ကွန်ပြူတာနဲ့ မျက်စိ။ Dr. Tint Swe's Writings: Computer Eye Strain....

Wednesday, June 3, 2015

တီဗွီတွေ၊ကွန်ပြူတာတွေမပေါ်ခင်က လူ့မျက်စိဆိုတာ Hunters' eyes မုဆိုးမျက်စိလိုသုံးဘို့သာလိုခဲ့တယ်။ ကွန်ပြူတာ သုံးသူတွေ မျက်စိမှာ တခုခုလာဖြစ်တာကို
(ကွန်ပလိန့်) လုပ်သူ ၅ဝ% ရှိတယ်။ ခေါင်းကိုက်၊ မျက်စိဝါးတာအပြင် အားအင်ကုန်သလို ခံစားလာရသူတွေလဲ ရှိတယ်။ ခုထိတော့ ရုတ်တရက် ဆိုးဝါးတဲ့ ရေတိမ် နဲ့ကွန်ပြူတာသုံးတာ ဆက်စပ်မှု မတွေ့ရသေးပါ။ Computer Vision Syndrome (CVS)
ဖြစ်တာတွေသက်သာဘို့ အလုပ်စခန်း၊ လူအနေအထား၊ မျက်မှန်၊ကွန်ပြူတာမျက်နှာပြင်မှာ လိုတာတွေ ပြင်ပြီး မျက်စိလေ့ကျင့်ခန်းတွေနဲ့လုပ်နိုင်ပါတယ်။

မျက်စိဆရာဝန်နဲ့ မျက်စိစစ်ပါ။ (NIOSH) အဆိုအရ ၁ နှစ် ၁ ခါ စစ်ပါ။ သက်သာစေနည်း ၁ဝ နည်းပြောပါမယ်။
၁။အလုပ်နေရာမှာ အလင်းရောင် မှန်-ကောင်းပါစေ။ လင်းလွန်းတာလဲ မကောင်းပါ။
ရုံးတွေမှာ အများဆုံး ထွန်းထာတဲ့ အလင်းရောင်ထက် ထက်ဝက်သာ လိုတတ်ပါတယ်။
ပြူတင်းပေါက် လိုက်ကာတွေ ချထားပါ။ အလင်းရောင်လာရာက ကိုယ့် (မော်နီတာ)
နောက်က-ရှေ့က မဖြစ်စေပါနဲ့။ Overhead fluorescent lights သုံးရင်
အဆင်မပြေသူတွေ ရှိတယ်။ (မော်နီတာ) အလင်းက အခန်းထက် ပိုသင့်တယ်။ နောက်ကျောက
နံရံမှာ ကပ်မနေသင့်ပါ။ ပိုအရေးကြီးတာက ကိုယ့်ရှေ့မှာ နံရံရှိနေတာ
မကောင်းပါ။ ပရိုဂရမ်တခု Install လုပ်နေတုံး Screen ကို စိုက်ကြည့်မနေပါနဲ့။
၂။ပြောင်ချောနေတဲ့၊ အလင်းပြန်နိုင်တဲ့ နံရံတွေက မကောင်းဘူး။ နံရံ
ဆေးပြင်သုတ်ပါ။ Wall paper ကပ်ပါ။ လိုအပ်ရင် ကိုယ့်ကွန်ပြူတာမှာ Anti-glare
screen တပ်ပါ။ မျက်မှန်တပ်ရသူဆိုရင် Anti-reflective (AR) coating ပါတာကို
သုံးပါ။
၃။ Display အဆင့်မြှင့်ပေးပါ။ CRT screens တွေအစား
Flat-panel liquid crystal display (LCD) သုံးပါ။ ပိုကြီးတာ ပိုကောင်းတယ်။
Desktop computer ဒေါင့်ဖြတ်မျဉ်း 19 inches ဖြစ်ပါစေ။
၎။ကွန်ပြူတာ မျက်နှာပြင်ရဲ့ Brightness and contrast ကို Adjust လုပ်ပါ။
အလုပ်ခွင်နဲ့ တူနေတာ ကောင်းတယ်။ စမ်းသပ်နည်း တခုကတော့ Web page အဖြူခံကို
ဖွင့်ထားတဲ့အခါ အလင်းရောင်က အဲဒီက လာနေတာဆိုရင် များတယ်။ Dull and gray
ဖြစ်နေရင်လဲ နည်းတယ်။
၅။ Text size နဲ့ Color တွေလဲ ကိုယ်နဲ့
ကိုက်ပါစေ။ အကောင်းဆုံး Text size ဆိုတာ ကိုယ်စာဖတ်နေကြ စာလုံး အရွယ်ရဲ့ ၃ ဆ
ရှိသင့်တယ်။ အဖြူခံပေါ်က အနက်စာလုံး ပိုကောင်းတယ်။
၆။ မကြာမကြာ မျက်တောင် ပိုခတ်ပေးပါ။ အခန်းမှာ လေကခြောက်သွေ့နေတာ မကောင်းပါ။ မိနစ် ၂ဝ တခါ ၁ဝ ကြိမ် မျက်တောင်ခတ်ပါ။
၇။
ချထားတဲ့ စာရွက်ကြည့်လိုက်၊ မောနီတာကြည့်လိုက် မကောင်းပါ။ Copy stand ကို
Monitor မှာဆင်ပါ။ Desk lamp လိုရင် သုံးကြည့်ပါ။ စားပွဲ၊ ကုလားထိုင်
အနိမ့်-အမြင့် အဆင်ပြေပါစေ။ Ergonomic furniture ကောင်းပါတယ်။ Computer
screen က ကိုယ့်မျက်စိနဲ့ ၂ဝ-၂၄ လက္မ ကွာပါစေ။ Screen အလည်မှတ်ဟာ
ကိုယ့်မျက်စိရဲ့ အောက် ၁ဝ-၁၅ ဒီဂရီ နိမ့်နေပါစေ။
၈။ Computer
eyewear သုံးဘို့ စဉ်းစားပါ။ Computer glasses တွေဟာ Bifocals တို့
Progressive lenses မျက်မှန်တို့ သုံးရသူတွေအတွက်လဲ ကောင်းပါတယ်။

၉။ မျက်လုံးလေ့ကျင်ခန်း လုပ်ပါ။ မိနစ် ၂ဝ တခါ၊ ကွန်ပြူတာကနေ ပေ ၂ဝ အဝေးကို ၂ဝ စက္ကန့်ကြာ ကြည့်ပေးပါ။

၁ဝ။ မကြာမကြာ ကွန်ပြူတာအလုပ်ကနေ နားပေးပါ။

Computer Glasses ကွန်ပြူတာသုံးမျက်မှန်ဆိုတာဘာလဲ။
မျက်မှန်ဟာ
၂၈ လက္မ ဖိုးကပ်စ်လုပ်နိုင်ရင် ကွန်ပြူတာနဲ့ သုံးနိုင်ပါတယ်။
စပါယ်ရှယ်လုပ်ပေးထားတဲ့ မျက်မှန်ကိုမှ ကွန်ပြူတာသုံးမျက်မှန်ခေါ်ပါတယ်။
Optical quality ကောင်းဘို့တော့လိုတယ်။ Trifocals နဲ့ Weak Bifocals တွေလဲ
သုံးလို့တော့ရတယ်။ မကောင်းလှပါ။ ဒီမျက်မှန်တွေရဲ့ ဆုံချက်က မှန်ရဲ့
အောက်ခြေမှာရှိပြီး၊ ကွန်ပြူတာမျက်နှာပြင်က မျက်စိနဲ့ တည့်တည့်
ဖြစ်နေလို့ပါ။ ခေါင်းကို ပြင်နေရတာက လည်ပင်း ကြွက်သားတွေ နာစေတယ်။ ရိုးရိုး
စာကြည့် မျက်မှန်တွေက ပိုတော့ ကောင်းတယ်။ ဒါပေမဲ့ ၁၄ လက္မ ဖိုးကပ်စ် ဖြစ်တာ
များလို့ ခေါင်းကို ရှေ့ငုံ့ရတော့မယ်။ လည်ပင်း-ပခုံး နာစေမယ်။ မျက်စိစွေ
ကြည့်နေရလိမ့်မယ်။ ခေါင်းကိုက်လာမယ်။ မျက်စိ နားထင်ဘေးမှာ အရစ်တွေထင်စေမယ်။

မုဆိုးနဲ့စတော့ အကောင်နဲ့ အဆုံးသတ်ရမှာပေါ့။ အဲလိုဖြစ်တာကို Crow
Foot ငှက်ခြေပေါ့။ မျက်စိမှိတ်ရင် ဘေးအစွန်မှာ ငှက်ခြေလို အရစ်တွေထင်တာဟာ
ကွန်ပြူတာနဲ့အလုပ်လုပ်ရတာ ကြာလို့ဖြစ်တယ်။ ပြင်လို့ရတယ်။ Nicole Kidman
မင်းသမီး နီကိုးလ် ကဒ်မင်းလဲ အဲလိုလုပ်ထားတာပါ။

Dr. တင့်ဆွေ

မျက်စိရေတိမ်။Dr. Tint Swe's Writings: Glaucoma။Wednesday, June 15, 2016

ဆရာ ကျွန်တော်အသက် ၄ဝ၊ မိန်းကလေး single ပါဆရာ။့့ မှာ တနေ့ကို အနဲဆုံး ၉
နာရီလောက် ကွန်ပြူတာနဲ့ အလုပ်လုပ်ရပါတယ်။ အိမ်ပြန်ရောက်ရင်တော့ ဖုန်းနဲ့
သတင်းတို့၊ ဆရာရေးတဲ့စာတို့ ဖတ်ဖြစ်ပါတယ်။ ပိတ်ရက်ဆိုရင်တော့
ဆရာ့စာအုပ်အတွက် စာလုံးပေါင်း နားနားနေနေ စစ်ဖြစ်ပါတယ်။ ဒီတခါတော့ ဆရာ့လူနာ
တကယ် ဖြစ်သွားပြီပေါ့ဆရာ။ smile ဘယ်ဘက်မျက်စိကိုက်တာ
၂ပတ်လောက်ရှိသွားပါပြီ။ တဆစ်ဆစ် ထိုးပြီး ကိုက်တာပါဆရာ။ တခါတလေ
ဘယ်ဘက်မျက်စိကိုက်တဲ့အချိန်ကျရင် ခေါင်းဘယ်ဘက်ခြမ်းလဲကိုက်ပါတယ်။ အခုတော့
မကြည့်မဖြစ်ဟာကလွဲလို့ ကျန်တာတွေနားထားလို့ မျက်စိကိုက်တာ နဲနဲသက်သာပါတယ်။
မိတ်ဆွေတွေ မျက်စိသွားစစ်တော့ လိုက်သွားစစ်ဖြစ်ပါတယ်ဆရာ။
မျက်စိစစ်ပေးတဲ့သူပြောတာကို လုံးစေ့ပတ်စေ့ သေချာ နားမလည်ခဲ့ပါဘူး။
မျက်စိဆရာဝန်ဆီကိုပြခိုင်းပါတယ်။ လေဆာနဲ့ကုပါလို့တော့ ပြောပါတယ်။
အရေးအကြီးဆုံးက မျက်စိကိုက်၊ ခေါင်းကိုက်၊ အန်
၃ခုလုံးတပြိုင်နက်ဖြစ်တယ်ဆိုရင် အရေးပေါ်ကို အချိန်မဆွဲပဲသွားဖို့ သေချာ
သတိပေးလိုက်ပါတယ်။ သွားတာနောက်ကျခဲ့ရင် မျက်လုံး
ရာသက်ပန်ကန်းသွားလိမ့်မယ်လို့ သေချာမှာပါတယ်။ စာရေးပေးလိုက်ပါတယ်။
အဲဒီစာပေါ်မူတည်ပြီး ကျွန်တော့မျက်စိရဲ့ အခြေအနေကို
ဆရာပြောပြပေးနိုင်လိမ့်မယ်လို့ ယုံကြည်ပါတယ်။ မျက်စိနီတာ၊ နာတာ
မရှိပါဘူးဆရာ။ စာကြည့်များလို့ ဘယ်ဘက် မျက်လုံးထဲက တချက်တချက်
စူးစူးပြီးကိုက်တာပဲရှိပါတယ်။ အခုလက်ရှိမှာ မျက်စဉ်းဆေးပဲ ဝယ်ခတ်ထားပါတယ်။
ရေးပေးလိုက်တဲ့စာနဲ့ မျက်စဉ်းဆေးပုံကို ဆရာ့ဆီ ဒီစာနဲ့အတူ ပို့လိုက်ပါတယ်။
ဆရာဝန်ဆီ မပြဖြစ်သေးပါ။ ဆရာဝန်ပြောတာ နားမလည်မှာလဲ စိုးလို့ပါ။ အခုတောင်
dictionary ကြည့်မှ ရေတိမ်ဆိုတာသိတာပါဆရာ။ ဒီမှာ ဆေးကုသစရိတ် ကြီးတာကြောင့်
မြန်မာပြည် ပြန်ကုချင်တာလဲ အခုလက်ရှိအခြေအနေအရ
စက်ရုံစစ်ဆေးရေးဝင်မှာဖြစ်တဲ့အတွက် လိုအပ်တဲ့ စာရွက်စာတမ်းတွေ
လုပ်ပေးရမှာမို့ ခွင့်ပေးနိုင်မယ်မထင်ပါ။ ၉ လပိုင်းလောက်မှ မြန်မာပြည်
ပြန်ကုချင်ပါတယ်။ အဲဒီအချိန်အထိဆွဲထားပြီးမှ ကုရင်ရလားဆရာ။ အကျိုးဆက်က
ဘယ်လိုတွေဖြစ်နိုင်မလဲ။ ချက်ချင်းကုမှဖြစ်မယ် ဆိုရင်လည်း ပြောပေးပါဆရာ။
သေချာပြောပြပြီး ခွင့်ယူလိုက်ပါ့မယ်။ ဘာဆက်လုပ်ရင် ကောင်းမလဲဆိုတာ
အကြံဥာဏ်လေးပေးပါအုံးဆရာ။

ရေတိမ်ဆိုတာ အတွင်းတိမ်ရောဂါကို နာမည်ပေးတာနဲ့ဆက်ပြီး ပေးထားပုံရပါတယ်။
တိမ်ဆိုတာ တိမ်သလ္လာအဓိပ္ပါယ်ပါ။ ဖုံးလွှမ်းတယ်၊ ကွယ်ထားတယ်လို့ဆိုတယ်။
ရေတိမ်ဆိုတာက မျက်စိထဲမှာ ရေ (အရည်) နဲ့ ဖိအားများနေပြီး မျက်စိကို
ကွယ်စေနိုင်တယ်။

တကမ္ဘာလုံးဆိုရင် မျက်စိကွယ်စေတဲ့ အကြောင်းရင်းထဲမှာ ဒုတိယလိုက်တယ်။ ပဌမက
အတွင်းတိမ်ဖြစ်တယ်။ မျက်စိရေတိမ်ကို တိတ်တိတ်လေး အမြင်စွမ်းကို
အခိုးခံနေရတယ်လို့ တင်စားကြတယ်။ မျက်စိရောဂါတွေထဲမှာ
အရေးကြီးရောဂါတခုဖြစ်တယ်။ မျက်စိအတွင်းထဲမှာ ဖိအားသက်ရောက်တာ ခံနေရတယ်။
အချိန်နဲ့ တပြေးညီ စနစ်တကျ ကုသမှု မလုပ်ရင် အမြင်အာရုံကြောကို ထိခိုက်ရာကနေ
မြင်နိုင်စွမ်းကို ထိခိုက်စေမယ်။ အစပိုင်းမှာ ဘေးပိုင်းအမြင်
အားနည်တာဖြစ်စေမယ်။ နောက်ဆုံး မျက်စိကွယ်မယ်။ 

မျက်လုံတွင်းဖိအားကိုလည်း သွေးဖိအားကိုတိုင်းသလို mm Hg နဲ့တိုင်ပါတယ်။
သွေးပေါင်လို့ပြောတာမမှန်ပါ။ မျက်စိရေပေါင်လို့ပြောတာလည်း မမှန်ပါ။
မျက်လုံတွင်းဖိအားပုံမှန် 12-22 mm Hg ရှိတယ်။ ဒိထက်ကျော်ရင်များတယ်။ 

ရေတိမ်အမျိုးအစားတွေ 

(၁) Primary open-angle glaucoma ဆိုရင် အရည်ထွက်လမ်း လုံးဝပိတ်နေတာတော့
မဟုတ်ဘူး။ Trabecular meshwork ဆိုတာလေး တစိတ်တပိုင်း ပိတ်နေတယ်။
တဖြေးဖြေးချင်း မျက်စိနှစ်ဖက်လုံး မှုံလာတယ်။ အသက်ကြီးလာရင် Tunnel vision
ဖြစ်လာမယ်။

(၂) Acute angle-closure glaucoma ဆိုရင် မျက်စိအတင်းနာမယ်။ ပျို့-အန်မယ်။
ရုတ်တရက် မျက်စိမှုံလာမယ်။ အဝိုင်းကွင်းတွေ မြင်နေရမယ်။ မျက်စိနီနေမယ်။ Iris
သူငယ်အိမ်ကြွက်သား ရှေ့ဖက်ကို ဖေါင်းတာတယ်။ ကြာတော့ Aqueous fluid အရည်က
Trabecular meshwork ဆီ မရောက်နိုင်တော့ဘူး။ ရုတ်တရက်လဲဖြစ်သလို
ဖြေးဖြေးချင်းလည်း ဖြစ်နိုင်တယ်။ ဒေါင့်ကျဉ်းနေသူမှာ သူငယ်အိမ်ကျယ်လာရင်
Acute angle-closure glaucoma ဖြစ်လာနိုင်တယ်။ အမှောင်ထဲ
ဝင်လိုက်ချိန်မျိုး၊ စိတ်ဖိအားများတာမျိုး၊ စိတ်လှုတ်ရှားမှု များတာမျိုး၊
ဆေးတချို့ကြောင့်လည်း ဖြစ်နိုင်တယ်။ ဥပမာ Desloratadine (Clarinex),
Cetirizine (Zyrtec), Doxepin, Protriptyline (Vivactil), Atropine
eyedrops တွေဖြစ်တယ်။ 

တခြား အမျိုးအစားခွဲနည်းတွေ -

(1) Primary open-angle glaucoma ဖြစ်နေသူ တဝက်လောက်က ဒီရောဂါရှိနေတာကို မသိကြဘူး။

(2) Angle-closure glaucoma ရုတ်တရက်ဖြစ်တယ်။ 

(3) Normal-tension glaucoma ကို normal-pressure glaucoma, low-tension
glaucoma or low-pressure glaucoma လို့လဲခေါ်တယ်။ IOP က များမနေဘူး။
ဘာလို့ဖြစ်သလဲ မသေခြာဘူး။ ဂျပန်လူမျိုးတွေနဲ့ အမျိုးသမီးတွေမှာ ပိုဖြစ်တယ်။

(4) Pigmentary glaucoma ရှားတယ်။ ယောက်ျားတွေနဲ့ အသက် ၃ဝ-၄ဝ ကြားမှာ အဖြစ်များတယ်။

(5) Secondary glaucoma နာတာရှည်ဖြစ်တယ်။ မျက်စိထိခိုက်ခံထားရာကနေ
ဆက်ဖြစ်တယ်။ Eye infection, Inflammation, Tumor or enlargement of the
lens due to a Cataract တွေကနေလဲ ဆက်ဖြစ်နိုင်တယ်။ 

(6) Congenital glaucoma မွေးရာပါဖြစ်တယ်။ ကလေးငယ်တော့ စမ်းရခက်တယ်။ ယောက်ျားလေးတွေမှာ ပိုဖြစ်တယ်။

နောက်ဆက်တွဲဖြစ်လာနိုင်တာတွေ -

• Blind spots မျက်စိအမြင်စက်ဝန်း ဘေးပိုင်းမှာ မမြင်နိုင်တဲ့နေရာလေးတွေ ဖြစ်တယ်။

• Tunnel vision မြောင်းထဲကနေကြည့်နေရသလိုဖြစ်မယ်။

• Total blindness လုံးဝ မျက်စိကွယ်မယ်။

အရေးကြီးတဲ့ရောဂါတွေကို လူနာလာမှ ဆေးကုပေးတာမျိုးတင်မကဘဲ Screening ခေါ်တဲ့
လူအများကို ဆန်ခါတင် စစ်နည်းနဲ့ လုပ်ရတယ်။ ထုံးစံအတိုင်း မျက်စိစစ်ရင်
Tonometer ကရိယာသုံးတယ်။ IOP မျက်စိထဲက ဖိအားကို တိုင်းတယ်။ ပုံမှန်ဆိုရင်
IOP က 21 mmHg ထက်နည်းရတယ်။ 30 mmHg ထက်များနေရင် မျက်စိကွယ်ဘို့
ကောင်းနေသူတွေ 15 mmHg သာရှိနေသူတွေထက် ဖြစ်နိုင်ခြေ အဆ ၄ဝ များနေပြီ။

Optic nerve damage မျက်စိအာရုံကြောစစ်ဆေးမယ်။ Visual field test
မြင်ကွင်းအကျယ်တိုင်းမယ်။ Cornea thickness မျက်ကြည်လွှာအထူတိုင်းမယ်။
Sophisticated imaging technology နည်းအဆန်းနဲ့လဲ စမ်းနိုင်တယ်။
ဒီနည်းတွေထဲမှာ Scanning laser polarimetry (SLP), Optical coherence
tomography (OCT) and Confocal scanning laser ophthalmoscopy တွေပါတယ်။
Gonioscopy နဲ့ Visual field testing ဆိုတာတွေလဲ လုပ်တယ်။ 

မျက်စိရေတိမ်ကို ကုဘို့ရာ နည်း (၃) နည်းရှိတယ်။ မျက်စဉ်းနဲ့ ဆေးတွဲပေးတာဟာ
IOP ကျအောင်လုပ်တာဖြစ်တယ်။ နာတာမရှိတော့ မျက်စဉ်းခပ်ဘို့ ပေါ့ဆတတ်တယ်။

1. မျက်စဉ်း

• Prostaglandin-like compounds = Latanoprost (Xalatan) and Bimatoprost
(Lumigan) တွေသုံးတယ်။ ဘေးထွက်ဆိုးကျိုးတွေ = မျက်စိနဲနဲနီမယ်၊
သူငယ်အိမ်ပိုနက်မယ်။ ရောင်ချယ်ပိုများမယ်။ မျက်စိ သိပ်ကြည့်မကောင်း
ဖြစ်မယ်။ အမြင်လွှာရောင်မယ်။ 

• Beta blockers = Timolol (Betimol, Timoptic), Betaxolol (Betoptic) and
Metipranolol (Optipranolol) တွေ သုံးတယ်။ ဘေးထွက်-ဆိုးကျိုးတွေ =
အသက်ရှူခက်မယ်။ နှလုံးခုန်နှေးမယ်။ ဆံပင်ကျွတ်မယ်။ သွေးဖိအား ကျမယ်။
ကျား-အင်္ဂါသန်မှု နည်းမယ်။ အားယုတ်မယ်။ စိတ်ကျမယ်။ မှတ်ဉာဏ်လျှော့မယ်။
ပန်းနာရှိသူ၊ အသက်ရှူလမ်းရောဂါရှိသူ၊ ဆီးချိုရှိသူတွေကို သတိနဲ့သာပေးတယ်။ 

• Alpha-agonists = Apraclonidine (Iopidine) and Brimonidine (Alphagan)
တွေသုံးတယ်။ ဘေးထွက်-ဆိုးကျိုးတွေ = အားယုတ်၊ ခေါင်းမူး၊
မျက်စိနီ-ယား-ရောင်၊ အာခေါင်ခြောက်။ 

• Carbonic anhydrase inhibitors = Dorzolamide (Trusopt) and Brinzolamide
(Azopt) တွေ သုံးတယ်။ ဘေးထွက်ဆိုးကျိုးတွေ = ဆီးခဏခဏသွား၊ ခြေ-လက်ကျင်။ 

• Miotic or cholinergic agents = Pilocarpine (Isopto Carpine) and
Carbachol (Isopto Carbachol) တွေ သုံးတယ်။ ဘေးထွက်-ဆိုးကျိုးတွေ =
မျက်စိနေရာနာ၊ မျက်စိကြည့်မကောင်း၊ နှာစေးသလိုဖြစ်၊ တံတွေးများ၊ အစာမကျေ။ 

• Epinephrine compounds = Dipivefrin (Propine) ကို သုံးတယ်။
ဘေးထွက်-ဆိုးကျိုးတွေ = မျက်စိနီ၊ ရင်တုန်၊ သွေးဖိအားများ၊ ခေါင်းကိုက်၊
စိုးရိမ်။ 

2. စားဆေးတွေ

Eyedrops မျက်စဉ်းတခုတည်းနဲ့မရရင် သောက်ဆေးပေးမယ်။ Carbonic anhydrase inhibitor ဆေးကို အစာနဲ့ တွဲသောက်ရတယ်။ 

3. ခွဲစိတ်ကုသနည်း

သောက်ဆေး မခံနိုင်ရင်၊ သောက်ဆေး + မျက်စဉ်းနဲ့ မရရင် လိုအပ်ရင် ခွဲရမယ်။ 

• Laser surgery လေဆာနည်းနဲ့ခွဲခြင်း။ Open-angle glaucoma အတွက် Trabeculoplasty ကိုလုပ်တယ်။ 

• Filtering surgery မျက်စဉ်းရော လေဆာရောမရရင် Trabeculectomy နည်းလုပ်တယ်။

• Trabecular meshwork တစိတ်တပိုင်းကို Electrocauterizing tool သုံးပြီး ထုတ်ပေးတယ်။

• Drainage implants ဆိုတာ ထည့်ပေးတယ်။ 

အိမ်မှာ ဘယ်လိုနေမလဲ။ Acute angle-closure glaucoma ဒေါင့်ကျဉ်းရေတိမ်ဆိုတာ
အရေးပေါ်ဖြစ်တယ်။ ချက်ချင်း မျက်စိ အထူးကုဆရာဝန်ကို ပြပါ။ ရေ-အရည်
များများသောက်ပါ။ သင့်တော်တဲ့ ကိုယ်လက်-လေ့ကျင့်ခန်းလုပ်ပါ။ 

ပုံကတော့ ဒေါ်မြမြအေးကို မျက်စိအတွင်းဖိအား နည်းနည်းများနေလို့
ဒီမှာရှိတဲ့မျက်စိဆရာဝန်ကညွှန်ထားတဲ့ မျက်စဉ်း ၂ မျိုးပါ။ ခွဲစရာမလိုပဲ
သက်သာနေပါတယ်။ ဆေးပုလင်းမှာ နာမည်ကို ဒီမှာက ၂ လုံးသာသုံးလို့အဲလိုရေးတာပါ။
မေးခွန်းမေးတဲ့သူကလည်း မန္တလေးက အမျိုးသမီးလို့ထင်တယ်။ ကျွန်တော်ပဲသုံးတယ်။
ကျွန်တော့်နှမတွေနဲ့ သမီးတို့ကလည်း ကျွန်တော်ပဲပြောကြတယ်။

Dr. တင့်ဆွေ

၁၆-၆-၂ဝ၁၆

ကလေးမျက်ရည်ဝဲနေခြင်း။Dr. Tint Swe's Writings: Watery baby's eyes ။Sunday, August 23, 2015

ကလေးမွေးပြီးတပါတ်နေမှ သတိထားမိတာပါ။ ကလေးအသက် ၁ နှစ်ရှိပါပြီ။
မျက်လုံးတစ်ဖက်တည်းက ယိုနေတာပါဆရာ။ ဘာကြောင့်လဲ။ ဘယ်လိုလုပ်ရင်
ပျောက်ကင်းနိုင်မလဲ။ ကျေးဇူးပြုပြီး ပြန်လည်ဖြေပေးပါဆရာ။
မေးခွန်းမှာတော့ မျက်ရည်ဆိုတာမပါပါ။
မွေးကာစကလေးမှာ မငိုပဲနဲ့မျက်ရည်ဝဲနေရင် မျက်ရည်လမ်းကြောင်းလေးက
ကောင်းကောင်းမဖွံ့ဖြိုးသေးလို့ဖြစ်ပါမယ်။ ကလေး ၁ဝ ယောက်မှာ ၁ ယောက်လောက်
အဲလိုဖြစ်တတ်ကြတယ်။ သူ့အလိုလို ဖွံ့ဖြိုးမှုမီလာရင် ပြန်ကောင်းပါမယ်။

လူတိုင်းမှာ Lacrimal glands ခေါ်တဲ့ မျက်ရည်အိတ် တစုံစီ
မျက်စိရဲ့အထက်နေရာမှာပါကြတယ်။ အဲဒီကနေ မျက်ရည်အမြဲထွက်နေပြီး
မျက်ရည်ပြွန်ငယ်လေးကနေ နှာခေါင်ထဲစီးကျနေရမယ်။ အဲဒီအလုပ်မလုပ်နိုင်ရင်
ထွက်သမျှ မျက်ရည်က မျက်လုံးမှာပဲ စိုရွှဲနေမယ်။ မျက်စိကျိန်းသလို နီရဲမနေ
ရောင်မနေပါ။

မျက်စိကနေ ခပ်ပြစ်ပြစ်ထွက်နေတာရှိရင် အသာအယာ ရေစိုဝတ်ကလေးနဲ့
ရှင်းထုတ်ပေးပါ။ ကလေး မျက်စိ (နှာခေါင်းဖက်နေရာလေး) ကို
လက်ချောင်းလေးတချောင်းတည်းနဲ့ နှိပ်သလိုဖိဖိပေးသင့်တယ်။

အဲလိုဖြစ်နေတဲ့ကလေးတွေမှာ မျက်စိပိုးဝင်တာပိုဖြစ်လွယ်တယ်။ အဲာဖြစ်လာရင် ပိုးသေဆေးပါတဲ့ မျက်စဉ်းအပျော့စား လိုလာပြီ။တနှစ်သားအရွယ်ထိလည်းကြာတတ်တယ်။ လိုမယ်ထင်ရင် မျက်စိအထူးကုဆရာဝန်ကိုပြသင့်တယ်။

ဒေါက်တာတင့်ဆွေ

၂၄-၈-၂ဝ၁၅

မျက်သားခြောက်ခြင်း။ Dr. Thinzar Wynn (www.drmyanmar.com)

         မျက်သားခြောက်ခြင်းဆိုတာ ဖြစ်လေ့ဖြစ်ထရှိတဲ့ အခြေအနေတစ်ခုဖြစ်ပြီး မျက်ရည်တွေဟာ မျက်လုံးအတွက် ချောဆီအနေနဲ့ လုံလောက်စွာမပံ့ပိုးနိုင်တဲ့အချိန်မှာ ခံစားရနိုင်ပါတယ်။ ဥပမာအားဖြင့် မျက်ရည်အလုံအလောက်မထုတ်လုပ်နိုင်တဲ့အခါ (သို့) အရည်အသွေးမပြည့်တဲ့ မျက်ရည်တွေပဲ ထုတ်လုပ်နိုင်တဲ့အခါမှာ မျက်သားခြောက်ခြင်းဖြစ်တတ်ပါတယ်။

          မျက်သားခြောက်တဲ့အခါမှာ စူးသလိုလို ပူစပ်ပူလောင်ဖြစ်သလိုလိုနဲ့ နေလို့မကောင်းပါဘူး။ အထူးသဖြင့် မျက်သားခြောက်ခြင်းကို လေယာဉ်စီးခြင်း၊ လေအေးပေးစက်ဖွင့်ထားတဲ့ အခန်းထဲမှာနေခြင်း၊ ဆိုင်ကယ်စီးခြင်း (သို့) အချိန်အတော်ကြာအောင် ကွန်ပျူတာအသုံးပြုခြင်း စတဲ့အခြေအနေတွေမှာ ပိုမိုကြုံတွေ့ခံစားရနိုင်ပါတယ်။
          မျက်သားခြောက်ခြင်းအတွက် ကုထုံးတွေဖြစ်တဲ့ လူနေမှုပုံစံပြောင်းလဲခြင်းနဲ့ မျက်စဉ်းခတ်ခြင်းဖြင့် သက်တောင့်သက်သာ မဖြစ်မှုကိုလျော့နည်းစေနိုင်ပါတယ်။
♦ ရောဂါလက္ခဏာများ
        အများအားဖြင့် မျက်စိနှစ်ဖက်လုံးမှာ ဖြစ်တတ်ပြီး ရောဂါလက္ခဏာတွေကတော့ -
- မျက်လုံးအတွင်း၌ စူးအောင့်ခြင်း၊ ပူစပ်ပူလောင်ဖြစ်ခြင်း
- မျက်ဝတ်ထွက်ခြင်း
- အလင်းဒဏ်ကိုမခံနိုင်ခြင်း
- မျက်လုံးနီရဲခြင်း
- မျက်စိထဲ၌ ခိုးလို့ခုလုဖြစ်ခြင်း
- မျက်ကပ်မှန်တပ်ဆင်ရခက်ခဲခြင်း
- ညဘက်ကားမောင်းရခက်ခဲခြင်း
- မျက်သားခြောက်ခြင်းကြောင့် မသက်မသာဖြစ်မှုကို တုံ့ပြန်တဲ့အနေနဲ့ ခန္ဓာကိုယ်မှ အရည်များပိုမိုထုတ်လုပ်ကာ မျက်စိကိုစိုစွတ်စေခြင်း
- အမြင်အာရုံကြည်လင်ခြင်း၊ မျက်စိညောင်းခြင်း
♦ ဖြစ်ပွားရသည့်အကြောင်းအရင်းများ
        မျက်ရည်တွေမလုံလောက်ခြင်းကြောင့် မျက်သားခြောက်ရခြင်းဖြစ်ပါတယ်။ မျက်ရည်ဆိုတာ ရေ၊ အဆီနဲ့ အချွဲတွေ ရောနေတဲ့ အစုအပေါင်းတစ်ခုဖြစ်ပြီး မျက်စိရဲ့မျက်နှာပြင်ကို ချောမွေ့ကြည်လင်စေရုံသာမက မျက်လုံးအတွင်းသို့ ပိုးဝင်ခြင်းမှလည်း ကာကွယ်ပေးပါတယ်။
          အချို့သူတွေမှာ မျက်ရည်ထုတ်လုပ်မှုလျော့နည်းတာကြောင့် မျက်စိခြောက်ခြင်းကို ခံစားရတာဖြစ်ပါတယ်။ အခြားသူတွေမှာကတော့ မျက်ရည်အငွေ့ပျံ့နှုန်းမြန်လွန်ခြင်းနဲ့ မျက်ရည်ပြုလုပ်ရာမှာ ဟန်ချက်မညီခြင်းတို့ကြောင့် မျက်စိခြောက်ကြတာဖြစ်ပါတယ်။
♦ မျက်ရည်ထုတ်လုပ်မှုကျဆင်းခြင်း
        မျက်ရည်ထုတ်လုပ်မှု မလုံလောက်တာကြောင့် မျက်စိခြောက်ရခြင်းကို ဆေးပညာဝေါဟာရအရ Kerato conjunctivitis scca လို့ခေါ်ကြပါတယ်။ မျက်ရည်ထုတ်လုပ်မှုကျဆင်းရတဲ့ အကြောင်းအရင်းတွေကတော့ -
- အသက်အရွယ်ကြီးရင့်လာခြင်း
- ဆီးချိုရောဂါ၊ အဆစ်အမြစ်ရောင်ရမ်းခြင်းရောဂါ၊ ခန္ဓာကိုယ်ခုခံအားစနစ် တုံ့ပြန်မှုလွန်ကဲခြင်းရောဂါများ၊ အရေပြားတောင့်တင်းရင့်မာခြင်းရောဂါ၊ တံတွေးနဲ့မျက်ရည်ဂလင်း ပုံမှန်မဟုတ်တဲ့ ရောဂါ၊ လည်ပင်းကြီးရောဂါနဲ့ ဗီတာမင် A ချို့တဲ့ခြင်း စတဲ့ရောဂါအခြေအနေများ
- အချို့သောဆေးဝါးများ (ဥပမာ - ယားယံမှုသက်သာစေသော ဆေးများ၊ နှာရည်ယိုခြင်းမှ သက်သာစေသော ဆေးများ၊ ဟော်မုန်းဆေးများ၊ စိတ်ကျရောဂါကုသရာတွင် အသုံးပြုသောဆေးများ၊ သွေးတိုးကျဆေး၊ ဝက်ခြံပျောက်ဆေး၊ သန္ဓေတားဆေးများ)
- မျက်စိကို လေဆာဖြင့်ခွဲစိတ်မှုခံယူခြင်း (မျက်စိခြောက်ခြင်းကို ခေတ္တခဏသာခံစားရလေ့ရှိပါတယ်။)
- ရောင်ရမ်းခြင်းနှင့် ဓာတ်ရောင်ခြည်တို့ကြောင့် မျက်ရည်ဂလင်းများ ပျက်စီးခြင်း
♦ မျက်ရည်အငွေ့ပျံနှုန်းမြင့်မားခြင်း
- လေတိုက်ခြင်း၊ ဆေးလိပ်သောက်ခြင်း၊ ခြောက်သွေ့သောလေ
- တစ်စုံတစ်ခုကို အာရုံစိုက်နေစဉ် မျက်တောင်ခတ်တဲ့အကြိမ်ရည်နည်းပါးခြင်း (ဥပမာ - စာဖတ်ခြင်း၊ ကားမောင်းခြင်း၊ ကွန်ပျူတာဖြင့် အလုပ်လုပ်ခြင်း)
- မျက်ခွံအပြင်ဘက်သို့ လန်ခြင်း (သို့) အတွင်းသို့စိုက်ဝင်နေခြင်း
♦ မျက်ရည်တွင်ပါဝင်မှုအချိုးအစား မညီမျှခြင်း
        မျက်ရည်တွင် ဆီ၊ ရေနဲ့ အချွဲဟူ၍ အခြေခံအလွှာ 3 လွှာပါရှိပါတယ်။ ဒါကြောင့် ဘယ်အလွှာမှာပဲ ပြဿနာရှိရှိ မျက်စိခြောက်ခြင်းဝေဒနာကို ခံစားရနိုင်ပါတယ်။ ဥပမာအားဖြင့် မျက်ခမ်းစပ်မှာရှိတဲ့ အဆီထုတ်ပေးနိုင်တဲ့ ဂလင်းလေးများ ပိတ်ဆို့သွားခြင်းဖြစ်ပါတယ်။ ထိုသို့ဖြစ်ရခြင်းအကြောင်းအရင်းမှာ မျက်ခမ်းစပ်ရောင်ရမ်းခြင်းနဲ့ အခြားအရေပြားပြဿနာတွေကြောင့်ပဲဖြစ်ပါတယ်။
♦ ဖြစ်ပွားမှုနှုန်းမြင့်တက်စေနိုင်သော အချက်များ
အသက် 50 နောက်ပိုင်းတွင်းအဖြစ်များခြင်း - အသက်ကြီးလာတာနဲ့အမျှမျက်ရည်ထုတ်လုပ်မှုနှုန်းကျဆင်းသွားလို့ပဲဖြစ်ပါတယ်။
အမျိုးသမီးဖြစ်ခြင်း - အမျိုးသမီးများတွင် ပိုမိုဖြစ်ပွားရခြင်းမှာ ကိုယ်ဝန်ဆောင်ခြင်း၊ သန္ဓေတားဆေးများသုံးစွဲခြင်း၊ သွေးဆုံးခြင်းတို့ကြောင့် ဟော်မုန်းများပြောင်းလဲခြင်း
- အသည်း၊ မုန်လာဥနီ၊ ပန်းဂေါ်ဖီစိမ်းတို့တွင်ပါဝင်လေ့ရှိသော ဗီတာမင် A ဓာတ်ချို့တဲ့ခြင်း (သို့) ငါး၊ သစ်ချသီးနဲ့ ဟင်းသီးဟင်းရွက်ဆီတို့တွင်ပါဝင်သော အိုမီဂါ 3 အက်ဆစ်ဘီဓာတ်စားသုံးမှုနည်းပါးခြင်း
- မျက်ကပ်မှန်ဝတ်ဆင်ခြင်း
♦ နောက်ဆက်တွဲဆိုးကျိုးများ
မျက်စိပိုးဝင်ခြင်း - မျက်ရည်တွေဟာ မျက်စိရှေ့မှာ အလွှာတစ်ခုအနေနဲ့ကာကွယ်ထားပြီး ရောဂါပိုးမဝင်အောင်ဟန့်တားပေးထားပါတယ်။ ဒါကြောင့် မျက်ရည်တွေမလုံလောက်တဲ့အခါမှာ မျက်စိအတွင်းသို့ ရောဂါပိုးဝင်ရောက်နိုင်ချေမြင့်တက်လာပါတယ်။
- မကုသဘဲထားပါက မျက်လုံးမျက်နှာပြင်ပျက်စီးနိုင်ပါတယ်။ ဆိုးဆိုးရွားရွားမျက်စိခြောက်တဲ့သူတွေမှာ မျက်စိရောင်ရမ်းခြင်း၊ မျက်ကြည်လွှာပွန်းပဲ့ခြင်း၊ မျက်ကြည်လွှာတွင် အနာဖြစ်ခြင်းနဲ့ အမြင်အာရုံပြဿနာတွေကို ရင်ဆိုင်ရနိုင်ပါတယ်။
- ဘဝရဲ့တန်းဖိုးလျော့ကျသွားသည်ဟုခံစားရစေခြင်း၊ စာဖတ်ခြင်းကဲ့သို့ နေ့စဉ်လုပ်ငန်းဆောင်တာတွေကို လုပ်ဆောင်ရာတွင် အခက်အခဲတွေ့နိုင်ပါတယ်။
♦ စမ်းသပ်စစ်ဆေးမှုများနှင့် ရောဂါရှာဖွေခြင်း
- မျက်စိစမ်းသပ်ခြင်းနှင့် ရောဂါရာဇဝင်မေးမြန်းခြင်း
- မျက်ရည်ပမာဏကိုတိုင်းတာခြင်း၊ အောက်မျက်ခမ်းပေါ်တွင် ဆီစုတ်စက္ကူအပိုင်းအစတစ်ခုကိုတင်၍ ငါးမိနစ်ခန့်ကြာလျှင် ၎င်းစက္ကူကိုကြည့်၍ ဆရာဝန်မှ မျက်ရည်ထွက်နှုန်းကိုတိုင်းတာခြင်း
- မျက်ရည်အရည်အသွေးကိုစစ်ဆေးခြင်း၊ ဆရာဝန်မှ အထူးပြုလုပ်ထားတဲ့ ဆိုးဆေးမျက်စဉ်းကို ခတ်ပေးကာ မျက်ကြည်လွှာပေါ် စွန်းထင်မှုပုံသဏ္ဍာန်ကိုကြည့်ခြင်းနှင့် အငွေ့ပျံချိန်ကိုတိုင်းတာခြင်း
♦ ကုသမှုခံယူခြင်း
        တစ်ခါတစ်ရံနဲ့ ဆိုးဆိုးရွားရွားမဟုတ်တဲ့ မျက်လုံးဝေဒနာတွေအတွက် မျက်ရည်တုခတ်ခြင်းဖြင့် သက်သာစေပါတယ်။ ဒါပေမယ့် ရောဂါလက္ခဏာတွေက ပိုမိုပြင်းထန်ပါက မျက်စိခြောက်စေတဲ့အကြောင်းအရင်းပေါ်မူတည်၍ ကုထုံးအမျိုးမျိုးရှိပါတယ်။
          အချို့သောကုသမှုတွေဟာ မျက်စိခြောက်စေနိုင်တဲ့ အခြေအနေတွေကို ဖယ်ရှားရှင်းလင်းခြင်းဖြစ်ပြီး အချို့ကုထုံးတွေကတော့ မျက်ရည်အရည်အသွေးကို ကောင်းမွန်စေ၍ မျက်လုံးမှမျက်ရည်များလျင်မြန်စွာ စိမ့်ထွက်သွားစေခြင်းကို ဟန့်တားပေးခြင်းဖြစ်ပါတယ်။
♦ မျက်စိခြောက်ခြင်းဖြစ်စေသည့် နောက်ခံအကြောင်းအရင်းကို ကုသခြင်း
မျက်ခမ်းရောင်ရမ်းခြင်းကို သက်သာစေနိုင်သော ဆေးများ
        မျက်ခမ်းစပ်တစ်လျှောက် ရောင်ရမ်းခြင်းကြောင့် မျက်ရည်အတွက်လိုအပ်တဲ့ အဆီများထုတ်လုပ်ပေးတဲ့အဆီဂလင်းတွေကို အနှောက်အယှက်ဖြစ်စေပါတယ်။ ထိုအခြေအနေအတွက် ဆရာဝန်မှ ပဋိဇီဝဆေးများပေးလေ့ရှိပါတယ်။ မျက်စိခြောက်ခြင်းအတွက် အသုံးပြုတဲ့ပိုးသတ်ဆေးတွေဟာ အများအားဖြင့် ပိုးသတ်ဆေးတွေဖြစ်ပြီး တစ်ခါတစ်လေမှာတော့ မျက်စဉ်းတွေလည်းဖြစ်တတ်ပါတယ်။
- ကိုယ်ခံအားစနစ်ကိုကျဆင်းစေတဲ့ဆေးများ (သို့) စတီးရွိုက်ပါဝင်တဲ့ မျက်စဉ်းများကိုအသုံးပြုခြင်းဖြင့် မျက်ကြည်လွှာရောင်ရမ်းခြင်းကို သက်သာစေနိုင်ပါတယ်။ ဒါပေမယ့် စတီးရွိုက်တွေရဲ့ ဘေးထွက်ဆိုးကျိုးတွေကြောင့် ရေရှည်သုံးစွဲဖိုတော့မသင့်တော်ပါဘူး။
- ပြင်းထန်တဲ့မျက်စိဝေဒနာကို မျက်ရည်တုတွေက မသက်သာစေဘူးဆိုပါက hydroxypropyl cellulose (lacrisert) ပါဝင်တဲ့ ဆန့်စေကဲ့သို့ မျက်စိအတွင်းထည့်ပစ္စည်းကို မျက်လုံးနဲ့အောက်မျက်ခမ်းကြားမှာထည့်ထားပါ။ ၎င်းပစ္စည်းမှာ တဖြည်းဖြည်းပျော်ဝင်ကာ မျက်ရည်တုမှာပါဝင်တဲ့ ဓာတ်ပေါင်းများစွာကို ထုတ်ပေးခြင်းဖြင့် မျက်လုံးကိုချောမွေ့စေပါတယ်။
- မျက်ရည်ထွက်နှုန်းကို အားပေးတဲ့ဆေးများ (cholinergics) - ဆေးလုံး၊ လှဲလ် (သို့) မျက်စဉ်းအနေနဲ့အသုံးပြုနိုင်ပြီး ဘေးထွက်ဆိုးကျိုးအနေနဲ့ကတော့ ချွေးထွက်လွန်ခြင်းပဲဖြစ်ပါတယ်။
- မိမိရဲ့သွေးဖြင့် ပြုလုပ်တဲ့မျက်စဉ်း - မျက်စိခြောက်ခြင်းဝေဒနာဟာ ဆိုးရွားလွန်းတာကြောင့် တခြားကုသမှုတွေနဲ့ မသက်သာတော့ဘူးဆိုပါက သွေးနမူနာကိုယူကာ သွေးနီဥတွေကိုဖယ်ရှားပြီး ဆားရည်ဖြင့်ရော၍ မျက်စဉ်းပြုလုပ်နိုင်ပါတယ်။
♦ အခြားကုထုံးများ
မျက်ရည်ဆုံးရှုံးခြင်းမှကာကွယ်ရန် မျက်ရည်စီးကြောင်းပြွန်များကိုပိတ်ခြင်း
          မျက်ရည်တွေကိုအဝေးသို့သယ်ဆောင်သွားနိုင်တဲ့ ပြွန်တွေကို လုံးဝ (သို့) တစ်စိတ်တစ်ဒေသပိတ်ဆို့လိုက်ခြင်းဖြင့် မျက်လုံးမှ မျက်ရည်များအလျင်အမြန်စီးဆင်းသွားခြင်းကို ကာကွယ်နိုင်ပါတယ်။
- မျက်ရည်စီးကြောင်းပြွန်များကို ဆီလီကွန်အဆို့များဖြင့် ယာယီပိတ်ခြင်း (သို့) အပူပေး၍ အမြဲတစေပိတ်ဆို့ခြင်း
အထူးပြုလုပ်ထားတဲ့ မျက်ကပ်မှန်များကို တပ်ဆင်ခြင်း - ၎င်းမျက်ကပ်မှန်တွေဟာ မျက်လုံးမျက်နှာပြင်ကို ကာကွယ်ပေးနိုင်ရုံသာမက မျက်လုံးအစိုဓာတ်ကိုလည်း ထိန်းပေးပါတယ်။
ပိတ်ဆို့နေသော အဆီဂလင်းများကိုဖွင့်ပေးခြင်း - ကုသနေစဉ်အတွင်းမှာ မျက်လုံးအကာနဲ့တူတဲ့ ပစ္စည်းတစ်မျိုးကို မျက်လုံးပေါ်တင်ထားပါတယ်။ ၎င်းပစ္စည်းသည် အောက်မျက်ခမ်းကို အပူပေး၍ 15 မိနစ်ခန့် ညင်သာစွာနှိပ်နယ်ပေးပါတယ်။ ဒီနည်းလမ်းဟာ ပုံမှန်ရေနွေးကပ်ခြင်းနဲ့ မျက်ခမ်းဆေးကြောခြင်းတို့ထက် ပိုကောင်းတယ်လို့တော့မဆိုလိုပါဘူး။
အလင်းကုထုံးနှင့် မျက်ခမ်းနှိပ်နယ်ခြင်း - ပြင်းထန်ဆိုးရွားတဲ့မျက်စိခြောက်ခြင်းတွေကို ကုသဖို့အတွက် နည်းစနစ်တစ်ခုကတော့ အလင်းကုထုံးဖြင့်ကုသမှုခံယူပြီးနောက် မျက်ခမ်းများကို နှိပ်နယ်ပေးခြင်းပဲဖြစ်ပါတယ်။

Dr. Thinzar Wynn (www.drmyanmar.com)

မျက်စိများကို ဂရုစိုက်ပါ။www.7daydaily.com.No.1484 Sunday, June 25, 2017

ကွန်ပျူတာနှင့် စမတ်ဖုန်းများ အသုံးပြုမှု ပိုများလာစဉ် ကွန်ပျူတာမျက်နှာပြင်ကို ကြည့်ခြင်းနှင့်ဆိုင်သော အမြင်အာရုံချို့တဲ့မှုကို ကာကွယ်ရန် အကောင်းဆုံးနည်းလမ်းမှာ မျက်စိများကို မကြာခဏ အနားပေးခြင်းဖြစ်သည်ဟု ပညာရှင်များကပြောသည်။
ကွန်ပျူတာကိုအချိန်အကြာကြီး စိုက်ကြည့်ခြင်းကြောင့် အ မြင့်အာရုံကို ခေတ္တဝေဝါးသွားစေနိုင်သည်။ ကွန်ပျူတာအသုံးပြုနေ ချိန်အတွင်း အဝေးတစ်နေရာသို့ ခေတ္တကြည့်ပေးခြင်းဖြင့် မျက်စိအတွက် အထောက်အကူဖြစ်နိုင်သည်။ မိနစ် ၂၀ မှ ၃၀ ကြာတိုင်း မျက်စိကို မိနစ်အနည်းငယ် ပိတ်ထားခြင်းဖြင့်လည်း မျက်စိကျန်းမာရေးကို ကောင်းမွန်စေနိုင်သည်။

နှစ်အနည်းငယ်ကြာတိုင်း မျက်မှန်များ လဲလှယ်ရန် လိုသော် လည်း မျက်မှန်ကြောင့် မျက်စိကိုအားနည်းစေခြင်း မရှိပေ။ သို့သော် အရွယ်ကိုလိုက်၍ အမြင်အာရုံပြောင်းလဲမှုများ ဖြစ်နိုင်သည်။
မျက်စိနားတစ်ဝိုက် မိတ်ကပ်လိမ်းခြင်းနှင့် အခြားအလှပြင်ခြင်းများကြောင့် မျက်စိကို ထိခိုက်စေနိုင်သဖြင့် သတိထားသင့် သည်။
ဆေးလိပ်သောက်ခြင်းကြောင့် အမြင်အာရုံအဆင့် လျော့ကျမှုများ ဖြစ်စေနိုင်သဖြင့် ဆေးလိပ်ဖြတ်သင့်သည်။ ဆေးလိပ်သောက်ခြင်းကြောင့် မျက်စိ၏ သွေးကြောမျှင်လေးများ ပျက်စီးနိုင် သည်။
မျက်ကပ်မှန်တပ်ဆင်နေရပါက ညအချိန်ထိ မျက်ကပ်မှန် တပ်မထားသင့်ဘဲ မှန်ကန်သောနည်းလမ်းဖြင့် အသုံးပြုရန် အရေးကြီးသည်။  သို့မဟုတ်ပါက အမြင်အာရုံဆုံးရှုံးနိုင်သည်။ မျက်ကပ်မှန်များကို သန့်စင်သော ရေထဲတွင်ထားကာ သန့်ရှင်းသော လက်များဖြင့် ကိုင်တွယ်သင့်သည်။
ဘဝတစ်သက်တာတွင် မျက်မှန်တပ်ရခြင်း၊ မျက်ကပ်မှန်တပ် ဆင်ရခြင်း (သို့မဟုတ်) မျက်စိခွဲစိတ်ကုသခံရခြင်းတို့ကို တစ်ချိန်ချိန် ကြုံတွေ့ရမည်မှာ အသေးအမွှားပင်ဖြစ်သည်။ သို့သော်အပြင်ဘက် သဘာဝပတ်ဝန်းကျင်တွင် အချိန်ကြာကြာနေခြင်းဖြင့် အမြင်အာရုံ ကို ပိုကောင်းစေကြောင်း လေ့လာမှုများကဖော်ပြသည်။

မျက်စိခြောက်သွေ့ခြင်းဝေဒနာ။ (မောင်ပြည့်အောင်(Ophthalmic Assistant)(ယနေ့ ၂၁/၆/၁၇ ရက်နေ့ထုတ် The Voice Daily နေ့စဉ်သတင်းစာပါ ဆောင်းပါး)

        မျက်စိခြောက်သွေ့ခြင်းကြောင့်ဖြစ်သော ဝေဒနာသည် ခေတ်သစ်လူနေမှုပုံစံကြောင့် ဖြစ်ပွားရ သော မျက်စိပြဿနာများအနက် အဖြစ်များသောစာရင်းတွင်ပါဝင်ပါသည်။ မျက်စိခြောက်သွေ့ခြင်း ကို အလေးမထားဘဲ လှစ်လျူရှုခြင်းကြောင့် ဖြစ်ပေါ်လာမည့် နောက်ဆက်တွဲဆိုးကျိုးများသည်၊ အမြင်အာရုံကို ထိခိုက်ကျဆင်းစေနိုင်သဖြင့် ပျောက်ကင်းသည်အထိ ဂရုတစိုက်ကုသသင့်သော မျက် စိရောဂါလည်းဖြစ် ပါသည်။ဤဆောင်းပါးတွင် မျက်စိခြောက်သွေ့ခြင်းအကြောင်းနှင့် မျက်စိအထူးကု ဆရာဝန်များ၏ ကုသပေးပုံများကို အများပြည်သူရှုဒေါင့်မှ ဗဟုသုတအလျို့ငှာရေးသား ဖော်ပြထား ပါသည်။

မျက်ဝန်းအိမ် (မျက်လုံးနှင့်မျက်ခွံတို့အကြားဧရိယာ) ၏အတွင်း၌ လိုအပ်သော မျက်ရည် ပမာဏအတိုင်း အလုံအလောက်ရှိနေပါက ပြည့်ဝသော အမြင်အာရုံကို ရရှိနေမည်ဖြစ်ပြီး ကာယကံ ရှင်သည်လည်း သက်တောင့်သက်သာ ရှိနေမည်ဖြစ်ပါသည်။ မျက်ဝန်းအတွင်းရှိ မျက်ရည်များက မျက်လုံးနှင့် မျက်ခွံတို့အကြား နေရာအနှံ့အပြားသို့ ရည်ငွေ့နှင့်အစိုဓါတ်များ ပြန့်နှံ့စေသဖြင့် ချောမွေ့နေ သောကြောင့် မျက်လုံးအဖွင့်အပိတ် ပြုရာတွင်လည်းကောင်း၊ မျက်ကြည်လွှာသည် ၎င်း၏အာဟာရ ဖြစ်သော မျက်ရည်ကို အလုံအလောက် ရရှိနေသောကြောင့်လည်းကောင်း၊ သက်တောင့်သက်သာ ဖြင့် ကြည်ကြည်လင်လင် မြင်နေကြရခြင်း ဖြစ်ပါသည်။

မျက်ရည်တွင် ရည်ငွေ့နှင့်အစိုဓါတ်လုံလောက်စွာ ရရှိစေရန်အတွက် ရေဓါတ် (Water for moisture) ၊ မျက်ခွံနှင့်မျက်လုံးတို့၏ ပွတ်တိုက်လှုပ်ရှားမှုများ ချောမွေ့စေရန်အတွက် အဆီဓါတ်  ( Oil  for lubrication )  ၊ ရေဓါတ်နှင့် အဆီဓါတ်တို့ ပျံနှံ့ဖုံးလွှမ်းထားနိုင်စေရေးအတွက် ချွဲပြစ်ဓါတ်      (Mucus,for even spreading ) ၊မျက်ခွံနှင့်မျက်လုံးတို့တွေ့ဆုံရာ ဒေါင့်ချိုးနေရာ၌ ရောဂါပိုးများ ဝင်ရောက်ခြင်းနှင့် ရောဂါကူးစက်ခြင်းများမှ ကာကွယ်ရန်အတွက် ရောဂါကာကွယ်ရေးပဋိပစ္စည်းများ  ( Antibodies and special protection that keep infection at bay ) စသည်ဖြင့်ပါဝင်ပါသည်။

                      

          မျက်ရည်လမ်းကြောင်းအင်္ဂါစု၏ သရုပ်ပြပုံ

မျက်ရည်များသည် မျက်ရည်ထွက်ဂလင်းများမှ ပေါ်ထွက်စီးဆင်းလာပြီး မျက်ဝန်းအတွင်း ပျံနှံ့ စေလျက် ပိုလျံသောမျက်ရည်များသည် ၎င်း၏စနစ်အတိုင်း မျက်ရည်ထွက်ပေါက်မှတဆင့် နှာခေါင်း အတွင်းသို့ရောက်ရှိ၏။ မျက်စိခြောက်သွေ့ခြင်း၏ အခြေခံအကြောင်းတရားသည် ၎င်းမျက်ရည်လမ်း ကြောင်းအင်္ဂါစု၏ လုပ်ငန်းစဉ်များအနက် အနည်းဆုံးတခုမဟုတ်တခု ချို့ယွင်းခြင်းကြောင့်ပင် ဖြစ်ပါ သည်။ မျက်ဝန်းအိမ်အတွင်း လုံလောက်သော စိုစွတ်ချောမွေ့မှုမရှိလျှင် မျက်စိခြောက်သွေ့ခြင်း (Dry Eye)ပင်ဖြစ်ကြောင်း သတိမူကြ ရမည်ဖြစ်ပါသည်။

လက္ခဏာရပ်များအဖြစ် မျက်ဝန်းအိမ်အတွင်း သဲများဝင်နေသကဲ့သို့ စူးနင့်နင့် ခံစားရခြင်း၊ မျက်ဝန်းအတွင်း မည်သည့်အရာမှမဝင်ဘဲ တခုခုဝင်နေသကဲ့သို့ခံစားရခြင်း၊ မျက်စိယားယံခြင်း၊ မျက်စိနီခြင်း၊ အမြင်ဝေဝါးခြင်း၊ အလင်းဒဏ်ကို မခံနိုင်ခြင်း၊စသည်တို့ကိုခံစားရမည်ဖြစ်၏။

တခါတရံတွင် မျက်စိခြောက်သွေ့သော ဝေဒနာရှိနေသော်လည်း၊ မျက်ရည်များ ကျနေတတ် သည်ကိုလည်း တွေ့ကြရမည်ဖြစ်ပါသည်။ ဤကဲ့သို့ နားလည်ရခက်ခဲသော အခြေအနေကို တန်ပြန် မျက်ရည် (သို့) အတုအယောင်မျက်ရည်ကျခြင်း (reflex tearing)ဟု ခေါ်ပါသည်။ နာကျင်မှု ကျိန်းစပ် မှုများကြောင့်ကျသော မျက်ရည်ဖြစ်ပြီး၊ မျက်စိကိုစိုစွတ်စေလျက် သက်တောင့်သက်သာ ဖြစ်စေသော အရည်ဓါတ်မပါဝင်ချေ။ ခန္ဓာကိုယ်ရှိ အာရုံခံစနစ်များ၏သဘာဝအရ ခံစားနေရသောဝေဒနာကို သက်သာရာရစေရန် ရည်ရွယ်ချက်တခုတည်းအတွက်သာ မျက်ရည်အများအပြားကို ထုတ်လွှတ် ပေးခြင်းဖြစ်၏။ ၎င်းမျက်ရည်များသည် မျက်ဝန်းတွင်းရှိ ဖုန်အမှိုက်ကဲ့သို့ အစအနများကိုသာ ဖယ်ရှားရှင်းလင်းနိုင်မည်ဖြစ်ပြီး ရိုးရိုးရေနှင့် အလားသဏ္ဍာန်တူပါသည်။ သဘာဝအတိုင်းရှိသော မျက်ရည်ကဲ့သို့ မျက်စိကိုစိုစွတ်စေခြင်း ၊ အရည်အလွှာပါးကဲ့သို့ မျက်စိကိုဖုံးလွှမ်းထားခြင်းများ ပြုစေမည်မဟုတ်ပေ။

ထို့ပြင် မျက်ရည်လမ်းကြောင်းအင်္ဂါစုအတွင်း မျက်ရည်စီးဆင်းမှုစနစ် ချို့ယွင်းမှုကြောင့်လည်း ကောင်း၊ မိမိတို့၏ပတ်ဝန်းကျင်ရှိ လေအေးပေးစက်များ အပူပေးစက်များကြောင့်လည်းကောင်း  မျက် လုံး၏ အပေါ်ယံတွင် ဖြန့်ကျက်လွှမ်းခြုံလျှက်ရှိသည့် မျက်ရည်အလွှာပါး ပျက်ယွင်းသွားသောကြောင့် မျက်စိခြောက်သွေ့ခြင်း ပေါ်ပေါက်လာရပါသည်။ထိုမျှသာမက အောက်ပါအကြောင်းများကြောင့်လည်း မျက်စိခြောက်ခြင်းများ ဖြစ်နိုင်ပါသေးသည်။

(၁)အသက်အရွယ်ကြီးမှုသဘာဝကြောင့်ဖြစ်ရခြင်း(အထူးသဖြင့် အမျိုးသမီးများ သွေးဆုံးချိန်တွင်ဖြစ် တတ်၏)။   
(၂)အသုံးပြုသောဆေးဝါးများ၏ ဘေးထွက်ဆိုးကျိုးများကြောင့် ဖြစ်ပွားခြင်း(အထူးသဖြင့် antihista- mine ကဲ့သို့သော ဓါတ်မတဲ့မှုကြောင့်ဖြစ်သော ရောဂါကုဆေးများ)။
(၃)မျက်ရည်ထွက်ဂလင်းနှင့် မျက်ရည်လမ်းကြောင်းအင်္ဂါစုတို့၏ လုပ်ငန်းစဉ်များကိုထိခိုက်စေသည့် ရောဂါများဖြစ်ပွားခြင်း(sjogren’s syndrome,အဆစ်အမြစ်ရောင်ရမ်းကိုက်ခဲသည့်ရောဂါ-rheuma- toid arthritis,သွေးကြောများနှင့်ဆိုင်သော ရောဂါများ - collagen vasculer diseases)။
(၄)မျက်ခွံပိတ်၍မရသော ပြဿနာတခုခုဖြစ်ခြင်း။  - စသည်တို့ဖြစ်၏။

မျက်စိခြောက်သွေ့ခြင်းကို ကုသသည့်နည်းလမ်းများ

          မျက်စိခြေက်သွေ့ခြင်းကို ကုသခြင်းသည် မျက်စိအထူးကုဆရာဝန်ကြီးများကသာ ဆောင်ရွက် ရမည့် ကိစ္စဖြစ်ပါသည်။အထက်ဖော်ပြပါ ဖြစ်ပွားရခြင်း၏ အကြောင်းရင်းများကိုလေ့လာကြည့်လျှင် သာမန်ပြည်သူတို့အဖို့ ဖြစ်ပွားရခြင်း၏ဇစ်မြစ်အမှန်ကို သိရန်မလွယ်ကူကြောင်းထင်ရှားပါသည်။ ဤ နေရာ၌ ဗဟုသုတအလို့ငှာကုသနည်းအချို့ကိုရေးသားတင်ပြခြင်းဖြစ်ပါသည်။

မျက်ရည်တုမျက်စဉ်း(artifical tear drop)နှင့်ကော်မျက်စဉ်း(ointment)များကိုအသုံးပြုခြင်း

          မျက်ရည်တုမျက်စဉ်းနှင့် ကော်မျက်စဉ်းများခပ်ခြင်းသည် အသုံးများသောကုသနည်းတခုဖြစ် ပါသည်။ ဆေးဆိုင်များနှင့်စတိုးဆိုင်များတွင် အလွယ်တကူဝယ်ယူရရှိနိုင်သော ပစ္စည်းများလည်းဖြစ်ပါ သည်။ရေရှည်ဖြစ်နေသော မျက်စိခြောက်သွေ့သည့်ဝေဒနာရှင်အနေဖြင့် မျက်ရည်တုမျက်စဉ်းကို မျက် စိအထူးကုဆရာဝန်၏ ညွှန်ကြားချက်အတိုင်းခပ်ရန်လိုအပ်ပါသည်။ မျက်စိတွင်လုံလောက်သော စို စွတ်မှု ရှိလာသည့်အချိန်ထိ(သို့မဟုတ်) သက်သာပျောက်ကင်းသည်အထိ ခပ်ရန်လိုအပ်ပါသည်။ အိပ်နေသောအချိန်များ၌ မျက်စိကိုစိုစွတ်နေစေရန်အတွက်မူ ပိုမိုကြာရှည်စွာ စိုစွတ်မှုပေးသည့် ကော်မျက်စဉ်း(Ointment)ကိုခပ်၍ အိပ်သင့်ပါသည်။ အချို့သောမျက်စိ ဆရာဝန်ကြီးများကလည်း အိပ်နေစဉ်တွင်(ကော်မျက်စဉ်းခပ်ရန်လိုအပ်သည့်အပြင်) လေကာမျက်မှန်(၎င်းကိစ္စအတွက် အထူး ထုတ်လုပ်ထားသော) တပ်၍အိပ်သင့်ကြောင်းအကြံပြုသည် များလည်းရှိ ပါသည်။

အခြားသောကုသနည်းများ

          မျက်စိခြောက်သွေ့ရခြင်း၏ အကြောင်းရင်းဇစ်မြစ်သည် မျက်ရည်လမ်းကြောင်းအင်္ဂါစုအတွင်း ရှိ(မျက်ရည်ထွက်ဂလင်းမှလာသော) မျက်ရည်လမ်းကြောင်းပိတ်ခြင်း နှင့် မျက်ရည်ထွက်ပေါက်ပိတ် ခြင်းများကြောင့်ဖြစ်(မျက်စိဆရာဝန်၏ဆုံးဖြတ်ချက်အရသိရ)လျှင်၊ မျက်စိခွဲစိတ်အထူးကုဆရာဝန်ကြီး များသည် မျက်ရည်လမ်းကြောင်းနှင့် မျက်ရည်ထွက်ပေါက်များပွင့်စေရန်အတွက် အသေးစားခွဲစိတ် ကုသမှုပြုခြင်းဖြင့် သက်သာပျောက်ကင်းစေမည် ဖြစ်ပါသည်။ ခွဲစိတ်ကုသမှုဟုဆိုသော်လည်း ခွဲစိတ်မှု ပါဝင်မည်မဟုတ်ဘဲ ခေတ်မီကရိယာများဖြင့် ပြုပြင်ပေးခြင်းသာဖြစ်ပါသည်။မျက်ရည်လမ်းကြောင်း အတွင်း ရောက်ရှိနိုင်သည့် ကရိယာကိုအသုံးပြု၍ ဆေးကြောခြင်း၊ မျက်ရည်ထွက်ပေါက်ကို ချဲ့ထွင် သည့်ကရိယာဖြင့် ချဲ့ထွင်ပေးခြင်းများကိုပြုခြင်းသာဖြစ်၏။

          သို့ဖြစ်ရာ မျက်စိခြောက်သွေ့ခြင်းဝေဒနာ(ရောဂါအဖြစ်မရောက်မီ)ကိုခံစားရလျှင် သာမန် ဖြစ်ရိုးဖြစ်စဉ်သဘောမျိုးမယူဆဘဲ အလေးထားသင့်ပါသည်။မျက်စိခြောက်သွေ့ခြင်းကြောင့်ဖြစ် သော အထက်ဖော်ပြပါဝေဒနာများသည် သိသာထင်ရှားသည့်အတွက် သို့လောသို့လောဖြင့် သံသယဝင် ဖွယ်ရာမရှိပါ။မျက်စိအထူးကုဆရာဝန်နှင့် အမြန်ဆုံးပြသခြင်းသည်သာ မှန်ကန်သောဆုံးဖြတ်ချက်ဖြစ် ပါကြောင်း စေတနာထား၍ ရေးသားအပ်ပါသည်။

( Dan Roberts , Editor-in-Chief of  Living Well with Low Vision from  Prevent Blindness ၏ What Causes Dry Eyes? ကိုမှီငြမ်းပါသည် )

ရေတိမ် ဖြစ်ပေါ်ရခြင်း အကြောင်းအရင်းနှင့် ကုသ ကာကွယ်နည်းများ ..!။ဖိုးသူတော် (www.phothutaw.com) Credit: Dr. Mya Myo Myo Swe (www.drmyanmar.com

 ရေတိမ်ဆိုတာ အမြင်အာရုံကောင်းဖို့အတွက် အရေးကြီးတဲ့အမြင်အာရုံကြောကိုထိခိုက်လို့ဖြစ်လာတဲ့ မျက်စိပြဿနာတစ်ခုဖြစ်ပါတယ်။ ဒီလိုပျက်စီးမှုက မျက်လုံးကို ပုံမှန်မဟုတ်သော ပြင်းထန်တဲ့ ဖိအားတစ်ခုသက်ရောက်မှုကြောင့်ဖြစ်ပါတယ်။  ရေတိမ်က ဘယ်အသက်အရွယ်မှာမဆိုဖြစ်နိုင်ပေမယ့် လူကြီးတွေမှာပိုပြီးအဖြစ်များပါတယ်။

        အဖြစ်များတဲ့ရေတိမ်က သတိထားရမယ့်ရောဂါလက္ခဏာပြလေ့ မရှိပါဘူး။ ရောဂါလက္ခဏာက ဖြည်းဖြည်းချင်း ပိုဆိုးလာပြီး ပြင်းထန်တဲ့ အဆင့်မရောက်ခင်အချိန်ထိ အမြင်အာရုံအပြောင်းအလဲကို သတိမထားမိကြပါဘူး။

        ရေတိမ်ကြောင့် အမြင်အာရုံဆုံးရှုံးသွားပြီဆိုရင် ပြန်ပြီးမရနိုင်ပါဘူး။ ဒါကြောင့် မျက်လုံးဖိအားအပါအဝင် မျက်လုံးစစ်ဆေးမှုကို ပုံမှန်ပြုလုပ်ပေးဖို့အရေးကြီးပါတယ်။ ရေတိမ်ရောဂါကိုစောစောသိမယ်ဆိုရင် အမြင်အာရုံဆုံးရှုံးခြင်းကို နှောင့်နှေးအောင်ပြု
လုပ်နိုင်ပါတယ် (သို့) အမြင်အာရုံမဆုံးရှုံးအောင် ကာကွယ်နိုင်ပါတယ်။ ရေတိမ်ရောဂါရှိပြီ
ဆိုရင်တော့ ကျန်တဲ့ဘဝတစ်လျှောက်လုံး ကုသမှုခံယူဖို့လိုအပ်ပါတယ်။

♦ ရောဂါလက္ခဏာများ

        ရောဂါအမျိုးအစားနဲ့ အဆင့်တွေပေါ်မူတည်ပြီးတော့ ရောဂါလက္ခဏာအမျိုးမျိုးရှိပါတယ်။ ဥပမာအားဖြင့် -

1. Open-angle glaucoma

- မျက်လုံးထောင့် (သို့) အလယ်တွင် အစက်အပျောက်များဖြစ်ခြင်း၊ အများအားဖြင့် မျက်စိနှစ်ဖက်စလုံးတွင်ဖြစ်လေ့ရှိပါတယ်။

- သေချာစူးစိုက်မကြည့်လျှင် မမြင်ရခြင်း (ပိုဆိုးလာသောအဆင့်တွင်)

2. Acute angle-closure glaucoma

- ခေါင်းအလွန်အမင်းကိုက်ခြင်း

- မျက်စိကိုက်ခြင်း

- အော့ခြင်း၊ အန်ခြင်း

- အမြင်အာရုံဝေဝါးခြင်း

- အလင်းရောင်ကိုကြည့်လျှင် အရောင်များဖြာထွက်နေခြင်း

        ကုသမှုမခံယူရင်တော့ နောက်ဆုံးမှာ မျက်စိကွယ်သွားနိုင်ပါတယ်။ ကုသမှုခံယူရင်တောင် ရေတိမ်ရောဂါခံစားနေရသူ 15% လောက်က အနှစ် 20 အတွင်း အနည်းဆုံးမျက်စိတစ်ဖက်တော့ ကွယ်နိုင်ပါတယ်။

♦ အကြောင်းအရင်းများ

        ရေတိမ်ဆိုတာ အမြင်အာရုံကြောပျက်စီးလို့ဖြစ်ပြီး ဒီအာရုံကြောတဖြည်းဖြည်းပျက်စီးလာတာနဲ့အမျှ အမြင်အာရုံမှာမြင်ကွင်းကျယ်မှာ ပိတ်လာပါတယ်။ ဒီအာရုံကြောပျက်စီးမှုက မျက်လုံးဖိအားများခြင်းနဲ့လည်း ဆက်နွယ်မှုရှိပါတယ်။ မျက်လုံးဖိအားများလာခြင်းက မျက်လုံးထဲမှာရှိတဲ့ aqueous humor လို့ခေါ်တဲ့ အရည်တွေစုလာလို့ပဲဖြစ်ပါတယ်။ ပုံမှန်ဆိုရင်ဒီအရည်တွေက မျက်နက်ဝန်းနဲ့ မျက်ကြည်လွှာဆုံတဲ့ထောင့်နေရာမှာရှိတဲ့ တစ်သျှူး (trabecular meshwork) ကနေတစ်ဆင့် မျက်လုံးအရှေ့မှာရှိတဲ့အခန်းထဲကို စီးဝင်သွားလေ့ရှိပါတယ်။ အရည်ထုတ်တာများရင် (သို့) ဒီအရည်စီးထွက်တဲ့စနစ်ပျက်စီးသွားရင် အရည်တွေကပုံမှန်နှုန်းအတိုင်း စီးထွက်နိုင်ခြင်းမရှိဘဲနဲ့ မျက်လုံးထဲမှာဖိအားတက်လာပါတယ်။

        ရေတိမ်က မျိုးရိုးလိုက်တတ်ပါတယ်။ သိပ္ပံပညာရှင်တွေက မျက်လုံးဖိအားများခြင်းနဲ့ အမြင်အာရုံကြောပျက်စီးခြင်းနဲ့ဆိုင်တဲ့ မျိုးရိုးဗီဇတွေကို တွေ့ရှိထားပါတယ်။

ရေတိမ်ရောဂါအမျိုးအစားတွေကတော့ -

1. Open-angle glaucoma (ထောင့်ပွင့်ရေတိမ်)

        ဒါကတော့ အဖြစ်များတဲ့ရေတိမ်အမျိုးအစားတစ်မျိုးဖြစ်ပြီး မျက်ကြည်လွှာနဲ့ မျက်နက်ဝန်းကြားမှာရှိတဲ့ ထောင့်နေရာလေးကပွင့်နေပေမယ့် trabecular meshwork လို့ခေါ်တဲ့အရည်စိမ့်ထွက်တဲ့ တစ်သျူးတစ်စိတ်တစ်ပိုင်းပိတ်နေခြင်းကြောင့်ဖြစ်ပါတယ်။ ဒါကြောင့် မျက်လုံးဖိအား ဖြည်းဖြည်းချင်းများလာပြီးတော့ အမြင်အာရုံကြောကိုပျက်စီးစေပါတယ်။ ရောဂါ ကဖြည်းဖြည်းချင်းပိုဆိုးလာတာဖြစ်တဲ့အတွက် သတိမထားမိခင်မှာပဲ အမြင်အာရုံဆုံးရှုံးသွားစေနိုင်ပါတယ်။

2. Angle-closure glaucoma (ထောင့်ပိတ်ရေတိမ်)

        မျက်နက်ဝန်းကဖောင်းကြွလာပြီးတော့ မျက်ကြည်လွှာနဲ့မျက်နက်ဝန်းကြားမှာရှိတဲ့ အရည်စီးထွက်တဲ့ထောင့်နေရာလေးကိုပိတ်မိပြီး အရည်တွေမစီးဆင်းနိုင်ဘဲ မျက်လုံးတွင်းဖိအားများလာခြင်းကို angle-closure glaucoma လို့ခေါ်ပါတယ်။ အချို့လူတွေမှာ ဒီထောင့်နေရာလေးကျဉ်းနေတဲ့အတွက် ထောင့်ပိတ်တဲ့ရေတိမ်ဖြစ်နိုင်ချေများပါတယ်။

        ရုတ်တရက်ပိတ်ခြင်းကြောင့်ဖြစ်သော ချက်ချင်းဖြစ်တဲ့ရေတိမ်နဲ့ ဖြည်းဖြည်းချင်းပိတ်ခြင်းကြောင့်ဖြစ်သော နာတာရှည်ရေတိမ်ဆိုပြီး 2 မျိုးရှိပါတယ်။ ရုတ်တရက်ဖြစ်တဲ့ရေတိမ်ကတော့ အရေးပေါ်ကုသဖို့လိုအပ်ပါတယ်။ ဒါက သူငယ်အိမ်ရုတ်တရက်ကျယ်သွားခြင်းကြောင့် ပိုဆိုးစေနိုင်ပါတယ်။

3. ပုံမှန်ဖိအားရှိသောရေတိမ် (normal tension glaucoma)

        မျက်လုံးတွင်းဖိအားကပုံမှန်ဖြစ်နေပြီး အမြင်အာရုံကြောပျက်စီးခြင်းကြောင့်ဖြစ်တဲ့ရေတိမ် အမျိုးအစားဖြစ်ပါတယ်။ ဒါဖြစ်ရတဲ့အကြောင်းအရင်းကိုတော့ သေချာမသိကြပါဘူး။ ဖြစ်နိုင်တာကတော့ အမြင်အာရုံကြောထိရှလွယ်ခြင်းကြောင့် (သို့) အာရုံကြောကို သွေးထောက်ပံ့မှုနည်းခြင်းကြောင့်ဖြစ်နိုင်ပါတယ်။ သွေးကြောတွေမာသွားခြင်း (သို့) သွေးလှည့်ပတ်မှုကိုပျက်စီးစေတဲ့အခြေအနေတစ်ခုခုကြောင့် သွေးထောက်ပံ့မှုနည်းနိုင်ပါတယ်။

4. ကလေးများတွင်ဖြစ်သောရေတိမ်

        ကလေးတွေမှာ မွေးရာပါ (သို့) မွေးပြီးနှစ်အနည်းငယ်အကြာမှာ ရေတိမ်ဖြစ်တတ်ကြပါတယ်။ အရည်စီးဆင်းမှုပိတ်ဆို့ခြင်း (သို့) အခြားရောဂါတစ်မျိုးမျိုးကြောင့် အမြင်အာရုံကြော ပျက်စီးသွားလို့ ရေတိမ်ဖြစ်ခြင်းဖြစ်ပါတယ်။

5. ရောင်ခြယ်ပစ္စည်းများကြောင့်ဖြစ်သောရေတိမ်

        မျက်နက်ဝန်းမှာရှိတဲ့ ရောင်ခြယ်အလုံးလေးတွေအရည်စီးတဲ့လမ်းကြောင်းမှာပိတ်နေပြီး မျက်လုံးထဲကအရည်တွေအပြင်ကိုစီးမထွက်နိုင်ခြင်း (သို့) စီးဆင်းမှုနှေးသွားခြင်းကြောင့် ရေတိမ်ဖြစ်စေပါတယ်။ တစ်ခါတစ်ရံမှာအနှေးလျှောက်ခြင်းကဲ့သို့သောအပြုအမူများကြောင့် ဒီလိုဖြစ်တတ်ပါတယ်။

♦ ဖြစ်နိုင်ချေများသောအချက်များ

        နာတာရှည်ရေတိမ်ရောဂါတွေမှာ ဘာရောဂါလက္ခဏာမှမပြဘဲ အမြင်အာရုံဆုံးရှုံးခြင်းဖြစ်စေနိုင်တဲ့အတွက် ဒီအချက်တွေကို သတိထားရပါမယ်။

- မျက်လုံးတွင်းဖိအားများခြင်း

- အသက် 60 အထက်

- မျိုးရိုးထဲတွင် ရေတိမ်ရောဂါရှိခြင်း

- ဆီးချို၊ နှလုံးရောဂါ၊ သွေးတိုး၊ သွေးအားနည်းရောဂါ စသည့်ရောဂါများရှိခြင်း

- အနီးမှုန်ကဲ့သို့သော မျက်လုံးအခြေအနေများရှိခြင်း

- မျက်လုံးကို ထိခိုက်ဒဏ်ရာရဖူးခြင်း (သို့) မျက်လုံးခွဲစိတ်ဖူးခြင်း

- အသက် 43 နှစ်မတိုင်မီ သားဥအိမ်နှစ်ဖက်လုံးခွဲထုတ်လိုက်ရခြင်းကြောင့် အီစရိုဂျင် (မိန်းမ)ဟော်မုန်းစောစီးစွာချို့တဲ့ခြင်း

- Corticosteroid ဆေး ကြာရှည်စွဲပြီးသုံးနေခြင်း (အထူးသဖြင့် မျက်စဉ်းများ)

♦ စစ်ဆေးမှုများနှင့် ရောဂါဖော်ထုတ်ခြင်း

        ဆရာဝန်က ကျန်းမာရေးရာဇဝင်ကိုသေချာမေးပြီး ပြည့်စုံတဲ့မျက်စိစမ်းသပ်မှုပြုလုပ်ပါလိမ့်မယ်။ စမ်းသပ်မှုများကတော့-

- မျက်လုံးတွင်းဖိအားတိုင်းတာခြင်း

- အမြင်အာရုံကြောပျက်စီးမှုရှိ/မရှိစစ်ဆေးခြင်း

- အမြင်အာရုံဆုံးရှုံးသောနေရာများကိုစစ်ဆေးခြင်း

- မျက်ကြည်လွှာအထူတိုင်းတာခြင်း

- အရည်စီးဆင်းသည့်ထောင့်နေရာကို ကြည့်ရှုစစ်ဆေးခြင်း

♦ ကုထုံးများနှင့်ဆေးဝါးများ

        ရေတိမ်ကြောင့်ပျက်စီးသွားမှုများကို ပြန်လည်ကုသလို့ မရပါဘူး။ ဒါပေမယ့် မျက်စိပုံမှန်စစ်ဆေးခြင်းများပြုလုပ်ပြီးတော့ ကနဦးအဆင့်မှာကတည်းက ရောဂါကိုသိရှိမယ်ဆိုရင် ကုသမှုခံယူပြီး အမြင်အာရုံမဆုံးရှုံးအောင် (သို့) နှောင့်နှေးအောင် ကာကွယ်နိုင်ပါတယ်။ ရေတိမ်ကုထုံးရဲ့ရည်ရွယ်ချက်ကတော့ မျက်လုံးတွင်းဖိအားကိုလျှော့ချဖို့ဖြစ်ပါတယ်။ ရောဂါအခြေအနေအပေါ်မူတည်ပြီး မျက်စဉ်း၊ လေဆာကုထုံး၊ ခွဲစိတ်ခြင်း စသည်ဖြင့်ကုထုံးတွေကွဲပြားနိုင်ပါတယ်။

1. မျက်စဉ်းများ

        ရေတိမ်ကုထုံးကိုတော့ မျက်စဉ်းစပေးပါတယ်။ မျက်စဉ်းက မျက်လုံးတွင်းမှ အရည်စီးဆင်းမှုပိုကောင်းစေခြင်း (သို့) အရည်ထုတ်လုပ်မှုနည်းစေခြင်းဖြင့် မျက်လုံးတွင်းဖိအားကိုလျော့ကျစေပါတယ်။ ဆရာဝန်တွေညွှန်ကြားတဲ့မျက်စဉ်းတွေကတော့ -

Prostaglandins (lantonoprost, bimatoprost) - မျက်လုံးတွင်းကအရည်တွေကို အပြင်စီးထွက်မှုအားကောင်းစေပြီး မျက်လုံးတွင်းဖိအားကိုလျှော့ချပေးပါတယ်။ ဆိုးကျိုးများမှာ မျက်လုံးအနည်းငယ်နီခြင်း၊ စူးခြင်း၊ မျက်နက်ဝန်းပိုမည်းလာခြင်း၊ မျက်ခမ်းနှင့်မျက်ခွံအရောင်ပြောင်းလာခြင်း၊ အမြင်ဝါးခြင်းတို့ ဖြစ်ကြပါတယ်။

Beta blockers (timolol, betaxolol) - မျက်လုံးမှအရည်ထုတ်လုပ်မှုနည်းစေခြင်းဖြင့် မျက်လုံးတွင်းဖိအားကိုလျော့ကျစေပါတယ်။ ဆိုးကျိုးများမှာ အသက်ရှူရခက်ခြင်း၊ နှလုံးခုန်နှေးခြင်း၊ သွေးကျခြင်း၊ မျိုးသုန်းခြင်း၊ မောပန်းခြင်းတို့ဖြစ်ကြပါတယ်။

Alpha-adrenergic agonists (apraclonidine, brimonidine) - အရည်ထုတ်လုပ်မှုနှင့် မျက်လုံးထဲမှအရည်များအပြင်စီးထွက်မှုများစေပါတယ်။ ဆိုးကျိုးများမှာ နှလုံးခုန်မမှန်ခြင်း၊ သွေးတိုးခြင်း၊ မောပန်းခြင်း၊ မျက်လုံးရောင်ခြင်း၊ နီခြင်း၊ ယားခြင်း၊ အာခေါင်ခြောက်ခြင်းတို့ဖြစ်ကြပါတယ်။

Carbonic anhydrase inhibitors (dorzolamide, brinzolamide) - အရည်ထုတ်လုပ်မှုနည်းစေပါတယ်။ ရေတိမ်ရောဂါမှာ သုံးခဲပါတယ်။ ဆိုးကျိုးများမှာ သံဓာတ်ရခြင်း၊ ဆီးခဏခဏသွားခြင်း၊ ခြေချောင်းလက်ချောင်းများထုံကြဉ်ခြင်းတို့ဖြစ်ကြပါတယ်။

Miotic or cholinergic agents (pilocarpine) - မျက်လုံးမှအရည်တွေအပြင်ကိုများများစီးထွက်စေပါတယ်။ ဆိုးကျိုးများမှာ သူငယ်အိမ်သေးခြင်း၊ မျက်စိမှုန်ခြင်း၊ ဝါးခြင်း၊ အနီးမှုန်ခြင်းတို့ဖြစ်ကြပါတယ်။

2. သောက်ဆေးများ

        မျက်စဉ်းတစ်မျိုးတည်းနဲ့ မျက်လုံးတွင်းဖိအားမကျဘူးဆိုရင် ဆရာဝန်က carbonic anhydrase inhibitor သောက်ဆေးညွှန်ကြားပါလိမ့်မယ်။ ဆိုးကျိုးတွေကတော့ ဆီးမကြာခဏသွားခြင်း၊ လက်ချောင်းခြေချောင်းများထုံကြဉ်ခြင်း၊ စိတ်ကျခြင်း၊ အစာအိမ်မအီမသာဖြစ်ခြင်း၊ ကျောက်ကပ်တွင်ကျောက်တည်ခြင်းတို့ဖြစ်ကြပါတယ်။

3. ခွဲစိတ်ခြင်းနှင့် အခြားကုထုံးများ

        အခြားကုထုံးတွေကတော့ လေဆာနဲ့ကုသခြင်းနဲ့ ခွဲစိတ်မှုအမျိုးမျိုးဖြစ်ပါတယ်။ ဆိုးကျိုးတွေကတော့ နာခြင်း၊ နီခြင်း၊ ပိုးဝင်ပြီးရောင်ခြင်း၊ သွေးထွက်ခြင်း၊ မျက်လုံးဖိအားပုံမှန်မဟုတ်ဘဲများခြင်း၊ နည်းခြင်း၊ မျက်စိကွယ်ခြင်းတို့ဖြစ်တတ်ပါတယ်။ အချို့သောခွဲစိတ်မှုတွေက အတွင်းတိမ်ပိုဆိုးခြင်းကိုမြန်စေပါတယ်။ ဆရာဝန်နဲ့ပုံမှန်ပြန်ပြနေဖို့လိုတဲ့အပြင် မျက်လုံးတွင်းဖိအားတက်လာရင်တော့ အခြားကုထုံးတစ်မျိုးထပ်လုပ်ဖို့လိုပါလိမ့်မယ်။

4. မျက်လုံးတွင်းမှာအရည်စီးဆင်းမှုကိုကောင်းစေပြီးမျက်လုံးတွင်းဖိအားကိုလျှော့ချပေးနိုင်တဲ့
    အခြားကုထုံးများ

(1) လေဆာကုထုံး - open-angle glaucoma မှာသုံးပါတယ်။ လေဆာရောင်ခြည်ကိုသုံးပြီး trabecular meshwork မှာရှိတဲ့ သွေးခဲတွေကိုဖယ်ရှားလိုက်ခြင်းဖြစ်ပါတယ်။

(2) စစ်ထုတ်သောခွဲစိတ်မှု - မျက်ဖြူသားမှာ အပေါက်ဖောက်ပြီးတော့ အရည်ထွက်တဲ့ တစ်သျှူးအချို့ (trabecular meshwork) ကိုဖယ်ထုတ်လိုက်ခြင်းဖြစ်ပါတယ်။

(3) အရည်စီးထွက်ရန်ပြွန်များထည့်ခြင်း - မျက်လုံးထဲမှာ ပြွန်သေးသေးလေးထည့်ထားခြင်းဖြစ်ပါတယ်။

(4) လျှပ်စစ်ဖြင့်လောင်ကျွမ်းစေခြင်း (electrocautery)

♦ ရုတ်တရက်ဖြစ်သော ရေတိမ် (acute angle glaucoma) ကိုကုသခြင်း

        ဒါက အရေးပေါ်အခြေအနေတစ်ခုဖြစ်ပြီး မျက်လုံးထဲမှာရှိတဲ့ဖိအားကို လျှော့ချဖို့အတွက်ဆေးကုသမှု ချက်ချင်းခံယူဖို့လိုအပ်ပါတယ်။ သောက်ဆေး၊ လေဆာ (သို့) အခြားခွဲစိတ်မှုတွေပါပေါင်းပြီးတော့ ကုသရပါမယ်။ လေဆာသုံးပြီးတော့မျက်နက်ဝန်းမှာ အပေါက်သေးသေးလေးဖောက်ခြင်းဖြင့် အရည်တွေဒီအပေါက်ကနေစီးထွက်သွားပြီးတော့ ဖိအားလျော့ကျစေပါတယ်။

♦ လူနေမှုပုံစံနှင့် အိမ်တွင်းကုထုံးများ

        ဒီအချက်တွေက မျက်လုံးတွင်းဖိအားကိုထိန်းချုပ်ပြီး မျက်လုံးကျန်းမာစေဖို့အတွက် အထောက်အကူဖြစ်စေပါလိမ့်မယ်။

1. ကျန်းမာရေးနှင့်ညီညွတ်သောအစားအစာများစားသုံးပါ

        ကျန်းမာရေးကိုကောင်းမွန်စေသော်လည်း ရေတိမ်ပိုဆိုးခြင်းကိုတော့ မကာကွယ်နိုင်ပါဘူး။ အစိမ်းရင့်ရောင်ရှိသောဟင်းသီးဟင်းရွက်များ၊ omega-3 fatty acids ကြွယ်ဝသော ငါးများအပါအဝင် ဗီတာမင်နဲ့သတ္တုဓာတ်အမျိုးမျိုးက မျက်လုံးကျန်းမာရေးအတွက်အရေးကြီးပါတယ်။

2. လေ့ကျင့်ခန်းလုပ်ပါ

        လေ့ကျင့်ခန်းမှန်မှန်လုပ်ခြင်းက open-angle glaucoma မှာ မျက်လုံးတွင်းဖိအားကိုကျစေပါတယ်။ ဆရာဝန်နဲ့တိုင်ပင်ပြီး သင့်တော်တဲ့လေ့ကျင့်ခန်းပြုလုပ်ပါ။

3. ကဖင်းဓာတ်ကို ကန့်သတ်ထားပါ

        ကဖင်းဓာတ်များတဲ့ အချိုရည်တွေကိုသောက်သုံးခြင်းက မျက်လုံးတွင်းဖိအားတက်စေပါတယ်။

4. အရည်နည်းနည်းနဲ့မကြာခဏသောက်ပါ

        အရည်တစ်ခါသောက်လျှင်အတော်အသင့်ပဲသောက်ပါ။ အချိန်တိုအတွင်းမှာ အရည်အများကြီး တစ်ခါတည်းသောက်ခြင်းက မျက်လုံးဖိအားကိုများစေပါတယ်။

5. ခေါင်းကိုမြှင့်ပြီးအိပ်ပါ

        အိပ်လျှင်ခေါင်းအောက်မှာ ခေါင်းအုံးခံပြီးတော့ 20 ဒီဂရီလောက်မြှင့်အိပ်ခြင်းဖြင့် အိပ်နေစဉ် မျက်လုံးတွင်းဖိအားကိုလျော့ကျစေပါတယ်။

6. ညွှန်ကြားထားသောဆေးများကိုသောက်ပါ

        ဆေးတွေနဲ့မျက်စဉ်းတွေကိုညွှန်ကြားတဲ့အတိုင်းသေချာမသောက်ဘူး၊ မခပ်ဘူးဆိုရင် အမြင်အာရုံကြောပျက်စီးမှုပိုဆိုးစေပါလိမ့်မယ်။

        အချို့သောမျက်စဉ်းတွေက သွေးစီးကြောင်းထဲကိုရောက်သွားတဲ့အတွက် မျက်လုံးနဲ့မဆိုင်ဘဲ အခြားဆိုးကျိုးတွေကို ကြုံတွေ့ရစေနိုင်ပါတယ်။ ဒီလိုစုပ်ယူမှုနည်းစေဖို့အတွက် မျက်စဉ်းခပ်ပြီးရင်မျက်လုံးကို တစ်မိနစ်၊ နှစ်မိနစ်ခန့်ပိတ်ထားပါ။ (သို့) မျက်ရည်ပြွန်ကိုပိတ်စေဖို့အတွက် နှာခေါင်းနားကမျက်လုံးထောင့်လေးကို တစ်မိနစ်၊ နှစ်မိနစ်ခန့် ဖွဖွလေးဖိထားပေးပါ။ မျက်ခွံပေါ်မှာတင်နေတဲ့ မျက်စဉ်းစက်တွေကိုသုတ်ပစ်ပါ။

♦ ကာကွယ်ခြင်း

        ရေတိမ်ကိုမကာကွယ်နိုင်ပေမယ့် အောက်ပါနည်းလမ်းများက စောစောသိစေပြီး ပိုမဆိုးအောင်ကာကွယ်ပေးနိုင်ပါလိမ့်မယ်။

1.  မျက်လုံးပုံမှန်စစ်ဆေးပါ

        ပုံမှန်စစ်ဆေးခြင်းဖြင့် ကုသလို့မရနိုင်တော့တဲ့အဆင့်မရောက်မီ စောစောသိစေနိုင်ပါတယ်။ အသက် 40 အရွယ်မှစပြီး လေးနှစ်တစ်ကြိမ်၊ အသက် 65 နှစ်မှစပြီး နှစ်နှစ်တစ်ကြိမ် မျက်လုံးပုံမှန်စစ်သင့်ပါတယ်။ ဖြစ်နိုင်ချေများရင်တော့ မကြာခဏစစ်ဆေးသင့်ပါတယ်။ ဘယ်လောက်တစ်ကြိမ်စစ်သင့်တယ်ဆိုတာကို ဆရာဝန်နဲ့တိုင်ပင်ပါ။

2.  မိသားစုမျိုးရိုးမှာမျက်လုံးရောဂါတွေအကြောင်းသိအောင်လုပ်ပါ

        ရေတိမ်က မျိုးရိုးလိုက်တတ်တဲ့အတွက် ဖြစ်နိုင်ချေများရင် မကြာခဏ မျက်လုံးစစ်ဆေးမှုပြုလုပ်ဖို့ လိုပါတယ်။

3.  လေ့ကျင့်ခန်းလုပ်ပါ။

4.  ဆရာဝန်ညွှန်ကြားတဲ့မျက်စဉ်းပုံမှန်ခပ်ပါ

5.  မျက်လုံးအကာအကွယ်များတပ်ဆင်ပါ
        မျက်လုံးကိုပြင်းထန်တဲ့ထိခိုက်ဒဏ်ရာတွေရရင် ရေတိမ်ဖြစ်စေနိုင်တဲ့အတွက် မျက်လုံးကို ထိခိုက်နိုင်လောက်တဲ့ ကစားနည်းတွေကစားရင် မျက်လုံးအကာများဝတ်ဆင်ထားပါ။

သင်သိပါသလား ? ..မြန်မာနိုင်ငံတွင် မျက်စိကွယ်စေသော အဓိကအကြောင်းအရင်းများကို ..!။ ဖိုးသူတော် (www.phothutaw.com)

မြန်မာနိုင်ငံတွင် မျက်စိကွယ်စေသော အဓိကအကြောင်းအရင်းများ .......

(၁) အတွင်းတိမ်

(၂) ထိခိုက်ဒဏ်ရာရမှု

(၃) မျက်ခမ်းစပ်ရောဂါ

(၄) ရေတိမ်

အတွင်းတိမ်ဖြစ်ရင်ခွဲစိတ်လို့ရ အဓိက ခရမ်းလွန်ရောင်ခြည်ကြောင့် အတွင်းတိမ် ဖြစ်တယ်။ခရမ်းလွန်ရောင်ခြည်ဆိုတာ ခရမ်းရောင်အလင်းထက် တိုသောအလင်းကိုပြောတာပါ။

ခရမ်းလွန်ရောက်ခြည် (၃) မျိုးရှိ – UVA, UVB, UBC ဟူ၍သုံးမျိုးရှိ UVA – က ကျန်းမာရေးကိုအထောက်ကူပြု နံနက်(၉)နာရီရှေ့ပိုင်းမှာပါတတ်တယ်။ဗီတာမင်(D)ထုတ်ပေး၊ အရိုးကိုခိုင်မာစေ၊သွေးလည်ပတ်မှုမှန်ကန်စေ၍ သွေးခဲမှုကိုကာကွယ်ပေး၊ရောဂါပိုးကိုသေစေ။

UVB – နံနက်(၉)နာရီနှင့် ညနေ(၄)နာရီအတွင်းမှာပါတတ်၊နေလောင်တတ်တယ်၊ အရေပြားကင်ဆာဖြစ်နိုင်၊len ပျက်စီးနိုင်၊ မျက်ကြည်လွှာပျက်စီးနိုင်တယ်။

အတွင်းတိမ်ဖြစ်စေ၊ကာကွယ်ခြင်းအနေနဲ့နေ့ခင်းဘက်နေရောင်ခြည်ကိုတိုက်ရိုက်မထိတွေ့သင့်၊ ဦးထုပ်ဆောင်းသင့်၊ ကာကွယ်ခြင်းအနေနဲ့မြန်မာသနပ်ခါးက (UVB) ကိုကောင်းစွာကာကွယ်နိုင်တယ်၊ ပင်လယ်မှာရေကူးရင် သဲနှင့်ရေအလင်းပြန်မှုကြောင့် (UVB) မျက်စိကိုပိုမိုထိခိုက်စေတယ်နံနက်နဲ့ ညနေမှာကူးသင့်တယ်။

UVC – အဆိုးဆုံး၊ လှိုင်းအလျားအတိုဆုံး၊များများထိလျှင်ချက်ချင်းသေနိုင်နည်းနည်းထိလျှင် ကင်ဆာမှအစ ကိုယ်ခံအားစနစ်ပါထိခိုက်ပြီးသေနိုင်သည်။ သို့သော် (UVC) သည် အိုဇုန်းလွှာကြောင့်ကမ္ဘာမြေသို့ မရောက်ပါ။

မျက်စိ၏သဘာဝအကာအကွယ်နှစ်မျိုး

(၁) မျက်ခွံ

(၂) မျက်စိသူငယ်အိမ်

နေ့ဘက် – အလင်းများလျှင် သူငယ်အိမ်သည်အလိုအလျောက် ကျဉ်းနိုင်။

ညဘက် – အလင်းနည်းလျှင် သူငယ်အိမ်သည်အလိုအလျောက် ကျယ်နိုင်။

နေကာမျက်မှန်

စနစ်တကျထုတ်ထားတဲ့နေကာမျက်မှန်မှသာ UV ကိုကာကွယ်နိုင် FASHION မျက်မှန်အများစုက UV ကိုမကာကွယ်နိုင် ၎င်းနေကာမျက်မှန်တွေက သူငယ်အိမ်ကိုကျယ်စေပြီး မျက်စိကိုပိုမိုပျက်စီးနိုင်။

ထိခိုက်ဒဏ်ရာ

မျက်စိနာတဲ့အခါ ညွှန်ကြားချက်မပါဘဲ ဆေးဆိုင်မှ ၀ယ်ယူရရှိသော မျက်စဉ်းများခတ်သောကြောင့် မျက်စိကွယ်သော ရာခိုင်နှုန်း ပိုများသည်ကိုတွေ့ရသည်၊ ထို့ကြောင့် တွေ့ကရာမျက်စဉ်း မခတ်မှသာ ပိုမိုအန္တရာယ်ကင်းနိုင်မည်ဖြစ်သည်။

Credit: Original Uploader

မျက်လုံးခြောက်တတ်သူတွေ သိသင့်တဲ့အချက် (၆) ချက် ..!။ဖိုးသူတော် (www.phothutaw.com)

     မျက်လုံးခြောက်တာကြောင့် မျက်လုံးယားတာ၊ မျက်လုံးပူတာတွေဟာ မကြာခဏဖြစ်နေတတ်ပါတယ်။ ဒါဟာ ပတ်ဝန်းကျင်လေထု ညစ်ညမ်းနေတာ၊ အပူလွန်တာတွေအပါအဝင် အသက်အရွယ်နဲ့ပါ ဆိုင်တာ ဖြစ်ပါတယ်။ အသက် ၄၀ ကျော်တဲ့အခါ အမျိုးသမီးတွေမှာ မျက်ရည်ထုတ်လုပ်မှု  သိသိသာသာ လျော့ကျသွားပါတယ်။ ဒါဟာ ဟော်မုန်းအပြောင်းအလဲကြောင့်ဖြစ်ပါတယ်။ တကယ်လို့ မျက်လုံးခြောက်သွေ့ပြီး ယားယံတာမျိုး အမြဲကြုံနေရသူဆိုရင်တော့ ဒီအချက်လေးတွေကို သိထားသင့်ပါတယ်။

၁ - အရက် ရှောင်

အရက်သောက်ခြင်းဟာ သင့်ပါးစပ်ကို ခြောက်သွေ့စေပါတယ်။ ဒါ့အပြင် သင့်မျက်လုံးကိုပါ ခြောက်စေတာ ဖြစ်ပါတယ်။ ပွဲရှိလို့  အရက်ကို မဖြစ်မနေ သောက်ရမယ်ဆိုရင်လည်း အယ်ကိုဟောပါဝင်မှုနှုန်း နည်းစေဖို့ ကြိုးစားသင့်ပါတယ်။

 

၂ - ဆေးလိပ်

မျက်လုံးခြောက်ခြင်းကလည်း ဆေးလိပ်သောက်ခြင်းအတွက် နာမည်ဆိုးနဲ့ ကျော်ကြားပါတယ်။ သင်က ဆေးလိပ်သောက်တယ်၊ ဆေးလိပ်သောက်များတဲ့လူနဲ့ နေထိုင်တယ်ဆိုရင် မျက်ရည်တုသုံးပေးခြင်းက သင့်မျက်လုံးတွေကို စိုစွတ်နေစေပါတယ်။ ဆေးလိပ်လုံးဝမသောက်တာကတော့ အခြေခံပြသနာကို ဖြေရှင်းနိုင်တာပဲ ဖြစ်ပါတယ်။

၃ - မျက်မှန်

မျက်လုံးခြောက်ခြင်းကို သက်သာစေဖို့အတွက် အလုပ်ပြီးတဲ့ ညဘက်လို အချိန်မျိုးတွေမှာ မျက်မှန်ကို ချွတ်ထားပေးသင့်ပါတယ်။ မျက်ကပ်မှန်တပ်သူမျိုးဆိုရင်တော့ ပိုသတိထားပေးသင့်ပါတယ်။


၎ - အိပ်ရာမဝင်ခင်

မျက်လုံးတွေ ယားယံပြီးနိုးလာတယ်၊ ပူပြီးနိုးလာတာမျိုး ဖြစ်တယ်ဆိုရင်တော့ အိပ်ရာမဝင်ခင် မျက်ရည်ဆီကို သုံးသင့်ပါတယ်။ မျက်ရည်ဆီဟာ မျက်ရည်တုထက် ပိုထူထဲပါတယ်။ အဆီဓာတ်နဲ့ မျက်ရည်ကို စိုစွတ်နေစေမှာ ဖြစ်ပါတယ်။ သင့်ရဲ့ မျက်စိဆရာဝန်နဲ့ တိုင်ပင်ပြီး သုံးသင့်တာ ဖြစ်ပါတယ်။

၅ - မျက်စဉ်း

Murine ဒါမှမဟုတ် Visine လို မျက်စဉ်းဆေးရည်မျိုးတွေဟာ မျက်လုံးသွေးကြောကို ကျဉ်းစေပါတယ်။ မျက်လုံးနီရဲတာမျိုးကို ပျောက်စေပေမယ့် ခြောက်သွေ့မှုကို မပျောက်နိုင်ပါဘူး။

၆ - မျက်ကပ်မှန်
 
မျက်ကပ်မှန်တပ်တယ်၊ မျက်ရည်တုကို တစ်ရက် နှစ်ကြိမ်မကသုံးတယ်ဆိုရင်တော့ အမှတ်တံဆိပ်ကောင်းကောင်း သုံးဖို့လိုပါတယ်။ ဒီလိုမှမဟုတ်ရင်တော့ မျက်လုံးအောင့်တာ၊ ယားယံတာတွေ ဖြစ်ပွားနေတတ်ပါတယ်။
Photos & Source: Lifehack
Credit :  Duwun

ရာသီစပ်ကူးမပ်ကူးတွင် မျက်စိများကို ဂရုစိုက်ပါ။www.7daydaily.com

 

ယခုကဲ့သို့ နွေရာသီကုန်ဆုံးခါနီးအချိန်တွင် သင်၏မျက်စိများကို အ သေအချာဂရုမစိုက်ပါက ဆိုးကျိုးများဖြစ်ပေါ်နိုင်သည်။ ရာသီဥတုအ ခြေအနေကြောင့် မျက်စိများကို အန္တရာယ်ဖြစ်စေနိုင်သော အကြောင်းရင်းများစွာရှိကြောင်း မျက်စိအထူးကုဆရာဝန်များကပြောသည်။

အပြင်ဘက်အပူချိန်နှင့် လွန်ကဲစွာထိတွေ့မှုကြောင့် မျက်စိ ကို ဖိအားများစွာဖြစ်ပေါ်စေသည်။ လူအချို့အတွက် အပြင်ဘက် အပူချိန်နှင့် ထိတွေ့မှုများခြင်းမှနေ၍ မျက်စိခြောက်သွေ့ခြင်းနှင့် ယားယံခြင်းတို့ ဖြစ်ပေါ်နိုင်သည်။ နေကာမျက်မှန်မပါဘဲ အပြင် ထွက်ခြင်းကြောင့် ကောင်းစွာမြင်နိုင်ရန် အားစိုက်ကြည့်ရ၍ မျက်စိ  နားတစ်ဝိုက် အရေးအကြောင်းများဖြစ်ပေါ်လာနိုင်သည်။ အမျိုးသမီးများအနေဖြင့် လိမ်းခြယ်ထားသော မိတ်ကပ်များ မျက်စိထဲ ဝင်ရောက်ပြီး အန္တရာယ်ဖြစ်စေနိုင်သည်။
အပြင်ဘက်တွင် အားကစားလုပ်မည်ဆိုပါက မျက်စိကို အကာကွယ်ပေးနိုင်သော မျက်မှန်များ အမြဲတပ်ဆင်ပါ။ အသေအချာဂရု မစိုက်သောကြောင့် မျက်စိထိခိုက်ပါက ပြန်လည်ကောင်းမွန်ရန် မဖြစ်နိုင်သော အခြေအနေမျိုး ကြုံနိုင်သည်။ မျက်ကပ်မှန် အချိန် အကြာကြီး တပ်ဆင်ထားသောကြောင့် မျက်စိကို ထိခိုက်စေနိုင် သည်။ မျက်ကပ်မှန်များကို သေချာစွာသန့်စင်ပြီး အလဲအလှယ်လုပ်သင့်သည်။
မျက်စိများကို ကိုင်တွယ်ရာတွင် အလွန်နူးညံ့သိမ်မွေ့ရန် လို အပ်သည်။ ကြမ်းကြမ်းတမ်းတမ်း ပွတ်သပ်ခြင်းကြောင့် မျက်စိထဲ ဝင်သော အမှိုက်စများ ရှင်းလင်းစေမည်မဟုတ်ဘဲ မျက်ရည်ထွက်အောင် စောင့်ပြီးမှ မျက်ရည်နှင့်အတူ ထွက်သွားစေခြင်းက ပို ကောင်းသည်။ မျက်စိကို ကြမ်းတမ်းစွာပွတ်ခြင်းကြောင့် ဒဏ်ရာဖြစ်ပြီး ရောဂါပိုးဝင်နိုင်သည်။
မျက်စိနားတစ်ဝိုက် မိတ်ကပ်လိမ်းခြယ်ရာတွင်လည်း အထူး သတိပြုရန်လိုသည်။                                      
—Ref: TOI ။No.1453 Thursday, May 25, 2017

ဆီးချိုကြောင့်ဖြစ်ရတဲ့ အာရုံကြောင့်ဖြစ်တဲ့ အာရုံကြောရောဂါ Dr. Tint Swe's Writings: Diabetic neuropathy

ဆီးချိုရောဂါသည်တွေ အကိုက်အခဲပျောက်ဆေးနဲ့ ပတ်သက်ပြီး ဘယ်လိုဆေးတွေကို
သုံးသင့်ပါသလဲ။ ကြွက်သားတွေ အားပျော့ပြီး လမ်းမလျှောက်နိုင်ဖြစ်နေပါတယ်။
အင်အားအတွက် သုံးစွဲသင့်သော ဆေးဝါးများ နှင့် အကိုက်အခဲ ပျောက်ဆေးများကို
ဖြေကြားပေးပါ။ အစားအသောက်တော့ ကောင်းကောင်း စားနိုင်ပါတယ်။ အားအင်တွေ
ကုန်ခမ်းပြီး ကြွက်သားတွေ တင်းနေပါတယ်။
           ဆီးချိုဖြစ်နေတာ ကြာသူတွေမှာ အာရုံကြောတွေကို ထိခိုက်တာကို Diabetic
neuropathy ခေါ်တယ်။ ခြေထောက်မှာ ခံစားမှု နည်းလာတာကနေ စတယ်။ ဘယ်-ညာ
နှစ်ဘက်လုံး ညီတူညာတူလို ဖြစ်မယ်။ တဖြေးဖြေးနဲ့ အထက် တက်လာတယ်။
ထုံသလိုဖြစ်နေလို့ ထိခိုက်မိမှာကို ပိုးပြီးသတိထားရမယ်။ ထိခိုက်မိရင်
အာရုံကြော အားနည်းတာရော သွေးလျှောက်တာ နည်းတာတွေကြောင့် အနာဖြစ်မယ်။
ပိုးဝင်မယ်။ ပျောက်ခဲတယ်။
         Diabetic neuropathies ရှိနေပေမဲ့ ဘာမှ မခံစားဘဲလဲ နေသေးတယ်။
ဆီးချိုရှိနေသူတွေထဲ ၆ဝ-၇ဝ% မှာ တချိန်မှာ ဒီအဆင့်ရှိလာတယ်။
များသောအားဖြင့် ၂၅ နှစ်ကြာရင်ဖြစ်တယ်။ ခြေ-လက်တွေမှာ Pain နာတာ၊ Tingling
ကျင်တာ၊ Numbness ထုံတာ၊ ခြေ-လက်တွေက ကြွက်သားတွေ လှီလာတာ၊
ပုံသဏ္ဌာန်ပြောင်းတာ၊ Reflexes ခေါ်တဲ့တုန့်ပြန်မှု ပျက်စီးတာ၊
လမ်းသွားပုံမမှန်တာ၊ ထုံနေတာ သိပ်မသိ၊ ဖိတာကို သတိမထားမိရာကနေ Blisters and
sores အပူဖူးနဲ့ အနာ ဖြစ်လာတတ်တယ်။
          အာရုံကြောကို သက်ရောက်တာက ချက်ချင်း ဖြစ်လာတာနဲ့ နာတာရှည် ၂ မျိုးရှိတယ်။
Acute neuropathy (Neuritis) ရက်တိုဖြစ်တာက ဆီးချိုကို ထိန်းနိုင်ရင်
သက်သာသွားတယ်။ ဖြစ်နေရင် ပူလောင်သလို ခံစားရနိုင်တယ်။ ညပိုင်းမှာ
ပိုဆိုးတယ်။ အိပ်ရေးပျက်တဲ့အထိ ဖြစ်နိုင်တယ်။ Chronic neuropathy နာတာရှည်က
ပိုဆိုးတယ်။ နောက်ဆက်တွဲ ဖြစ်နိုင်တာတွေ ရှိတယ်။
         Diabetic neuropathy ကို အစဆုံး သိနိုင်တဲ့ လက္ခဏာက Vibrations တုန်ခါမှုကို
မသိတာဖြစ်တယ်။ အဖြစ်နည်းပေမဲ့ လက်မှာလဲ ဖြစ်နိုင်တယ်။ ဆိုးတာက ပျက်စီးမှုဟာ
ရာသက်ပန်ဖြစ်တယ်။ ဆီးချိုကို ထိန်းနိုင်ပေမဲ့ ဒီလို ဖြစ်နေတာက
ပျောက်မသွားဘူး။ နောက် အာရုံကြောရောဂါတမျိုးက Paralysis involving single
nerves အာရုံကြောတခုက လေဖြတ်တာ ဖြစ်တယ်။ နောက်တမျိုးက Painful types of
neuralgia နာနေတဲ့ အာရုံကြောရောဂါ ဖြစ်တယ်။ ဒါတွေကတော့ ဆီးချိုကို
ထိန်းနိုင်ရင် သက်သာပါမယ်။
        - Peripheral neuropathy အဖျားပိုင်းအာရုံကြောတွေ ထိခိုက်တာက
အများဆုံးဖြစ်တယ်။ Peripheral neuropathy ကို Distal symmetric neuropathy
လဲခေါ်တယ်။ sensorimotor neuropathy လို့လဲခေါ်တယ်။
         - Autonomic neuropathy ထဲမှာ ချွေးထွက်များတာလဲပါတယ်။ သွေးဖိအား၊ အဆုပ်နဲ့
မျက်စိ အာရုံကြောတွေ၊ နောက်ပြီး သွေးထဲမှာ သကြားဓါတ်ကျနေတာကို
သတိပေးစနစ်အားနည်းမယ်။ Hypoglycemia Unawareness သွေးထဲမှာ သကြားဓါတ်
နည်းလာရင် (Blood glucose below 70 mg/dL) လက်-ခြေတုန်လာမယ်၊ ချွေးပြန်မယ်၊
ရင်တုန်မယ်။ အခုရောဂါရလာရင် ဒီလိုသတိပေးချက်တွေ အားနည်းလာမယ်။

- Proximal neuropathy ကြောင့် ပေါင်၊ တင်ပါးနေရာတွေနာမယ်။ ခြေထောက်ပိုင်း အားနည်းနေမယ်။

- Focal neuropathy ကြောင့် ဖြစ်တဲ့နေရာက အာရုံကြော အလုပ်လုပ်တဲ့နေရာမှာ
အားနည်းနေမယ်။ နာနေမယ်။ ဥပမာ မျက်စိ၊ မျက်နှာကြွက်သား၊ နား၊
ဗိုက်အောက်ပိုင်း၊ ရင်ပတ်၊ ဗိုက်၊ ပေါင်၊ ခြေသလုံး၊ ခြေထောက်။
        Autonomic nervous system (ANS) (အော်တိုနောမစ်) အာရုံကြောစနစ်ကိုလဲ
ထိခိုက်စေနိုင်တယ်။ အစာစားပြီး ဗိုက်ကယ်နေမယ်။ အစာမကျေ၊ ပျို့ချင်၊
အန်ချင်၊ ဝမ်းပျက်၊ ဝမ်းချုပ်၊ မတ်တပ်ရပ်ချိန်မှာ ခေါင်းမူးတာ၊
ဆီးအသွားရခက်၊ အားယုတ်၊ ကိုယ်အလေးချိန် ကျပြီး၊ စိတ်ဓါတ်လဲကျ။
မတ်တပ်ရပ်ချိန် သွေးဖိအားတက်၊ မတ်တပ်ရပ်ရင် ခေါင်းမူးမယ်။ Fainting
ဖြစ်မယ်။ Erectile dysfunction (ED or Impotence) ယောက်ျား
ပန်းသေ-ပန်းညှိုး၊ မိန်းမ ဗဂျိုင်းနား ခြောက်သွေ့မယ်။

နာတာအတွက်

• Mild painkillers အနာသက်သာဆေး သိပ်မပြင်းတဲ့ Paracetamol or Aspirin တခုခု၊
• Antidepresant drugs စိတ်မကျဆေးဖြစ်တဲ့ Antidepressants (Amitriptyline,
Imipramine, Desipramine, Duloxetine (Cymbalta), Venlafaxine, Bupropion
(Wellbutrin), Paroxetine (Paxil), and Citalopram (Celexa) တွေ၊
• Anticonvulsants အတက်သက်သာဆေး = Pregabalin (Lyrica), Gabapentin
(Gabarone, Neurontin), Carbamazepine, and Lamotrigine (Lamictal) ဆေးတွေ၊
• Opioid painkillers ဘိန်းပါတဲ့ အနာသက်သာဆေး အပြင်းစား Tramadol (Zydol)
or Dextropropoxyphene ကိုလဲ တခြားဆေးတွေနဲ့ မရရင် သုံးနိုင်တယ်။
• Lidocaine patches (Lidoderm, Lidopain) ဆေးကပ်ခွါ၊
• Nitrate sprays or patches ဖြန်းဆေး၊
• Alpha-lipoic acid Evening primrose oil တိုင်းရင်းဆေး၊
• Capsaicin cream (Zacin) ခြေထောက်နာနေတာကို လိမ်းနိုင်တယ်။
• Electrical stimulator (TENS machine) လျှပ်စစ်နည်းနဲ့ ဆေးရုံမှာ လုပ်ပေးနိုင်တယ်။
• Compression stockings ခြေအိပ်ကြပ်တာ စွပ်ထားရင် မတ်တပ်ရပ်လို့ မူးတာ သက်သာစေမယ်။
• Nausea and vomiting အန်ချင်တာအတွက် Metoclopramide သောက်နိုင်တယ်။
• Codeine phosphate နဲ့ တခြား ဝမ်းရပ်ဆေးတခုခုကို ဝမ်းပျက်တာ မရပ်ရင် သောက်ပါ။

Good advice အကြံပေးချက်များ

• ဆီးချိုကို နေ့စဉ်ထိန်းနေပါ။
• ဖိနပ်၊ ရှူး အနေတော်တာကိုသာ စီးပါ။
• ခြေသည်း၊ လက်သည်းဖြတ်တာ ဂရုစိုက်ပါ။
• ခြေထောက်ကို နေ့စဉ်စစ်ဆေးပါ။
• ထိခိုက်တာ၊ အနာပေါက်တာဖြစ်ရင် သေးသေး ကြီးကြီး ဆရာဝန်ပြပါ။
• မေးတဲ့သူက အစားအသောက်တော့ ကောင်းကောင်းစားနိုင်တယ်ဆိုပေမဲ့ ဆီးချိုရှိသူတွေ စားရမှာတွေကိုသာ စားပါ။

Dr. တင့်ဆွေ။Thursday, January 1, 2015

မျက်စိစွန်ခြင်းအတွက် အကောင်းဆုံးအိမ်သုံးဆေးမြီးတိုများ။Dr. Thinzar Wynn , www.drmyanmar.com.

            မျက်ခမ်းတစ်လျှောက်မှာ သေးငယ်ပြီးနီရဲနေတဲ့ အဖုနေရာလေးတွေဖြစ်နေတာကို မျက်စိစွန်တယ်လို့ခေါ်ကြပါတယ်။ အဆီဂလင်း (သို့) ချွေးဂလင်းတွေထဲကို ပိုးဝင်တာဖြစ်ပြီး ရောဂါပိုးဝင်တဲ့ ဂလင်းပေါ်မူတည်ပြီး အတွင်မျက်စိစွန်ခြင်းနဲ့ အပြင်မျက်စိစွန်ခြင်းဆိုပြီး ခွဲခြားနိုင်ပါတယ်။
            မျက်စိစွန်ခြင်းကြောင့် နာကျင်မှုကိုခံစားရနိုင်သော်လည်း အတွင်းမျက်စိစွန်ခြင်းကပို၍ နေရ ထိုင်ရခတ်စေပါတယ်။ ၎င်းစွန်တဲ့နေရာမှာ ပြည်၊ အရည်နဲ့ ဘက်တီးရီးယားပိုးတွေ စုဝေးနေတတ် တာကြောင့် ရောဂါပိုးမပျံ့နှံ့အောင် ပြည်အရည်တွေအပြင်မပေါက်ထွက်စေရန် ဂရုပြုကြရမည်ဖြစ်ပါတယ်။ ထိုကဲ့သို့ပေါက်ထွက်ခြင်းဟာ ရုတ်တရက်ဖြစ်တတ်သော်လည်း မကြာရှည်တတ်ပေ။

          အကြာဆုံးရောဂါဖြစ်ချိန်မှာ 10 ရက်ခန့်ဖြစ်ပြီး မသန့်ရှင်းတဲ့လက်တွေနဲ့ မျက်လုံးကို ပွတ်မိတာကြောင့်ဖြစ်ရခြင်းဖြစ်ပါတယ်။ ဆေးဝါးတွေရဲ့အကူအညီကိုရယူနိုင်သော်လည်း မျက်စိစွန်ခြင်းကို အိမ်မှာတင်ကောင်းစွာကုသနိုင်ပါတယ်။
1. ဆားရည်ဖြင့်မျက်စိဆေးခြင်း
        ဆားရည်ဖြင့် မျက်စိဆေးခြင်းသည် မျက်စိစွန်ခြင်းအတွက် အလွန်ပင် အစွမ်းထက်လှတဲ့ နည်းလမ်းတစ်ခုဖြစ်ပါတယ်။ ဆား၏အစွမ်းသတ္တိများမှာတာကျင်မှုကိုသက်သာစေခြင်း၊ ပိုးသေစေခြင်းနဲ့ ရောင် ရမ်းမှုကိုလျော့ကျစေနိုင်ခြင်းတို့ပဲဖြစ်ပါတယ်။
          အနည်းဆုံးရေထမင်းစားဇွန်း 2 ဇွန်းထဲသို့ ဆားအနည်းငယ်ထည့်၍ ပူနွေးအောင်ပြုလုပ်ကာ ထိုဆားရည်ဖြင့် ဆေးကြောပေးပါ။ သတိပြုရန်မှာ မျက်စိသူငယ်အိမ်ကို မထိမိပါစေနှင့်။
2. နနွင်း
        နနွင်းသည် ပိုးသတ်နိုင်ခြင်း၊ အရောင်ကျစေခြင်းနဲ့ ဓာတ်တိုးဆန့်ကျင်ခြင်း အစွမ်းသတ္တိတွေရှိတာကြောင့် မျက်စိစွန်ခြင်းဝေဒနာကို သက်သာစေနိုင်တာဖြစ်ပါတယ်။ နနွင်းကို မျက်စဉ်းအနေဖြင့်လည်း အသုံးပြုနိုင်ပါတယ်။
          ရေနွေးဆူဆူ နှစ်ခွက်ခန့်ထဲသို့ နနွင်းအနည်းငယ်ထည့်ပါ။ ထိုအရည်ကို ခွက်တစ်ခွက်စာခန့်သာ ကျန်သည်အထိ မီးပြင်းပြင်းဖြင့် ဆူအောင်တည်ထားပါ။ ထို့နောက် အအေးခံထားပြီး ထိုနနွင်းရည်ဖြင့် မျက်လုံးကိုဆေးကြောပေးပါ။ နနွင်းမှုန့်များ အနည်ထိုင်ခြင်းမရှိဘဲ လုံးဝအရည်ပျော်သွားရန် အရေးကြီးလှပါတယ်။
3. တကိုယ်ရေသန့်ရှင်းရေး
        ပိုးဝင်ရခြင်း၏အဓိကအကြောင်းအရင်းမှာ မသန့်ရှင်းသောလက်များဖြင့် မျက်လုံးကို ပွတ်တာကြောင့်ဖြစ်ပါတယ်။ ဒါကြောင့် လက်ကိုရေနွေး၊ ဆပ်ပြာတို့ဖြင့် သေချာစွာဆေးကြောသင့်ပါတယ်။ လက်ဆေးဆပ်ပြားကိုလည်း အသုံးပြုနိုင်ပါတယ်။ ထို့ပြင် လက်ဖြင့်မျက်လုံးကိုမပွတ်ပါနှင့်။
4. ရေနွေးအိတ်ကပ်ခြင်း
        ရေနွေးအိတ်ကပ်ခြင်းဖြင့် ရောဂါပိုးများကိုသေစေရုံသာမက နာကျင်ခြင်း၊ နေရထိုင်ရခတ်ခြင်းတို့ကို သက်သာစေနိုင်ပါတယ်။ အပူရှိန်ကြောင့် သွေးလည်ပတ်မှုကောင်းလာပြီး သွေးဖြူဥများသည် လည်း ရောဂါပိုးတွေဆီပို၍ ရောက်ရှိလာကာ ပိုးများကို ပိုမိုအားကောင်းစွာတိုက်ထုတ်ပေးနိုင်ပါတယ်။
          သန့်ရှင်းတဲ့ အဝတ်စတစ်ခုကိုရေနွေးထဲစိမ်၍ ရေညှစ်ပြီး စွန်နေတဲ့မျက်စိပေါ်ကို အနည်းဆုံး 5 မိနစ်ခန့် ကပ်ထားပေးပါ။ အရေးကြီးသည်မှာ မျက်ခွံများအပူမလောင်စေရန်ဖြစ်ပြီး တစ်နေ့လျှင် 4-5 ကြိမ်ထိ ပြုလုပ်နိုင်ပါတယ်။

မျက်ကြည်လွှာ ပွန်းရှဒဏ်ရာရခြင်း။Dr. Thinzar Wynn www.drmyanmar.com

 

မျက်ကြည်လွှာ ပွန်းရှဒဏ်ရာရခြင်းဆိုတာ 

               အများအားဖြင့် မျက်လုံးသည် မျက်ခွံရိုးလို့ခေါ်တဲ့ အရိုးအတွင်းမှာတည်ရှိပြီး မျက်လုံးကိုကာကွယ်ပေးထားပါတယ်။ ဒါပေမယ့် အချို့ကိစ္စတွေမှာတော့ မကာကွယ်ပေးနိုင်ပါဘူး။ မျက်ကြည်လွှာဆိုတာ တစ်သျှူးအကြည်ရောင်ဖြစ်ပြီး မျက်နက်ဝန်း (အရောင်ရှိသော အပိုင်း)နဲ့ သူငယ်အိမ် (အမည်းရောင်ရှိသောအပိုင်း) တို့ကို ကာကွယ်ပေးထားတာဖြစ်ပါတယ်။

             မျက်ကြည်လွှာဟာ အမြင်အာရုံကိုကောင်းမွန်နေရန် အကူအညီပေးပါတယ်။ မျက်ကြည်လွှာပွန်းရှခြင်းဆိုတာ အရေပြားပွန်းသလိုပဲ မျက်ကြည်လွှာကိုတစ်ခုခုနဲ့ခြစ်မိ၊ ထိမိပြီးဒဏ်ရာရစေတာဖြစ်ပါတယ်။ မျက်လုံးထဲကို တစ်ခုခုဝင်သွားခြင်းဟာ မျက်ကြည်လွှာကို ဒဏ်ရာရစေနိုင်ပါတယ်။ ဖြစ်နိုင်တာတွေကတော့ ဖုန်မှုန့်၊ သဲမှုန့်၊ စူးချွန်၊ ပိုးကောင်၊ စက္ကူစ၊ မှန်စ၊ မိတ်ကပ်နဲ့ လက်သည်းအပိုင်းအစတို့ဖြစ်ပါတယ်။

        


             မျက်ခွံနဲ့ မျက်တောင်မွှေးတွေဟာ မျက်လုံးထဲသို့ အမှိုက်သရိုက်တွေမဝင်အောင် ကာကွယ်ပေးတဲ့အပြင် မျက်ရည်ကျခြင်းဖြင့်လည်း အမှိုက်တွေကို ဖယ်ရှားပေးပါတယ်။ သို့တိုင်အောင် တခါတရံမှာခြစ်မိတာတွေ ဖြစ်နိုင်ပါသေးတယ်။
             အများအားဖြင့် ပွန်းရှဒဏ်ရာတွေဟာ ရက်အနည်းငယ်အတွင်းမှာ ပျောက်ကင်းသွားလေ့ရှိပြီး ဘာပြဿနာမျှပေးလေ့မရှိပါဘူး။

ရောဂါလက္ခဏာများ

        မျက်ကြည်လွှာပွန်းရှခြင်းကြောင့် မျက်ကြည်လွှာရဲ့ပုံမှန်လုပ်ဆောင်မှုကိုထိခိုက်စေပြီး အမြင်အာရုံပြဿနာတွေကို ဖြစ်လာစေနိုင်ပါတယ်။ အရာဝတ္ထုတွေဝေါဝါးလာပြီး ကြည့်ရတာအဆင်မပြေမှုတွေအပြင် အခြားရောဂါလက္ခဏာတွေအနေနဲ့-
- မျက်ရည်ကျခြင်း
- ခိုးလိုးခုလုဖြစ်ခြင်း
- နာကျင်ခြင်း
- မျက်စိနီရဲနေခြင်း
- မျက်ခွံရောင်ခြင်း
- အလင်းရောင်ကို မခံနိုင်ခြင်းတို့ဖြစ်ကြပါတယ်။

မျက်ကြည်လွှာထိခိုက်ဒဏ်ရာရသွားပြီဆိုရင်

          အောက်ပါအချက်များကို လိုက်နာခြင်းဖြင့်လည်း မျက်စိထိခိုက်ဒဏ်ရာရမှုကို ပိုမဆိုးအောင် ပြုလုပ်နိုင်ပါတယ်။
- မျက်လုံးကိုမပွတ်ပါနဲ့
- မျက်လုံးကို မည်သည့်အရာနှင့်မျှ မထိပါစေနှင့် (ဥပမာ - ဝါဂွမ်း)
        မျက်ကြည်လွှာ၌ ပွန်းရှဒဏ်ရာရပါက ဆရာဝန်နှင့်သွားရောက်ပြသရန်လိုအပ်ပါတယ်။ ဒဏ်ရာအတိမ်အနက်ကို ဆရာဝန်မှ စစ်ဆေးပြီးနောက် ပိုမဆိုးစေရန်နဲ့ အနာမြန်မြန်ကျက်စေရန် ကူညီပေးပါလိမ့်မယ်။

စမ်းသပ်စစ်ဆေးခြင်း

          Fluorescein လို့ခေါ်တဲ့ အဏုမြူအရည်ကို မျက်စိ မျက်နှာပြင်မှာထည့်ပြီး အပြာရောင်မီးရောင်အောက်မှာကြည့်ပါက ပွန်းရှမှုရှိတဲ့နေရာမှာ အစိမ်းရောင်တောက်နေတာကို တွေ့ရနိုင်ပါတယ်။
          မျက်စိထဲမှာ တစ်စုံတစ်ရာတွေ့ပါက ဆရာဝန်သည် ဖယ်ရှားလိုက်ပြီး မျက်စဉ်းကိုရည်အနည်းငယ်ကြာခတ်ဖို့အတွက် ညွှန်ကြားပါလိမ့်မယ်။ မျက်စိတွင်နာကျင်မှုရှိပါက အကိုက်အခဲပျောက်ဆေးများပေး၍ 4-5 ရက်ခန့် မျက်ကပ်မှန်မတပ်ရန်လည်း လိုအပ်ပါတယ်။ အကယ်၍ ရက်အနည်းငယ်ကြာသည်အထိ မသက်သာပါက (သို့) ရောဂါလက္ခဏာအခြေအနေပိုဆိုးလာပါက ဆရာဝန်ကို ထပ်မံသွားရောက်ပြသသင့်ပါတယ်။

ကာကွယ်ရန်နည်းလမ်းများ

        ထိခိုက်ဒဏ်ရာရမှုကိုကာကွယ်ရန် စကိတ်စီးခြင်း၊ ဟော်ကီကစားခြင်း စတဲ့အားကစားတွေပြုလုပ်တဲ့အခါမှာ မျက်စိကာကွယ်ရေးပစ္စည်းများ (မျက်မှန် (သို့) နှာခေါင်းစည်း) ကို အသုံးပြုပေးနိုင်ပါတယ်။ ဓာတ်ခွဲခန်းသုံးမျက်မှန်တွေတပ်ဆင်ခြင်းဟာလည်း သုတေသနလုပ်ငန်းပြုလုပ်တဲ့အချိန်မှာ မျက်လုံးကိုကာကွယ်ပေးနိုင်ပါတယ်။
        နေရောင်ထဲထွက်တဲ့အခါဖြစ်ဖြစ်၊ ရေထဲမှာဖြစ်ဖြစ်၊ နှင်းတောထဲထွက်တဲ့အချိန်မှာဖြစ်ဖြစ် နေကာ မျက်မှန်ကို တပ်ဆင်သင့်ပါတယ်။ အိမ်မွေးတိရစ္ဆာန်တွေရှိပါကလည်း ကစားရင်းမတော်တဆထိခိုက်တတ်တဲ့အတွက် သတိထားသင့်ပါတယ်။
         မျက်ကပ်မှန်တပ်ဆင်ပါက ညွှန်ကြားချက်အတိုင်းတိတိကျကျလိုက်နာရန် လိုအပ်ပါတယ်။ လက်သည်းရှည်တွေဟာ မျက်ကပ်မှန်ဖြုတ်၊ တပ်တဲ့အခါ ခြစ်မိနိုင်တာကြောင့် သေချာဂရုတစိုက်တပ်ဆင်ဖို့ လိုပါတယ်။

မျက်ရည်များအကြောင်း။Dr. Mya Myo Myo Swe www.drmyanmar.com

 

         မျက်ရည်တွေက မျက်လုံးစိုစွတ်မှုကို ထိန်းသိမ်းပေးခြင်း၊ မျက်လုံးထဲဝင်လာတဲ့ အမှုန်တွေ၊ ပြင်ပ အရာဝတ္ထုတွေကို ဖယ်ထုတ်ပေးခြင်းအားဖြင့် မျက်လုံးကိုကာကွယ်ပေးပါတယ်။

         အပေါ်မျက်ခမ်းအောက်မှာ မျက်ရည်ဂလင်းတွေ ရှိပါတယ်။ မျက်လုံးနဲ့နှာခေါင်းကြားမှာရှိတဲ့ မျက်ရည်ပြွန်လို့ခေါ်တဲ့ သေးငယ်တဲ့ပြွန်လေးကတစ်ဆင့် မျက်ရည်တွေ အပြင်ထွက်သွားပါတယ်။ မျက်ရည်ပြွန်နှစ်ခုရှိပြီး တစ်ခုစီကမျက်လုံးတစ်ဖက်စီရဲ့ အတွင်းထောင့်နားမှာရှိပါတယ်။ မျက်လုံးထဲမှာ မျက်ရည်တွေပြည့်အိုင်လာပြီဆိုရင် မျက်ရည်တွေက ဒီပြွန်ကနေတစ်ဆင့်အပြင်ကို ထွက်သွား ပါတယ်။ အောက်မျက်ခမ်းကို အောက်ကိုဆွဲကြည့်ရင် မျက်ရည်ပြွန် အပေါက်လေးတွေ ကို တွေ့နိုင်ပါတယ်။

          မျက်ရည်တွေမြန်မြန်ထွက်တဲ့အခါ ပြွန်ကနေစီးထွက်ဖို့ မနိုင်တော့တဲ့အတွက် ပါးပေါ်ကိုစီးကျလာပါတယ်။ ပြွန်ကနေထွက်လာတဲ့မျက်ရည်အချို့က နှာခေါင်းထဲဝင်လာတဲ့ အတွက် နှာရည်တွေစီးကျလာပါတယ်။

မျက်ရည်ဘာကြောင့်ထွက်ရတာလဲ?

          ငိုတာအပြင် အကြောင်းအမျိုးမျိုးကြောင့်မျက်ရည်ကျပါတယ်။ မျက်လုံးကိုဘာနဲ့ပဲထိမိထိမိ အဲအရာကိုဖယ်ရှားဖို့အတွက် မျက်ရည်အလိုလိုထွက်လာပါတယ်။ မီးခိုးငွေ့ကဲ့သို့သောမျက်လုံးနဲ့ မမြင်နိုင်တဲ့အရာနဲ့ထိတွေ့ရင်တောင် မျက်ရည်ထွက်ပါတယ်။ ကြက်သွန်နီကထွက်တဲ့အနံ့မှာ မျက်လုံးကိုထိခိုက်နိုင်တဲ့ ဓာတုပစ္စည်းလေးတွေပါဝင်တဲ့အတွက် ကြက်သွန်နီ လှီး၊ အခွံခွာ၊ ထောင်း စသည်တို့လုပ်တဲ့အခါ မျက်ရည်ထွက်လာပါတယ်။ လေအေးထိတွေ့ရင်၊ မျက်လုံးလေတိုက်တာများရင်လည်း မျက်လုံးခြောက်သွေ့ခြင်းကို ကာကွယ်ဖို့အတွက် မျက်ရည်ထွက်ပါတယ်။
          ဓာတ်မတည့်ခြင်း၊ မျက်စိထဲပိုးဝင်ခြင်း၊ မျက်လုံးနာခြင်းတွေဖြစ်ရင်လည်း မျက်ရည်ထွက်ပါတယ်။ ဒီအရာတွေကြောင့် မျက်လုံးရောင်လာနိုင်ပါတယ်။

မျက်ရည်မထွက်ခြင်း

          တစ်ချို့လူတွေမှာ မျက်ရည်လုံလောက်စွာမထုတ်ပေးနိုင်တဲ့အတွက် မျက်ရည်ထွက်ဖို့ခက်ခဲပါတယ်။ အချို့သောရောဂါတွေနဲ့ ဆေးတွေကလည်း မျက်လုံးခြောက်စေပါတယ်။
          နောက်ပြဿနာတစ်ခုကတော့ မျက်ရည်ပြွန်ပိတ်ပြီး မျက်ရည်တွေမစီးဆင်းနိုင်ဘဲ မျက်လုံးထဲမှာ အရည်တွေ ပြည့်အိုင်လာတတ်ပါတယ်။ မွေးကတည်းက မျက်ရည်ပြွန်ပိတ်ပြီးမွေးလာနိုင်ပါတယ်။ အများအားဖြင့်တော့ သူ့အလိုလိုပြန်ပွင့်လေ့ရှိသော်လည်း အချို့ကလေးတွေမှာတော့ ပြွန်ပြန်ပွင့်စေဖို့ ခွဲစိတ်မှုအသေးစားလေးတွေလုပ်ရပါတယ်။