ဆီလီယာရီမာဆယ်(Ciliary muscle)အလုပ်လုပ်ပုံ
အွန်လိုင်းယဉ်ကျေးမှု အားကောင်းလာသည်နှင့်အမျှ လူကြီးလူငယ် သုံးပါးသောအရွယ်စုံတို့၏ နေ့စဉ် မျက်စိသုံးစွဲချိန်သည် ပိုများလာသည်။နေ့အချိန်များတွင်သာမက ညအိပ်ချိန်များကိုပါ ဖဲ့၍ သုံးစွဲလာကြသည် ကိုတွေ့ရ၏။ ယခုအခါ ထိုသို့တကိုယ်ရည်သုံးစွဲမှုများအပြင် ရုံးလုပ်ငန်းများ ၊ကျောင်းသင်ခန်းစာပို့ချချက်များ ၊ အစည်းအဝေးပွဲများကိုလည်း ကြုံတွေ့ရင်ဆိုင်နေကြရသော အခြေအနေများအရ အွန်လိုင်းဖြင့်ဆောင်ရွက် နေကြရသည်ကို တွေ့ကြရပါမည်။သို့ဖြစ်ရာ ပို၍ပို၍သုံးလာရန်သာ အလားအလာရှိသော မိမိမျက်စိ၏ကျန်းမာ ရေး အတွက် ဘယ်သူမပြု မိမိမှုဟူသောဆိုရိုးစကားအတိုင်း မိမိကိုယ်တိုင် ဂရုစိုက်ကျရတော့မည်ဖြစ်ပါသည်။ ထို့ပြင်လည်း မိမိတို့၏လူမမယ်ကလေးများကို မျက်စိကျန်းမာရေးကောင်းနေစေရန်အတွက်ကိုလည်း အလေး ထားကြရမည်ဖြစ်ပေသည်။
အမြင်အာရုံကိုဖြစ်စေသော မျက်စိ၏အဂ်ါအစိတ်အပိုင်းများတွင်မျက်ကြည်လွှာ(Cornea)၊ မျက်စိရှေ့ခန်း (Anterior Chamber)ရှိ မျက်စိရည်ကြည်(Aqueous humor)၊မျက်စိတွင်းမှန်ဘီလူး(Lens)၊မျက်စိနောက်ခန်း (Posterior Chamber)ရှိ မျက်စိရည်ပြစ်(Vitreous humor)၊မြင်လွှာ(Retina)၊မျက်စိနှင့်ဦးနှောက်ကိုဆက်သွယ် ထားသောအာရုံကြောများ(Optic Nerves)အမြင်အာရုံနှင့်ဆိုင်သော ဦးနှောက်၏အစိတ်အပိုင်း(Occipital lobe) တို့ပါရှိသည်။ဤဆောင်းပါး၌ ၎င်းတိုးအားလုံး စံချိန်မီကောင်းမွန်နေသော အခြေအနေတွင်ကာယကံရှင် ၏ မျက်စိအသုံးပြုပုံမှာယွင်းမှုကြောင့် အဝေးမှုန်လာခြင်း(မျက်မှန်လိုလာခြင်း)၊မျက်မှန်သုံးစွဲပုံ မှားယွင်းမှု ကြောင့် မျက်မှန်ပါဝါတက်လာခြင်း(ပါဝါတိုးလာခြင်း) အကြောင်းများကို အဓိကရေးသားလိုပါသည်။မွေးရာပါ မျက်စိမှုန်သူ(congenital Refractive error)များအတွက်မရည်ရွယ်ပါ။
ယနေ့ခေတ် လူနေမှုပုံစံတွင် အခန်းအောင်းလှျက် သို့တည်းမဟုတ် မိမိတဉီးတည်း သီးသန့်နေသော အလေ့အကျင့်၊အဝေးသို့ကြည့်ရန်မေ့လျော့လျှက် အနီးကြည့်အလုပ်များ(စာဖတ်ခြင်း၊ဖုန်း တက်ပလက် လက် တော့ အသုံးပြုခြင်းများ)ကိုသာ တစိုက်မတ်မတ် လုပ်နေကြသော အလေ့အကျင့်များသည်၊အဝေးမှုန်ရခြင်း၏ အကြောင်းရင်းဖြစ်သည်ကို တွေ့ကြရ၏။ထိုနည်းတူကျင့်သုံးသော သက်ကြီးအနီးမှုန် လူကြီးများ သည်လည်း၊ အနီးကြည့်မျက်မှန် ပါဝါတိုးစေသော အကြောင်းရင်းများ ဖြစ်ပါသည်။လူ့ခန္ဓာကိုယ်ရှိ အဂ်ါအစိတ်အပိုင်းများ၏ သဘောသဘာဝအရ အသုံးနည်းသော အစိတ်အပိုင်းသည် ထိုင်းမှိုင်းလေးလံလာတတ်သော သဘောရှိရာ၊ မျက်စိသည်လည်း ထိုသဘာဝအတိုင်းပင်ဖြစ်ပါသည်။
အဝေးကြည့်နည်းသော ကလေးသူငယ်များသည် ဆယ်ကျော်သက်အရွယ်မှစတင်ကာ အဝေးမှုန် ဖြစ်ပွား မှုနှုန်း မြင့်မားသည်ကို တွေ့ကြရ၏။ အနီးကြည့်မျက်မှန်တပ်ရသောလူကြီးများမူ ကား၊အသက်ကြီး လာသော အခါ အခြားသောကြွက်သားများ အားနည်းလာသည့်နည်းတူမျက်စိတွင်းရှိ အမြင်အာရုံကိုချိန်ဆပေးသော ကြွက်သားများအားနည်းလာခြင်း၊သဘာဝမှန်ဘီလူးသည် သာမန်ထက်ပို၍ မာလာသောကြောင့် ပြောင်းလဲ ချိန် ဆမှုနှေးကွေးသွား၍ အနီးကြည့်မျက်မှန်တပ်ကြရသည်ဖြစ်ရာ၊အနီးကြည့်အကွာအဝေးကို တသမတ်တည်းကြာ ရှည်စွာကြည့်လျှင် ချိန်ဆမှု ပို၍ပို၍ နှေးသွား၏။ထိုအခါ အသက်အပိုင်းအခြားအရ ရှိသင့်ရှိထိုက်သော မျက်မှန် ပါဝါထက် ပို၍လာလေသည်။
No comments:
Post a Comment