည်း၊မေးသူပြောသူ၏ မျက်စိကျန်းမာရေးပညာ အဆင့် အတန်း( Eye Educational Level)ကိုလည်းဖော်ညွှန်းနေပါသည်။သို့ဖြစ်ရာ မျက်စိကျန်းမာရေး ဗဟု သုတ တိုးပွားကြစေရန်နှ့င် ထိုထိုသောမေးခွန်းနှင့် ပြောစကားကို မိမိသိမီသမျှ ဖြေကြားရန် ရည်ရွယ် ချက်ဖြင့် ဤဆောင်းပါးကိုရေးပါသည်။

          ရှေးဦးစွာသိထားသင့်သည့် အချက်မှာ မျက်မှန်ပါဝါများတွင် အမြဲတမ်းတပ်ရန်လိုအပ်သော ပါ ဝါရှိသကဲ့သို့ လိုအပ်မှတပ်ရသောပါဝါလည်းရှိပါသည်။မျက်မှန်လိုသောကြောင့် မျက်စိမှုန်သူများသည် မျက်စိတွင်းသို့ဝင်ရောက်လာသော စံလွဲ(ပုံမှန်မဟုတ်သော)အလင်းတန်းများကြောင့် မျက်စိမှုန်ရခြင်း ဖြစ်ရာ၊ မျက်မှန်ပါဝါသည် ထိုစံလွဲအလင်းတန်းများကို ပုံမှန်အလင်းတန်းများဖြစ်အောင် ပြုပြင်ပေး သော ပစ္စည်းတခုဖြစ်ပါသည်။အလင်းတန်းများ၏ သဘာဝတွင်လည်း၊အဝေးရှိ အရာဝတ္တုများမှ လာ သောအလင်းတန်းသည် စုဆုံအလင်းတန်းဖြစ်ပြီး ၊ အနီးကြည့်အရာဝတ္တုများ( ၁၂”- ၁၄” အတွင်း) မှလာသော အလင်းတန်းသည် ခွဲဖြာအလင်းတန်းများဖြစ်ရာ အလင်းတန်းများ၏ သဘာဝသည် တူညီမှုမရှိပေ။

          ဆိုလိုသည်မှာ စံလွဲအလင်းတန်းများ၏ အခြေအနေသဘောသဘာဝအပေါ်မူတည်၍၊ ထို စံလွဲအလင်းတန်းများကို ပြုပြင်ပေးရသော ပါဝါမျက်မှန်များသည်လည်း အသုံးပြုပုံခြင်း တူညီနိုင် မည်မဟုတ်ပေ။အဝေးမှုန်သောကြောင့် အဝေးကြည့်တွင်သာသုံးရ တပ်ရသော မျက်မှန်ရှိသကဲ့သို့၊ အနီးမှုန်သောကြောင့် အနီးကြည့်တွင်သာ တပ်ရ သုံးရသောမျက်မှန်လည်းရှိပါသည်။ထိုနည်းတူ အဝေးရော အနီးပါမှုန်သည့်အတွက် ပါဝါအမျိုးအစား တစ်မျိုးတည်းကိုပင် မချွတ်တမ်း တပ်ရသည့် မျက်မှန်ရှိသည်ကိုလည်းသိထားသင့် ပါသည်။အဝေးမှုန်ခြင်းနှင့်အနီးမှုန်ခြင်းနှစ်မျိုးလုံး တစ်ဦးတစ် ယောက်တည်းတွင် ရှိသည့်အတွက် အဝေးပါဝါတစ်မျိုး အနီးပါဝါတစ်မျိုး ပါဝါနှစ်မျိုးပါသောမျက်မှန် တပ်ရသူ ၊ လုပ်ငန်းလိုအပ်ချက်ရှိသောကြောင့် အနီးအဝေးသာမက၊မနီးတနီး မဝေးတဝေး( ၃’- ၅’- ၇’) ပါဝါမျက်မှန်တပ်ရသူ စသည့်ဖြင့်လည်းရှိပါသည်။ဆိုလိုသည်မှာ ပါဝါမျက်မှန်များသည် အစဉ်အမြဲ တပ်ထားရန် လိုသည့်မျက်မှန်ရှိသကဲ့သို့၊လိုအပ်ချက်ရှိမှသာတပ်ရသော မျက်မှန်များလည်းရှိပါသည်။

          ဥပမာအားဖြင့် အသက်(၄၀)ဝန်းကျင်ရောက်လာသူများသည် အနီးမှုန်စပြုလာသည်ဖြစ်ရာ အနီးကြည့်မျက်မှန်လိုလာပြီဖြစ်ပါသည်။ထိုသူများသည် များသောအားဖြင့် အဝေးကြည့်ကောင်းသူများ ဖြစ်ကြရာ အနီးကြည့် (စာရေး၊စာဖတ်မှသာမဟုတ် အနီးကြည့်အလုပ်များတွင်) တွင်သာမျက်မှန်တပ် ရန်လိုအပ်ပါသည်။ ထိုနည်းတူ နေထိုင်မှုပုံစံနှင့်မျက်စိအသုံးချမှု မှားယွင်းသောကြောင့် အဝေးမှုန်စပြု လာသူ(မွေးရာပါမဟုတ်သောမျက်စိမှုန်သူ)ဆယ်ကျော်သက်အရွယ် လူငယ်များသည်လည်း၊များ သောအားဖြင့် အနီးကြည့်ကောင်းသူများဖြစ်ရာ အဝေးကြည့်(တီဗီကြည့်ခြင်း၊စာသင်ခန်း အတွင်း စာသင်ခြင်း၊ ပြင်ပသွား လာခြင်းများ) တွင်သာ မျက်မှန်တပ်သင့်ပါသည်။

          အသက်(၄၀)ဝန်းကျင် အနီးကြည့်မှုန်လာခြင်းသည် အသက်အရွယ်ကြီးရင့်မှုကြောင့် ခန္ဓာ ကိုယ်ရှိကြွက်သားများတုန့်ဆိုင်းနှေးကွေးသည့်နည်းတူ၊ မျက်စိတွင်းအဝေးအနီးကိုချိန်ဆပေးသော ကြွက်သားများ၊တုန့်ဆိုင်းနှေးကွေးခြင်းနှင့် မျက်စိတွင်းမှန်ဘီးလူးသည် သဘာဝလွန် မာ၍လာခြင်းများ ကြောင့် ဖြစ်ရပါသည်။ဆယ်ကျော်သက်အရွယ်၌ အဝေးမှုန်သူများသည် ကလေးဘဝ( ၅ နှစ်မှဆယ် ကျော်သက် အရွယ်အတွင်း)တကိုယ်တည်း အခန်းတွင်း၌ အနေများခြင်း၊အနီးကြည့်အလုပ်များကို နာရီနှင့်ချီ၍(အနည်းဆုံး ၄၅ မိနစ်လျှင် စက္ကန့် ၃၀ မျှနားရန်လိုအပ်ပါလျှက်) မနားတမ်းဆက်တိုက် နေ့စဉ်ရက်ဆက်ပြုလုပ်ခြင်း(ယနေ့ခေတ်တွင် ဖုန်းဂိမ်းများကစားခြင်းကဲ့သို့)၊ကောင်းစွာမြင်ရပါလျှက် အနီးကြည့်(စာအုပ်စသည်)ကို မျက်နှာနှင့်ကပ်၍ကြည့်ခြင်းစသည်ဖြင့် နေထိုင်မှုပုံစံနှင့် မျက်စိအသုံးချ မှုပုံစံ မှားယွင်းခြင်းများကြောင့် အဝေးမှုန်သွားရခြင်းဖြစ်ပါသည်။(ထိုသို့ ဆယ်ကျော်သက်များ အဝေး မှုန်ခြင်းကို ကာကွယ်ရန်အတွက်၊ မျက်စိကျန်းမာရေးစောင့်ရှောက်မှုလုပ်ငန်းများကို အစဉ်တစိုက် အာရုံစိုက်နိုင်သော နိုင်ငံများတွင်၊စာသင်ခန်းများကို အခန်းငယ်အတွင်းစာသင်မှုပုံစံ (Room Type) မှ အခန်းကျယ်စနစ်စာသင်မှုပုံစံ(Hall Type) နှင့်အခန်းပြင်ပစာသင်မှုပုံစံ(Garden Type) များသို့ ပြောင်းလဲ၍ သင်ကြား လာကြပြီဖြစ်ပါသည်။ စာရေးသူတို့၏ ဂန္တဓုရဖြည့်ကျင့်တော်မူကြသော စာသင်တိုက်ကြီးများတွင် သာမဏေငယ်များ စာဝါလိုက်ရာ၌ ပါဠိတော်များ၏ အနက်အဓိပ္ပါယ်ကို အလွန်သေးငယ်သော စာလုံးများဖြင့် ပါဠိတော်စာလုံးကြီးများ၏အနီး၌ ကပ်၍ထပ်၍မှတ်သားရခြင်း (စာသင်သားအခေါ် အနက်တေးခြင်း)များသည်လည်း၊သာမဏေငယ်များ အဝေးမှုန်ရခြင်း၏ အကြောင်းရင်းဟူ၍ ယူဆရပါသည် - ဤကားစကားချပ်)။

          ဤနေရာ၌ “မျက်မှန်တပ်လျှင်မျက်မှန်ပါဝါ တိုးလာတတ်သည်” ဟူသောအချက်ကိုပြောလိုပါ သည်။တစိတ်တပိုင်းအားဖြင့် မှန်သည်ဟုဆိုနိုင်သော်လည်း၊အစဉ်သဖြင့်မှန်သည် ဟူ၍တော့ ဆို၍မရ ပေ။အထက်တွင် ဆိုခဲ့သည့်အတိုင်း အသက်အရွယ်ကြီးရင့်မှုကြောင့် အနီးမှုန်သူများသည် အသက်အ ရွယ်အလိုက် ပါဝါတိုးလာတတ်သည်မှာ သဘာဝဖြစ်၏။မျက်စိတွင်းမှန်ဘီလူးပို၍ ပို၍မာလာသော ကြောင့်ဖြစ်၏။ မျက်စိတွင်းကြွက်သားများ ချိန်ဆနိုင်မှု ပို၍ ပို၍ အားနည်းလာသောကြောင့်ဖြစ်၏။ပြု ပြင်ပြောင်းလဲ၍ မရသောကြောင့်လက်ခံကြရပါမည်။ဆင်ခြင်ရမည့် အချက်မှာ မျက်မှန်အသုံးချမှုမှန် ကန်စေရန်ဖြစ်ပါသည်။မျက်မှန်အသုံးချမှုမှားယွင်းပါက မျက်မှန်ပါဝါတိုးလာမည်၊ပါဝါ အမြင့်များဖြစ်လာ ပါမည်။

          ဥပမာအားဖြင့် သက်ကြီးအနီးမှုန်၍ အနီးကြည့်သာသုံးရသော မျက်မှန်ဖြင့် အဝေးကြည့်မိ လျှင် (ကြည့်မိသည့်အချိန်ကာလကြာလာသောအခါ) အဝေးကောင်းနေပါလျှက် အဝေးမှုန်၍လာမည် ဖြစ်၏။ အဝေးမှုန်လာသောအခါ အဝေးကိုကြည်ကြည်လင်လင်မြင်ရန်အတွက် မျက်မှန်ပါဝါလိုလာလေ သည်။ထိုအခါ အနီးကြည့်ပါဝါသည့် အဝေးအနီးပါဝါနှစ်မျိုးပေါင်းဖြစ်လာပြီး၊အသက်အပိုင်းအခြားအရ လိုအပ်သော အနီးကြည့်ပါဝါထက်ပိုသော မျက်မှန်ပါဝါဖြစ်လာလေသည်။ထိုနည်းတူ နေထိုင်မှုပုံစံနှင့် မျက်စိအသုံးချမှုမှားယွင်းသောကြောင့် ဆယ်ကျော်သက်အရွယ် အဝေးမှုန်သူများသည် အဝေးမှုန်မျက် မှန်တပ်ရသော်လည်း အနီးကိုကောင်းစွာမြင်ရပါလျှက်၊အဝေးမှုန်၍တပ်ရသော အဝေးကြည့်မျက်မှန်ကို အနီးတွင်တပ်၍ကြည့်သောအခါ၊အဝေးတွင်ပို၍မှုန်လာလျှက် မျက်မှန်ပါဝါတိုးလာလေသည်။

          ဤနေရာ၌ ဆလင်ဒါမှန်နှင့် ဆလင်ဒါပါဝါမျက်မှန်များသည် ထူးခြားချက်ဖြစ်ပြီး၊၎င်းမျက်မှန်များ သည် အဝေးအနီး နှစ်မျိုးစလုံး၌ အကျုံးဝင်လျှက်၊အစဉ်အမြဲတပ်ထားရမည့်မျက်မှန်အမျိုးအစားတွင် ပါဝင်လေသည်။ မျက်မှန်တပ်ရန်လိုမလို သိရှိရန်အတွက် ရိုးရှင်းသောနည်းမှာ ကြည်ကြည်လင်လင် ထင်ထင်ရှားရှားမြင်နေရလျှင်၊ထိုမြင်ရသောအကွာအဝေးသည် မျက်မှန်တပ်ရန်မလိုသောအကွာ အဝေးပင် ဖြစ်၏။သို့ဖြစ်ရာ မျက်မှန်တပ်ရန်လိုသည်ဟုသိရလျှင် မျက်မှန်ပါဝါရှာဖွေပေးသော ပညာ ရှင်ကပေးသော အကြံပြုချက်အပြင် မိမိကိုယ်တိုင်လည်း ဆင်ခြင်စူးစမ်းကြည့်ကြရန် အကြံပြုတိုက် တွန်းရေးသားလိုက်ရပါသည်။